២. បច្ឆាសមណសុត្តវណ្ណនា

១១២. ទុតិយេ បត្តបរិយាបន្នំ ន គណ្ហាតីតិ ឧបជ្ឈាយេ និវត្តិត្វា ឋិតេ អត្តនោ តុច្ឆបត្តំ ទត្វា តស្ស បត្តំ ន គណ្ហាតិ, តតោ វា ទីយមានំ ន គណ្ហាតិ. ន និវារេតីតិ ឥទំ វចនំ អាបត្តិវីតិក្កមវចនំ នាមាតិ ន ជានាតិ. ញត្វា វាបិ, ‘‘ភន្តេ, ឯវរូបំ នាម វត្តុំ ន វដ្ដតី’’តិ ន និវារេតិ. កថំ ឱបាតេតីតិ តស្ស កថំ ភិន្ទិត្វា អត្តនោ កថំ បវេសេតិ. ជឡោតិ ជឌោ. ឯឡមូគោតិ បគ្ឃរិតខេឡមុខោ. តតិយំ ឧត្តានមេវ.