(២៥) ៥. ទុច្ចរិតវគ្គោ

១. បឋមទុច្ចរិតសុត្តវណ្ណនា

២៤១. បញ្ចមស្ស បឋមេ ទុច្ចរិតេ សុចរិតេតិ ឥទំ អភេទតោ វុត្តំ, កាយទុច្ចរិតេតិអាទិ កាយទ្វារាទីនំ វសេន ភេទតោ. សទ្ធម្មាតិ ទសកុសលកម្មបថធម្មតោ. អសទ្ធម្មេតិ អកុសលកម្មបថសង្ខាតេ អស្សទ្ធម្មេ.

៩. សិវថិកសុត្តវណ្ណនា

២៤៩. នវមេ សិវថិកាយាតិ សុសានេ. អារោទនាតិ អារោទនដ្ឋានំ. អសុចិនាតិ ជិគុច្ឆនីយេន.

១០. បុគ្គលប្បសាទសុត្តវណ្ណនា

២៥០. ទសមេ បុគ្គលប្បសាទេតិ ឯកបុគ្គលស្មិំ ឧប្បន្នប្បសាទេ. អន្តេ និសីទាបេតីតិ ភិក្ខូនំ អាសនបរិយន្តេ និសីទាបេតិ. សេសំ សព្ពត្ថ ឧត្តានត្ថមេវាតិ.

ទុច្ចរិតវគ្គោ បញ្ចមោ.