ព្យាធិបុរិសវណ្ណនា

៤៧. អទ្ទស ខោតិ បុព្ពេ វុត្តនយេនេវ សុទ្ធាវាសេហិ ទស្សិតំ អទ្ទស. អាពាធិកន្តិ ឥរិយាបថភញ្ជនកេន វិសភាគពាធេន អាពាធិកំ. ទុក្ខិតន្តិ រោគទុក្ខេន ទុក្ខិតំ. ពាឡ្ហគិលានន្តិ អធិមត្តគិលានំ. បលិបន្នន្តិ និមុគ្គំ. ជរា បញ្ញាយិស្សតិ ព្យាធិ បញ្ញាយិស្សតីតិ ឥធាបិ យាយ ជាតិយា សតិ ឥទំ ទ្វយំ បញ្ញាយតិ, ធិក្កតា សា ជាតិ, អជាតំ ខេមន្តិ ជាតិយា មូលំ ខណន្តោ និសីទិ, ទុតិយេន សល្លេន វិទ្ធោ វិយ.