១. សេនាសនសុត្តវណ្ណនា

១១. ទុតិយស្ស បឋមេ បញ្ចង្គសមន្នាគតោតិ បញ្ចហិ គុណង្គេហិ សមន្នាគតោ. នាតិទូរំ ហោតិ នាច្ចាសន្នន្តិ យញ្ហិ អតិទូរេ ហោតិ, បិណ្ឌាយ ចរិត្វា តត្ថ គច្ឆន្តស្ស កាយចិត្តទរថា ហោតិ, តតោ អនុប្បន្នំ វា សមាធិំ ឧប្បាទេតុំ ឧប្បន្នំ វា ថិរំ កាតុំ ន សក្កោតិ. អច្ចាសន្នំ ពហុជនាកិណ្ណំ ហោតិ. ចត្តាលីសឧសភមត្តេ បន បទេសេ វសតំ ទូរាសន្នទោសវិមុត្តញ្ច គមនាគមនសម្បន្នំ នាម ហោតិ. ទិវាអប្បាកិណ្ណន្តិ ទិវសភាគេ មហាជនេន អនាកិណ្ណំ.