៥. អក្កោធសុត្តវណ្ណនា

២៧១. បញ្ចមេ មា វោ កោធោ អជ្ឈភវីតិ កោធោ តុម្ហេ មា អភិភវិ, តុម្ហេវ កោធំ អភិភវថ. មា ច កុជ្ឈិត្ថ កុជ្ឈិតន្តិ កុជ្ឈន្តានំ មា បដិកុជ្ឈិត្ថ. អក្កោធោតិ មេត្តា ច មេត្តាបុព្ពភាគោ ច. អវិហិំសាតិ ករុណា ច ករុណាបុព្ពភាគោ ច. អថ បាបជនំ កោធោ, បព្ពតោវាភិមទ្ទតីតិ លាមកជនំ បព្ពតោ វិយ កោធោ អភិមទ្ទតីតិ. បញ្ចមំ.

តតិយោ វគ្គោ.

សក្កសំយុត្តវណ្ណនា និដ្ឋិតា.

ឥតិ សារត្ថប្បកាសិនិយា សំយុត្តនិកាយ-អដ្ឋកថាយ

សគាថាវគ្គវណ្ណនា និដ្ឋិតា.

សំយុត្តនិកាយ-អដ្ឋកថាយ បឋមោ ភាគោ.