៣. សំខិត្តសុត្តវណ្ណនា

៥៣. តតិយេ សរាគាយាតិ សរាគត្ថាយ. វិរាគាយាតិ វិរជ្ជនត្ថាយ. សំយោគាយាតិ វដ្ដេ សំយោគត្ថាយ. វិសំយោគាយាតិ វដ្ដេ វិសំយោគភាវត្ថាយ. អាចយាយាតិ វដ្ដស្ស វឌ្ឍនត្ថាយ. នោ អបចយាយាតិ ន វដ្ដវិទ្ធំសនត្ថាយ. ទុព្ភរតាយាតិ ទុប្បោសនត្ថាយ. នោ សុភរតាយាតិ ន សុខបោសនត្ថាយ. ឥមស្មិំ សុត្តេ បឋមវារេន វដ្ដំ កថិតំ, ទុតិយវារេន វិវដ្ដំ កថិតំ. ឥមិនា ច បន ឱវាទេន គោតមី អរហត្តំ បត្តាតិ.