៦. អតីតានាគតវារោ

(ក) អនុលោមំ

៤៧៥. (ក) យោ ចក្ខុន្ទ្រិយំ បរិជានិត្ថ សោ ទោមនស្សិន្ទ្រិយំ បជហិស្សតីតិ? នោ.

(ខ) យោ វា បន ទោមនស្សិន្ទ្រិយំ បជហិស្សតិ សោ ចក្ខុន្ទ្រិយំ បរិជានិត្ថាតិ? នោ.

(ក) យោ ចក្ខុន្ទ្រិយំ បរិជានិត្ថ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ? នោ.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវេស្សតិ សោ ចក្ខុន្ទ្រិយំ បរិជានិត្ថាតិ? នោ.

(ក) យោ ចក្ខុន្ទ្រិយំ បរិជានិត្ថ សោ អញ្ញិន្ទ្រិយំ ភាវេស្សតីតិ? នោ.

(ខ) យោ វា បន អញ្ញិន្ទ្រិយំ ភាវេស្សតិ សោ ចក្ខុន្ទ្រិយំ បរិជានិត្ថាតិ? នោ.

(ក) យោ ចក្ខុន្ទ្រិយំ បរិជានិត្ថ សោ អញ្ញាតាវិន្ទ្រិយំ សច្ឆិករិស្សតីតិ? នោ.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ ចក្ខុន្ទ្រិយំ បរិជានិត្ថាតិ? នោ. (ចក្ខុន្ទ្រិយមូលកំ)

៤៧៦. (ក) យោ ទោមនស្សិន្ទ្រិយំ បជហិត្ថ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ? នោ.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវេស្សតិ សោ ទោមនស្សិន្ទ្រិយំ បជហិត្ថាតិ? នោ.

(ក) យោ ទោមនស្សិន្ទ្រិយំ បជហិត្ថ សោ អញ្ញិន្ទ្រិយំ ភាវេស្សតីតិ?

ទ្វេ បុគ្គលា ទោមនស្សិន្ទ្រិយំ បជហិត្ថ, នោ ច អញ្ញិន្ទ្រិយំ ភាវេស្សន្តិ. អនាគាមី ទោមនស្សិន្ទ្រិយញ្ច បជហិត្ថ អញ្ញិន្ទ្រិយញ្ច ភាវេស្សតិ.

(ខ) យោ វា បន អញ្ញិន្ទ្រិយំ ភាវេស្សតិ សោ ទោមនស្សិន្ទ្រិយំ បជហិត្ថាតិ?

ឆ បុគ្គលា អញ្ញិន្ទ្រិយំ ភាវេស្សន្តិ, នោ ច ទោមនស្សិន្ទ្រិយំ បជហិត្ថ. អនាគាមី អញ្ញិន្ទ្រិយញ្ច ភាវេស្សតិ ទោមនស្សិន្ទ្រិយញ្ច បជហិត្ថ.

(ក) យោ ទោមនស្សិន្ទ្រិយំ បជហិត្ថ សោ អញ្ញាតាវិន្ទ្រិយំ សច្ឆិករិស្សតីតិ?

អរហា ទោមនស្សិន្ទ្រិយំ បជហិត្ថ, នោ ច អញ្ញាតាវិន្ទ្រិយំ សច្ឆិករិស្សតិ. ទ្វេ បុគ្គលា ទោមនស្សិន្ទ្រិយញ្ច បជហិត្ថ អញ្ញាតាវិន្ទ្រិយញ្ច សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ ទោមនស្សិន្ទ្រិយំ បជហិត្ថាតិ?

ឆ បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច ទោមនស្សិន្ទ្រិយំ បជហិត្ថ. ទ្វេ បុគ្គលា អញ្ញាតាវិន្ទ្រិយញ្ច សច្ឆិករិស្សន្តិ ទោមនស្សិន្ទ្រិយញ្ច បជហិត្ថ. (ទោមនស្សិន្ទ្រិយមូលកំ)

៤៧៧. (ក) យោ អនញ្ញាតញ្ញស្សាមីតិន្ទ្រិយំ ភាវិត្ថ សោ អញ្ញិន្ទ្រិយំ ភាវេស្សតីតិ?

ទ្វេ បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច អញ្ញិន្ទ្រិយំ ភាវេស្សន្តិ. បញ្ច បុគ្គលា អនញ្ញាតញ្ញស្សាមីតិន្ទ្រិយញ្ច ភាវិត្ថ អញ្ញិន្ទ្រិយញ្ច ភាវេស្សន្តិ.

