៣. មូលកសុត្តវណ្ណនា

៨៣. តតិយេ សព្ពេ ធម្មាតិ បញ្ចក្ខន្ធា. ឆន្ទមូលកាតិ អជ្ឈាសយច្ឆន្ទោ កត្តុកម្យតាឆន្ទោ តំ មូលំ ឯតេសន្តិ ឆន្ទមូលកា. មនសិការតោ សម្ភវន្តីតិ មនសិការសម្ភវា. ផស្សតោ សមុទេន្តិ រាសី ភវន្តីតិ ផស្សសមុទយា. វេទនាយ សមោសរន្តីតិ វេទនាសមោសរណា. សមាធិ ឯតេសំ បមុខោតិ សមាធិប្បមុខា. ជេដ្ឋកដ្ឋេន សតិ អធិបតិ ឯតេសន្តិ សតាធិបតេយ្យា, សតិជេដ្ឋកាតិ អត្ថោ. បញ្ញា ឧត្តរា ឯតេសន្តិ បញ្ញុត្តរា. វិមុត្តិ ឯវ សារោ ឯតេសន្តិ វិមុត្តិសារា. ឯត្ថ ច ឆន្ទមូលកាទយោ ចត្តារោបិ លោកិយា កថិតា, សេសា លោកិយលោកុត្តរមិស្សកាតិ.