៩. នាគសុត្តវណ្ណនា

៤០. នវមេ អារញ្ញកស្សាតិ អរញ្ញវាសិនោ. គោចរបសុតស្សាតិ គោចរគ្គហណត្ថាយ គច្ឆន្តស្ស. ហត្ថិកលភាតិ មហន្តា មហន្តា នាគា. ហត្ថិច្ឆាបាតិ តរុណបោតកា. ឱភគ្គោភគ្គន្តិ នាមេត្វា នាមេត្វា ឋបិតំ. ឱគាហំ ឱតិណ្ណស្សាតិ ឱគាហិតព្ពត្តា ឱគាហន្តិ លទ្ធនាមំ ឧទកតិត្ថំ ឱតិណ្ណស្ស. ឱគាហា ឧត្តិណ្ណស្សាតិ ឧទកតិត្ថតោ ឧត្តិណ្ណស្ស. វូបកដ្ឋោតិ វូបកដ្ឋោ ហុត្វា. ឥទានិ យស្មា ទសពលស្ស ហត្ថិនាគេន កិច្ចំ នត្ថិ, សាសនេ បន តំសរិក្ខកំ បុគ្គលំ ទស្សេតុំ ឥទមាហដំ, តស្មា តំ បុគ្គលំ ទស្សេន្តោ ឯវមេវ ខោតិអាទិមាហ.