១-២. កាមភោគីសុត្តាទិវណ្ណនា

៩១-៩២. បញ្ចមស្ស បឋមេ សាហសេនាតិ សាហសិយកម្មេន. ទុតិយេ ភយានីតិ ចិត្តុត្រាសភយានិ. វេរានីតិ អកុសលវេរបុគ្គលវេរានិ. អរិយោ ចស្ស ញាយោតិ សហ វិបស្សនាយ មគ្គោ. ឥតិ ឥមស្មិំ សតិ ឥទំ ហោតីតិ ឯវំ ឥមស្មិំ អវិជ្ជាទិកេ ការណេ សតិ ឥទំ សង្ខារាទិកំ ផលំ ហោតិ. ឥមស្សុប្បាទា ឥទំ ឧប្បជ្ជតីតិ យោ យស្ស សហជាតបច្ចយោ ហោតិ, តស្ស ឧប្បាទា ឥតរំ ឧប្បជ្ជតិ នាម. ឥមស្មិំ អសតីតិ អវិជ្ជាទិកេ ការណេ អសតិ សង្ខារាទិកំ ផលំ ន ហោតិ. ឥមស្ស និរោធាតិ ការណស្ស អប្បវត្តិយា ផលស្ស អប្បវត្តិ ហោតិ.