៧. រោគសុត្តវណ្ណនា

១៥៧. សត្តមេ វិឃាតវាតិ មហិច្ឆាបច្ចយេន វិឃាតេន ទុក្ខេន សមន្នាគតោ. អសន្តុដ្ឋោតិ ចតូសុ បច្ចយេសុ តីហិ សន្តោសេហិ អសន្តុដ្ឋោ. អនវញ្ញប្បដិលាភាយាតិ បរេហិ អនវជាននស្ស បដិលាភត្ថាយ. លាភសក្ការសិលោកប្បដិលាភាយាតិ សុសង្ខតចតុបច្ចយសង្ខាតស្ស លាភសក្ការស្ស ចេវ វណ្ណភណនសង្ខាតស្ស សិលោកស្ស ច បដិលាភត្ថាយ. សង្ខាយ កុលានិ ឧបសង្កមតីតិ ‘‘ឥតិ មំ ឯតេ ជានិស្សន្តី’’តិ ជាននត្ថាយ កុលានិ ឧបសង្កមតិ. សេសបទេសុបិ ឯសេវ នយោ.