៥. បច្ចុប្បន្នានាគតវារោ

(ក) អនុលោមំ

៤៦៧. (ក) យោ ចក្ខុន្ទ្រិយំ បរិជានាតិ សោ ទោមនស្សិន្ទ្រិយំ បជហិស្សតីតិ? នោ.

(ខ) យោ វា បន ទោមនស្សិន្ទ្រិយំ បជហិស្សតិ សោ ចក្ខុន្ទ្រិយំ បរិជានាតីតិ? នោ.

(ក) យោ ចក្ខុន្ទ្រិយំ បរិជានាតិ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ? នោ.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវេស្សតិ សោ ចក្ខុន្ទ្រិយំ បរិជានាតីតិ? នោ.

(ក) យោ ចក្ខុន្ទ្រិយំ បរិជានាតិ សោ អញ្ញិន្ទ្រិយំ ភាវេស្សតីតិ? នោ.

(ខ) យោ វា បន អញ្ញិន្ទ្រិយំ ភាវេស្សតិ សោ ចក្ខុន្ទ្រិយំ បរិជានាតីតិ? នោ.

(ក) យោ ចក្ខុន្ទ្រិយំ បរិជានាតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ ចក្ខុន្ទ្រិយំ បរិជានាតីតិ?

សត្ត បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច ចក្ខុន្ទ្រិយំ បរិជានន្តិ. អគ្គមគ្គសមង្គី អញ្ញាតាវិន្ទ្រិយញ្ច សច្ឆិករិស្សតិ ចក្ខុន្ទ្រិយញ្ច បរិជានាតិ. (ចក្ខុន្ទ្រិយមូលកំ)

៤៦៨. (ក) យោ ទោមនស្សិន្ទ្រិយំ បជហតិ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ? នោ.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវេស្សតិ សោ ទោមនស្សិន្ទ្រិយំ បជហតីតិ? នោ.

(ក) យោ ទោមនស្សិន្ទ្រិយំ បជហតិ សោ អញ្ញិន្ទ្រិយំ ភាវេស្សតីតិ? អាមន្តា.

(ខ) យោ វា បន អញ្ញិន្ទ្រិយំ ភាវេស្សតិ សោ ទោមនស្សិន្ទ្រិយំ បជហតីតិ?

ឆ បុគ្គលា អញ្ញិន្ទ្រិយំ ភាវេស្សន្តិ, នោ ច ទោមនស្សិន្ទ្រិយំ បជហន្តិ អនាគាមិមគ្គសមង្គិ អញ្ញិន្ទ្រិយញ្ច ភាវេស្សន្តិ, ទោមនស្សិន្ទ្រិយញ្ច បជហន្តិ.

(ក) យោ ទោមនស្សិន្ទ្រិយំ បជហតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ ទោមនស្សិន្ទ្រិយំ បជហតីតិ?

សត្ត បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច ទោមនស្សិន្ទ្រិយំ បជហន្តិ. អនាគាមិមគ្គសមង្គី អញ្ញាតាវិន្ទ្រិយញ្ច សច្ឆិករិស្សតិ ទោមនស្សិន្ទ្រិយញ្ច បជហតិ. (ទោមនស្សិន្ទ្រិយមូលកំ)

៤៦៩. (ក) យោ អនញ្ញាតញ្ញស្សាមីតិន្ទ្រិយំ ភាវេតិ សោ អញ្ញិន្ទ្រិយំ ភាវេស្សតីតិ? អាមន្តា.

(ខ) យោ វា បន អញ្ញិន្ទ្រិយំ ភាវេស្សតិ សោ អនញ្ញាតញ្ញស្សាមីតិន្ទ្រិយំ ភាវេតីតិ?

ឆ បុគ្គលា អញ្ញិន្ទ្រិយំ ភាវេស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវេន្តិ. អដ្ឋមកោ អញ្ញិន្ទ្រិយញ្ច ភាវេស្សតិ អនញ្ញាតញ្ញស្សាមីតិន្ទ្រិយញ្ច ភាវេតិ.

(ក) យោ អនញ្ញាតញ្ញស្សាមីតិន្ទ្រិយំ ភាវេតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ អនញ្ញាតញ្ញស្សាមីតិន្ទ្រិយំ ភាវេតីតិ?

សត្ត បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវេន្តិ. អដ្ឋមកោ អញ្ញាតាវិន្ទ្រិយញ្ច សច្ឆិករិស្សតិ អនញ្ញាតញ្ញស្សាមីតិន្ទ្រិយញ្ច ភាវេតិ. (អនញ្ញាតញ្ញស្សាមីតិន្ទ្រិយមូលកំ)

៤៧០. (ក) យោ អញ្ញិន្ទ្រិយំ ភាវេតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ អញ្ញិន្ទ្រិយំ ភាវេតីតិ?

