១. សុត្តន្តភាជនីយវណ្ណនា

៤៨៦. ឥទានិ តទនន្តរេ មគ្គវិភង្គេ អរិយោ អដ្ឋង្គិកោ មគ្គោតិអាទិ សព្ពំ សច្ចវិភង្គេ ទុក្ខនិរោធគាមិនីបដិបទានិទ្ទេសេ វុត្តនយេនេវ វេទិតព្ពំ. ភាវនាវសេន បាដិយេក្កំ ទស្សិតេ ទុតិយនយេបិ សម្មាទិដ្ឋិំ ភាវេតិ វិវេកនិស្សិតន្តិអាទិ សព្ពំ ពោជ្ឈង្គវិភង្គេ វុត្តនយេនេវ វេទិតព្ពំ. ឯវមិទំ ទ្វិន្នម្បិ នយានំ វសេន សុត្តន្តភាជនីយំ លោកិយលោកុត្តរមិស្សកមេវ កថិតំ.