(ខ) យោ វា បន អញ្ញិន្ទ្រិយំ ភាវេស្សតិ. សោ អនញ្ញាតញ្ញស្សាមីតិន្ទ្រិយំ ភាវិត្ថាតិ?

ទ្វេ បុគ្គលា អញ្ញិន្ទ្រិយំ ភាវេស្សន្តិ នោ ច អនញ្ញាតញ្ញស្សាមីតិន្ទ្រិយំ ភាវិត្ថ. តយោ បុគ្គលា អញ្ញិន្ទ្រិយញ្ច ភាវេស្សន្តិ អនញ្ញាតញ្ញស្សាមីតិន្ទ្រិយញ្ច ភាវិត្ថ.

(ក) យោ អនញ្ញាតញ្ញស្សាមីតិន្ទ្រិយំ ភាវិត្ថ សោ អញ្ញាតាវិន្ទ្រិយំ សច្ឆិករិស្សតីតិ?

អរហា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច អញ្ញាតាវិន្ទ្រិយំ សច្ឆិករិស្សតិ. ឆ បុគ្គលា អនញ្ញាតញ្ញស្សាមីតិន្ទ្រិយញ្ច ភាវិត្ថ អញ្ញាតាវិន្ទ្រិយញ្ច សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ?

ទ្វេ បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវិត្ថ. ឆ បុគ្គលា អញ្ញាតាវិន្ទ្រិយញ្ច សច្ឆិករិស្សន្តិ អនញ្ញាតញ្ញស្សាមីតិន្ទ្រិយញ្ច ភាវិត្ថ. (អនញ្ញាតញ្ញស្សាមីតិន្ទ្រិយមូលកំ)

៤៧៨. (ក) យោ អញ្ញិន្ទ្រិយំ ភាវិត្ថ សោ អញ្ញាតាវិន្ទ្រិយំ សច្ឆិករិស្សតីតិ? នោ.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ អញ្ញិន្ទ្រិយំ ភាវិត្ថាតិ? នោ. (អញ្ញិន្ទ្រិយមូលកំ)

(ខ) បច្ចនីកំ

៤៧៩. (ក) យោ ចក្ខុន្ទ្រិយំ ន បរិជានិត្ថ សោ ទោមនស្សិន្ទ្រិយំ នប្បជហិស្សតីតិ?

បញ្ច បុគ្គលា ចក្ខុន្ទ្រិយំ ន បរិជានិត្ថ, នោ ច ទោមនស្សិន្ទ្រិយំ នប្បជហិស្សន្តិ. ចត្តារោ បុគ្គលា ចក្ខុន្ទ្រិយញ្ច ន បរិជានិត្ថ ទោមនស្សិន្ទ្រិយញ្ច នប្បជហិស្សន្តិ.

(ខ) យោ វា បន ទោមនស្សិន្ទ្រិយំ នប្បជហិស្សតិ សោ ចក្ខុន្ទ្រិយំ ន បរិជានិត្ថាតិ?

អរហា ទោមនស្សិន្ទ្រិយំ នប្បជហិស្សតិ, នោ ច ចក្ខុន្ទ្រិយំ ន បរិជានិត្ថ. ចត្តារោ បុគ្គលា ទោមនស្សិន្ទ្រិយញ្ច នប្បជហិស្សន្តិ ចក្ខុន្ទ្រិយញ្ច ន បរិជានិត្ថ.

(ក) យោ ចក្ខុន្ទ្រិយំ ន បរិជានិត្ថ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ?

យេ បុថុជ្ជនា មគ្គំ បដិលភិស្សន្តិ តេ ចក្ខុន្ទ្រិយំ ន បរិជានិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវេស្សន្តិ. អដ្ឋ បុគ្គលា ចក្ខុន្ទ្រិយញ្ច ន បរិជានិត្ថ អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវេស្សតិ សោ ចក្ខុន្ទ្រិយំ ន បរិជានិត្ថាតិ?

អរហា អនញ្ញាតញ្ញស្សាមីតិន្ទ្រិយំ ន ភាវេស្សតិ, នោ ច ចក្ខុន្ទ្រិយំ ន បរិជានិត្ថ. អដ្ឋ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ ចក្ខុន្ទ្រិយញ្ច ន បរិជានិត្ថ.

