៥. រាជន្តេបុរប្បវេសនសុត្តវណ្ណនា

៤៥. បញ្ចមេ កតំ វា ករិស្សន្តិ វាតិ មេថុនវីតិក្កមំ ករិំសុ វា ករិស្សន្តិ វា. រតនន្តិ មណិរតនាទីសុ យំកិញ្ចិ. បត្ថេតីតិ មារេតុំ ឥច្ឆតិ. ហត្ថិសម្ពាធន្តិ ហត្ថីហិ សម្ពាធំ. ហត្ថិសម្មទ្ទន្តិ វា បាឋោ, តស្សត្ថោ – ហត្ថីហិ សម្មទ្ទោ ឯត្ថាតិ ហត្ថិសម្មទ្ទំ. សេសេសុបិ ឯសេវ នយោ. រជនីយានិ រូបសទ្ទគន្ធរសផោដ្ឋព្ពានីតិ ឯតានិ រាគជនកានិ រូបាទីនិ តត្ថ បរិបូរានិ ហោន្តិ.