៣-៩. មរណស្សតិសុត្តទ្វយាទិវណ្ណនា

៧៣-៧៩. តតិយេ ភាវេថ នោតិ ភាវេថ នុ. សាសនន្តិ អនុសិដ្ឋិ. អាសវានំ ខយាយាតិ អរហត្តផលត្ថាយ. ចតុត្ថេ បតិហិតាយាតិ បដិបន្នាយ. សោ មមស្ស អន្តរាយោតិ សោ មម ជីវិតន្តរាយោបិ, បុថុជ្ជនកាលកិរិយំ ករោន្តស្ស សគ្គន្តរាយោបិ មគ្គន្តរាយោបិ អស្ស. សត្ថកា វា មេ វាតាតិ សត្ថំ វិយ អង្គមង្គានិ កន្តន្តីតិ សត្ថកា. បញ្ចមាទីនិ វុត្តនយានេវ. នវមេ សំសគ្គារាមតាតិ បញ្ចវិធេ សំសគ្គេ អារាមតា.