២. ឧស្សង្កិតសុត្តវណ្ណនា

១០២. ទុតិយេ ឧស្សង្កិតបរិសង្កិតោតិ ឧស្សង្កិតោ ច បរិសង្កិតោ ច. អបិ អកុប្បធម្មោបីតិ អបិ អកុប្បធម្មោ ខីណាសវោ សមានោបិ បរេហិ បាបភិក្ខូហិ ឧស្សង្កិតបរិសង្កិតោ ហោតីតិ អត្ថោ. វេសិយាគោចរោតិអាទីសុ វេសិយា វុច្ចន្តិ រូបូបជីវិនិយោ, តា គោចរោ អស្សាតិ វេសិយាគោចរោ, តាសំ គេហំ អភិណ្ហគមនោតិ អត្ថោ. សេសបទេសុបិ ឯសេវ នយោ. តត្ថ បន វិធវាតិ មតបតិកា. ថុល្លកុមារិកាតិ មហល្លិកកុមារិកាយោ.