៨. អដ្ឋមនយោ វិប្បយុត្តេនសម្បយុត្តបទវណ្ណនា

៣១៧. ឥទានិ វិប្បយុត្តេនសម្បយុត្តបទំ ភាជេតុំ រូបក្ខន្ធេនាតិអាទិ អារទ្ធំ. តត្ថ សព្ពាបិ បុច្ឆា មោឃបុច្ឆាវ. រូបក្ខន្ធេន ហិ វិប្បយុត្តា នាម ចត្តារោ ខន្ធា, តេសំ អញ្ញេហិ សម្បយោគោ នត្ថិ. វេទនាក្ខន្ធេន វិប្បយុត្តំ រូបំ និព្ពានញ្ច, តស្ស ច កេនចិ សម្បយោគោ នត្ថិ. ឯវំ សព្ពបទេសុ. វិប្បយុត្តានំ បន សម្បយោគាភាវោ វេទិតព្ពោ. ឥតិ បុច្ឆាយ មោឃត្តា សព្ពវិស្សជ្ជនេសុ នត្ថិ នត្ថិឥច្ចេវ វុត្តន្តិ.

វិប្បយុត្តេនសម្បយុត្តបទវណ្ណនា.