៩. បឋមនិទានសុត្តវណ្ណនា

១១២. នវមេ និទានានីតិ ការណានិ. កម្មានំ សមុទយាយាតិ វដ្ដគាមិកម្មានំ បិណ្ឌករណត្ថាយ. លោភបកតន្តិ លោភេន បកតំ. សាវជ្ជន្តិ សទោសំ. តំ កម្មំ កម្មសមុទយាយ សំវត្តតីតិ តំ កម្មំ អញ្ញេសម្បិ វដ្ដគាមិកម្មានំ សមុទយាយ បិណ្ឌករណត្ថាយ សំវត្តតិ. ន តំ កម្មំ កម្មនិរោធាយាតិ តំ បន កម្មំ វដ្ដគាមិកម្មានំ និរោធត្ថាយ ន សំវត្តតិ. សុក្កបក្ខេ កម្មានំ សមុទយាយាតិ វិវដ្ដគាមិកម្មានំ សមុទយត្ថាយ. ឥមិនា នយេន សព្ពំ អត្ថតោ វេទិតព្ពំ.