១-១០. ឧមាបុប្ផិយត្ថេរអបទានាទិវណ្ណនា

តេត្តិំសតិមេ វគ្គេ បឋមទុតិយតតិយចតុត្ថបញ្ចមឆដ្ឋាបទានានិ ឧត្តានានិយេវ.

៥៥. សត្តមាបទានេ សមយំ អគមាសហន្តិ សមូហំ សមាគមដ្ឋានំ អហំ អគមាសិន្តិ អត្ថោ.

៦២. អព្ពុទនិរព្ពុទានីតិ ‘‘បកោដិសតសហស្សានំ សតំ អព្ពុទំ, អព្ពុទសតសហស្សានំ សតំ និរព្ពុទ’’ន្តិ វុត្តត្តា អាយុនា អព្ពុទនិរព្ពុទានិ គតមហាអាយុវន្តា មនុជាធិបា ចក្កវត្តិនោ ខត្តិយា អដ្ឋ អដ្ឋ ហុត្វា កប្បានំ បញ្ចវីសសហស្សម្ហិ អាសិំសុ អហេសុន្តិ អត្ថោ. អដ្ឋមនវមទសមាបទានានិ បាកដានេវាតិ.

តេត្តិំសតិមវគ្គវណ្ណនា សមត្តា.