១. ចន្ទិមសសុត្តវណ្ណនា

៩២. ទុតិយវគ្គស្ស បឋមេ កច្ឆេវាតិ កច្ឆេ វិយ. កច្ឆេតិ បព្ពតកច្ឆេបិ នទីកច្ឆេបិ. ឯកោទិ និបកាតិ ឯកគ្គចិត្តា ចេវ បញ្ញានេបក្កេន ច សមន្នាគតា. សតាតិ សតិមន្តោ. ឥទំ វុត្តំ ហោតិ – យេ ឈានានិ លភិត្វា ឯកោទី និបកា សតា វិហរន្តិ, តេ អមកសេ បព្ពតកច្ឆេ វា នទីកច្ឆេ វា មគា វិយ សោត្ថិំ គមិស្សន្តីតិ. បារន្តិ និព្ពានំ. អម្ពុជោតិ មច្ឆោ. រណញ្ជហាតិ កិលេសញ្ជហា. យេបិ ឈានានិ លភិត្វា អប្បមត្តា កិលេសេ ជហន្តិ, តេ សុត្តជាលំ ភិន្ទិត្វា មច្ឆា វិយ និព្ពានំ គមិស្សន្តីតិ វុត្តំ ហោតិ. បឋមំ.