១. អាទិយសុត្តវណ្ណនា

៤១. បញ្ចមស្ស បឋមេ ភោគានំ អាទិយាតិ ភោគានំ អាទាតព្ពការណានិ. ឧដ្ឋានវីរិយាធិគតេហីតិ ឧដ្ឋានសង្ខាតេន វីរិយេន អធិគតេហិ. ពាហាពលបរិចិតេហីតិ ពាហុពលេន សញ្ចិតេហិ. សេទាវក្ខិត្តេហីតិ សេទំ អវក្ខិបេត្វា ឧប្បាទិតេហិ. ធម្មិកេហីតិ ធម្មយុត្តេហិ. ធម្មលទ្ធេហីតិ ទសកុសលកម្មំ អកោបេត្វា លទ្ធេហិ. បីណេតីតិ បីណិតំ ថូលំ ករោតិ. សេសមេត្ថ ចតុក្កនិបាតេ វុត្តនយេនេវ វេទិតព្ពំ. ទុតិយំ ឧត្តានត្ថមេវ.