៣. កោដ្ឋិកសុត្តវណ្ណនា

១៣. តតិយេ ទិដ្ឋធម្មវេទនីយន្តិ ឥមស្មិំ យេវត្តភាវេ វិបច្ចនកកម្មំ. សម្បរាយវេទនីយន្តិ ទុតិយេ អត្តភាវេ វិបច្ចនកកម្មំ. សុខវេទនីយន្តិ សុខវេទនាជនកកម្មំ. ទុក្ខវេទនីយន្តិ ទុក្ខវេទនាជនកកម្មំ. បរិបក្កវេទនីយន្តិ លទ្ធវិបាកវារំ. អបរិបក្កវេទនីយន្តិ អលទ្ធវិបាកវារំ. ពហុវេទនីយន្តិ ពហុវិបាកទាយកំ. អប្បវេទនីយន្តិ ន ពហុវិបាកទាយកំ. អវេទនីយន្តិ វិបាកវេទនាយ អទាយកំ. ឥមស្មិំ សុត្តេ វដ្ដវិវដ្ដំ កថិតំ.