២. ទុតិយកស្សបសុត្តវណ្ណនា

៨៣. ទុតិយេ ឈាយីតិ ទ្វីហិ ឈានេហិ ឈាយី. វិមុត្តចិត្តោតិ កម្មដ្ឋានវិមុត្តិយា វិមុត្តចិត្តោ. ហទយស្សានុបត្តិន្តិ អរហត្តំ. លោកស្សាតិ សង្ខារលោកស្ស. អនិស្សិតោតិ តណ្ហាទិដ្ឋីហិ អនិស្សិតោ, តណ្ហាទិដ្ឋិយោ វា អនិស្សិតោ. តទានិសំសោតិ អរហត្តានិសំសោ. ឥទំ វុត្តំ ហោតិ – អរហត្តានិសំសោ ភិក្ខុ អរហត្តំ បត្ថេន្តោ ឈាយី ភវេយ្យ, សុវិមុត្តចិត្តោ ភវេយ្យ, លោកស្ស ឧទយព្ពយំ ញត្វា អនិស្សិតោ ភវេយ្យ. តន្តិធម្មោ បន ឥមស្មិំ សាសនេ បុព្ពភាគោតិ. ទុតិយំ.