២. ទុតិយបុញ្ញាភិសន្ទសុត្តវណ្ណនា

៥២. ទុតិយេ អរិយកន្តេហីតិ មគ្គផលសម្បយុត្តេហិ. តានិ ហិ អរិយានំ កន្តានិ ហោន្តិ បិយានិ មនាបានិ. សេសំ សុត្តន្តេ តាវ យំ វត្តព្ពំ សិយា, តំ វិសុទ្ធិមគ្គេ (វិសុទ្ធិ. ១.១២៤ អាទយោ) វុត្តមេវ.

គាថាសុ បន សទ្ធាតិ សោតាបន្នស្ស សទ្ធា អធិប្បេតា. សីលម្បិ សោតាបន្នស្ស សីលមេវ. ឧជុភូតញ្ច ទស្សនន្តិ កាយវង្កាទីនំ អភាវេន ខីណាសវស្ស ទស្សនំ ឧជុភូតទស្សនំ នាម. អាហូតិ កថយន្តិ. បសាទន្តិ ពុទ្ធធម្មសង្ឃេសុ បសាទំ. ធម្មទស្សនន្តិ ចតុសច្ចធម្មទស្សនំ.