៤. ទុតិយខតសុត្តវណ្ណនា

៤. ចតុត្ថេ មាតរិ បិតរិ ចាតិអាទីសុ មិត្តវិន្ទកោ មាតរិ មិច្ឆាបដិបន្នោ នាម, អជាតសត្តុ បិតរិ មិច្ឆាបដិបន្នោ នាម, ទេវទត្តោ តថាគតេ មិច្ឆាបដិបន្នោ នាម, កោកាលិកោ តថាគតសាវកេ មិច្ឆាបដិបន្នោ នាម. ពហុញ្ចាតិ ពហុកមេវ. បសវតីតិ បដិលភតិ. តាយាតិ តាយ មិច្ឆាបដិបត្តិសង្ខាតាយ អធម្មចរិយាយ. បេច្ចាតិ ឥតោ គន្ត្វា. អបាយំ គច្ឆតីតិ និរយាទីសុ អញ្ញតរស្មិំ និព្ពត្តតិ. សុក្កបក្ខេបិ ឯសេវ នយោ.