៥. អនោមសុត្តវណ្ណនា

៤៥. បញ្ចមេ អនោមនាមន្តិ សព្ពគុណសមន្នាគតត្តា អវេកល្លនាមំ, បរិបូរនាមន្តិ អត្ថោ. និបុណត្ថទស្សិន្តិ ភគវា សណ្ហសុខុមេ ខន្ធន្តរាទយោ អត្ថេ បស្សតីតិ និបុណត្ថទស្សី. បញ្ញាទទន្តិ អន្វយបញ្ញាធិគមាយ បដិបទំ កថនវសេន បញ្ញាយ ទាយកំ. កាមាលយេ អសត្តន្តិ បញ្ចកាមគុណាលយេ អលគ្គំ. កមមានន្តិ ភគវា មហាពោធិមណ្ឌេយេវ អរិយមគ្គេន គតោ, ន ឥទានិ គច្ឆតិ, អតីតំ បន ឧបាទាយ ឥទំ វុត្តំ. មហេសិន្តិ មហន្តានំ សីលក្ខន្ធាទីនំ ឯសិតារំ បរិយេសិតារន្តិ. បញ្ចមំ.