បញ្ច បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច អញ្ញិន្ទ្រិយំ ភាវេន្តិ. តយោ មគ្គសមង្គិនោ អញ្ញាតាវិន្ទ្រិយញ្ច សច្ឆិករិស្សន្តិ អញ្ញិន្ទ្រិយញ្ច ភាវេន្តិ. (អញ្ញិន្ទ្រិយមូលកំ)

(ខ) បច្ចនីកំ

៤៧១. (ក) យោ ចក្ខុន្ទ្រិយំ ន បរិជានាតិ សោ ទោមនស្សិន្ទ្រិយំ នប្បជហិស្សតីតិ?

បញ្ច បុគ្គលា ចក្ខុន្ទ្រិយំ ន បរិជានន្តិ, នោ ច ទោមនស្សិន្ទ្រិយំ នប្បជហិស្សន្តិ. ចត្តារោ បុគ្គលា ចក្ខុន្ទ្រិយញ្ច ន បរិជានន្តិ ទោមនស្សិន្ទ្រិយញ្ច នប្បជហិស្សន្តិ.

(ខ) យោ វា បន ទោមនស្សិន្ទ្រិយំ នប្បជហិស្សតិ សោ ចក្ខុន្ទ្រិយំ ន បរិជានាតីតិ?

អគ្គមគ្គសមង្គី ទោមនស្សិន្ទ្រិយំ នប្បជហិស្សតិ, នោ ច ចក្ខុន្ទ្រិយំ ន បរិជានាតិ. ចត្តារោ បុគ្គលា ទោមនស្សិន្ទ្រិយញ្ច នប្បជហិស្សន្តិ ចក្ខុន្ទ្រិយញ្ច ន បរិជានន្តិ.

(ក) យោ ចក្ខុន្ទ្រិយំ ន បរិជានាតិ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ?

យេ បុថុជ្ជនា មគ្គំ បដិលភិស្សន្តិ តេ ចក្ខុន្ទ្រិយំ ន បរិជានន្តិ, នោ ច អនញ្ញាតញ្ញស្សាមីតិន្ទ្រិយំ ន ភាវេស្សន្តិ. អដ្ឋ បុគ្គលា ចក្ខុន្ទ្រិយញ្ច ន បរិជានន្តិ អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវេស្សតិ សោ ចក្ខុន្ទ្រិយំ ន បរិជានាតីតិ?

អគ្គមគ្គសមង្គី អនញ្ញាតញ្ញស្សាមីតិន្ទ្រិយំ ន ភាវេស្សតិ, នោ ច ចក្ខុន្ទ្រិយំ ន បរិជានាតិ. អដ្ឋ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ ចក្ខុន្ទ្រិយញ្ច ន បរិជានន្តិ.

(ក) យោ ចក្ខុន្ទ្រិយំ ន បរិជានាតិ សោ អញ្ញិន្ទ្រិយំ ន ភាវេស្សតីតិ?

សត្ត បុគ្គលា ចក្ខុន្ទ្រិយំ ន បរិជានន្តិ, នោ ច អញ្ញិន្ទ្រិយំ ន ភាវេស្សន្តិ. ទ្វេ បុគ្គលា ចក្ខុន្ទ្រិយញ្ច ន បរិជានន្តិ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ ចក្ខុន្ទ្រិយំ ន បរិជានាតីតិ?

អគ្គមគ្គសមង្គី អញ្ញិន្ទ្រិយំ ន ភាវេស្សតិ, នោ ច ចក្ខុន្ទ្រិយំ ន បរិជានាតិ. ទ្វេ បុគ្គលា អញ្ញិន្ទ្រិយញ្ច ន ភាវេស្សន្តិ ចក្ខុន្ទ្រិយញ្ច ន បរិជានន្តិ.

(ក) យោ ចក្ខុន្ទ្រិយំ ន បរិជានាតិ សោ អញ្ញាតាវិន្ទ្រិយំ ន សច្ឆិករិស្សតីតិ?

សត្ត បុគ្គលា ចក្ខុន្ទ្រិយំ ន បរិជានន្តិ, នោ ច អញ្ញាតាវិន្ទ្រិយំ ន សច្ឆិករិស្សន្តិ. ទ្វេ បុគ្គលា ចក្ខុន្ទ្រិយញ្ច ន បរិជានន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ ចក្ខុន្ទ្រិយំ ន បរិជានាតីតិ? អាមន្តា. (ចក្ខុន្ទ្រិយមូលកំ)

៤៧២. (ក) យោ ទោមនស្សិន្ទ្រិយំ នប្បជហតិ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ?

