៨. ឧប្បថសុត្តវណ្ណនា

៥៨. អដ្ឋមេ រាគោ ឧប្បថោតិ សុគតិញ្ច និព្ពានញ្ច គច្ឆន្តស្ស អមគ្គោ. រត្តិន្ទិវក្ខយោតិ រត្តិទិវេហិ, រត្តិទិវេសុ វា ខីយតិ. ឥត្ថី មលន្តិ សេសំ ពាហិរមលំ ភស្មខារាទីហិ ធោវិត្វា សក្កា សោធេតុំ, មាតុគាមមលេន ទុដ្ឋោ បន ន សក្កា សុទ្ធោ នាម កាតុន្តិ ឥត្ថី ‘‘មល’’ន្តិ វុត្តា. ឯត្ថាតិ ឯត្ថ ឥត្ថិយំ បជា សជ្ជតិ. តបោតិ ឥន្ទ្រិយសំវរធុតង្គគុណវីរិយទុក្ករការិកានំ នាមំ, ឥធ បន ឋបេត្វា ទុក្ករការិកំ សព្ពាបិ កិលេសសន្តាបិកា បដិបទា វដ្ដតិ. ព្រហ្មចរិយន្តិ មេថុនវិរតិ. អដ្ឋមំ.