៦. យសសុត្តវណ្ណនា

៨៦. ឆដ្ឋេ មា ច មយា យសោតិ យសោ ច មយា សទ្ធិំ មា គញ្ឆិ. អកសិរលាភីតិ វិបុលលាភី. សីលបញ្ញាណន្តិ សីលញ្ចេវ ញាណញ្ច. សង្គម្មាតិ សន្និបតិត្វា. សមាគម្មាតិ សមាគន្ត្វា. សង្គណិកវិហារន្តិ គណសង្គណិកវិហារំ. ន ហិ នូនមេតិ ន ហិ នូន ឥមេ. តថា ហិ បនមេតិ តថា ហិ បន ឥមេ. អង្គុលិបតោទកេហីតិ អង្គុលិបតោទយដ្ឋិំ កត្វា វិជ្ឈនេន. សញ្ជគ្ឃន្តេតិ មហាហសិតំ ហសន្តេ. សំកីឡន្តេតិ កេឡិំ ករោន្តេ.