យេ បុថុជ្ជនា មគ្គំ បដិលភិស្សន្តិ តេ ទោមនស្សិន្ទ្រិយំ នប្បជហន្តិ, នោ ច អនញ្ញាតញ្ញស្សាមីតិន្ទ្រិយំ ន ភាវេស្សន្តិ. អដ្ឋ បុគ្គលា ទោមនស្សិន្ទ្រិយញ្ច នប្បជហន្តិ អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវេស្សតិ សោ ទោមនស្សិន្ទ្រិយំ នប្បជហតីតិ?

អនាគាមិមគ្គសមង្គី អនញ្ញាតញ្ញស្សាមីតិន្ទ្រិយំ ន ភាវេស្សតិ, នោ ច ទោមនស្សិន្ទ្រិយំ នប្បជហតិ. អដ្ឋ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ ទោមនស្សិន្ទ្រិយញ្ច នប្បជហន្តិ.

(ក) យោ ទោមនស្សិន្ទ្រិយំ នប្បជហតិ សោ អញ្ញិន្ទ្រិយំ ន ភាវេស្សតីតិ?

ឆ បុគ្គលា ទោមនស្សិន្ទ្រិយំ នប្បជហន្តិ, នោ ច អញ្ញិន្ទ្រិយំ ន ភាវេស្សន្តិ. តយោ បុគ្គលា ទោមនស្សិន្ទ្រិយញ្ច នប្បជហន្តិ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ ទោមនស្សិន្ទ្រិយំ នប្បជហតីតិ? អាមន្តា.

(ក) យោ ទោមនស្សិន្ទ្រិយំ នប្បជហតិ សោ អញ្ញាតាវិន្ទ្រិយំ ន សច្ឆិករិស្សតីតិ?

សត្ត បុគ្គលា ទោមនស្សិន្ទ្រិយំ នប្បជហន្តិ, នោ ច អញ្ញាតាវិន្ទ្រិយំ ន សច្ឆិករិស្សន្តិ. ទ្វេ បុគ្គលា ទោមនស្សិន្ទ្រិយញ្ច នប្បជហន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ ទោមនស្សិន្ទ្រិយំ នប្បជហតីតិ? អាមន្តា. (ទោមនស្សិន្ទ្រិយមូលកំ)

៤៧៣. (ក) យោ អនញ្ញាតញ្ញស្សាមីតិន្ទ្រិយំ ន ភាវេតិ សោ អញ្ញិន្ទ្រិយំ ន ភាវេស្សតីតិ?

ឆ បុគ្គលា អនញ្ញាតញ្ញស្សាមីតិន្ទ្រិយំ ន ភាវេន្តិ, នោ ច អញ្ញិន្ទ្រិយំ ន ភាវេស្សន្តិ. តយោ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេន្តិ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ អនញ្ញាតញ្ញស្សាមីតិន្ទ្រិយំ ន ភាវេតីតិ? អាមន្តា.

(ក) យោ អនញ្ញាតញ្ញស្សាមីតិន្ទ្រិយំ ន ភាវេតិ សោ អញ្ញាតាវិន្ទ្រិយំ ន សច្ឆិករិស្សតីតិ?

សត្ត បុគ្គលា អនញ្ញាតញ្ញស្សាមីតិន្ទ្រិយំ ន ភាវេន្តិ, នោ ច អញ្ញាតាវិន្ទ្រិយំ ន សច្ឆិករិស្សន្តិ. ទ្វេ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ អនញ្ញាតញ្ញស្សាមីតិន្ទ្រិយំ ន ភាវេតីតិ? អាមន្តា. (អនញ្ញាតញ្ញស្សាមីតិន្ទ្រិយមូលកំ)

៤៧៤. (ក) យោ អញ្ញិន្ទ្រិយំ ន ភាវេតិ សោ អញ្ញាតាវិន្ទ្រិយំ ន សច្ឆិករិស្សតីតិ?

បញ្ច បុគ្គលា អញ្ញិន្ទ្រិយំ ន ភាវេន្តិ, នោ ច អញ្ញាតាវិន្ទ្រិយំ ន សច្ឆិករិស្សន្តិ. ទ្វេ បុគ្គលា អញ្ញិន្ទ្រិយញ្ច ន ភាវេន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ អញ្ញិន្ទ្រិយំ ន ភាវេតីតិ? អាមន្តា. (អញ្ញិន្ទ្រិយមូលកំ)