(ក) យោ ចក្ខុន្ទ្រិយំ ន បរិជានិត្ថ សោ អញ្ញិន្ទ្រិយំ ន ភាវេស្សតីតិ?

សត្ត បុគ្គលា ចក្ខុន្ទ្រិយំ ន បរិជានិត្ថ, នោ ច អញ្ញិន្ទ្រិយំ ន ភាវេស្សន្តិ. ទ្វេ បុគ្គលា ចក្ខុន្ទ្រិយញ្ច ន បរិជានិត្ថ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ ចក្ខុន្ទ្រិយំ ន បរិជានិត្ថាតិ?

អរហា អញ្ញិន្ទ្រិយំ ន ភាវេស្សតិ, នោ ច ចក្ខុន្ទ្រិយំ ន បរិជានិត្ថ. ទ្វេ បុគ្គលា អញ្ញិន្ទ្រិយញ្ច ន ភាវេស្សន្តិ ចក្ខុន្ទ្រិយញ្ច ន បរិជានិត្ថ.

(ក) យោ ចក្ខុន្ទ្រិយំ ន បរិជានិត្ថ សោ អញ្ញាតាវិន្ទ្រិយំ ន សច្ឆិករិស្សតីតិ?

អដ្ឋ បុគ្គលា ចក្ខុន្ទ្រិយំ ន បរិជានិត្ថ, នោ ច អញ្ញាតាវិន្ទ្រិយំ ន សច្ឆិករិស្សន្តិ. យេ បុថុជ្ជនា មគ្គំ ន បដិលភិស្សន្តិ តេ ចក្ខុន្ទ្រិយញ្ច ន បរិជានិត្ថ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ ចក្ខុន្ទ្រិយំ ន បរិជានិត្ថាតិ?

អរហា អញ្ញាតាវិន្ទ្រិយំ ន សច្ឆិករិស្សតិ, នោ ច ចក្ខុន្ទ្រិយំ ន បរិជានិត្ថ. យេ បុថុជ្ជនា មគ្គំ ន បដិលភិស្សន្តិ តេ អញ្ញាតាវិន្ទ្រិយញ្ច ន សច្ឆិករិស្សន្តិ ចក្ខុន្ទ្រិយញ្ច ន បរិជានិត្ថ. (ចក្ខុន្ទ្រិយមូលកំ)

៤៨០. (ក) យោ ទោមនស្សិន្ទ្រិយំ នប្បជហិត្ថ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ?

យេ បុថុជ្ជនា មគ្គំ បដិលភិស្សន្តិ តេ ទោមនស្សិន្ទ្រិយំ នប្បជហិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវេស្សន្តិ. ឆ បុគ្គលា ទោមនស្សិន្ទ្រិយញ្ច នប្បជហិត្ថ អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវេស្សតិ សោ ទោមនស្សិន្ទ្រិយំ នប្បជហិត្ថាតិ?

តយោ បុគ្គលា អនញ្ញាតញ្ញស្សាមីតិន្ទ្រិយំ ន ភាវេស្សន្តិ, នោ ច ទោមនស្សិន្ទ្រិយំ នប្បជហិត្ថ. ឆ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ ទោមនស្សិន្ទ្រិយញ្ច នប្បជហិត្ថ.

(ក) យោ ទោមនស្សិន្ទ្រិយំ នប្បជហិត្ថ សោ អញ្ញិន្ទ្រិយំ ន ភាវេស្សតីតិ?

ឆ បុគ្គលា ទោមនស្សិន្ទ្រិយំ នប្បជហិត្ថ, នោ ច អញ្ញិន្ទ្រិយំ ន ភាវេស្សន្តិ. យេ បុថុជ្ជនា មគ្គំ ន បដិលភិស្សន្តិ តេ ទោមនស្សិន្ទ្រិយញ្ច នប្បជហិត្ថ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ ទោមនស្សិន្ទ្រិយំ នប្បជហិត្ថាតិ?

ទ្វេ បុគ្គលា អញ្ញិន្ទ្រិយំ ន ភាវេស្សន្តិ, នោ ច ទោមនស្សិន្ទ្រិយំ នប្បជហិត្ថ. យេ បុថុជ្ជនា មគ្គំ ន បដិលភិស្សន្តិ តេ អញ្ញិន្ទ្រិយញ្ច ន ភាវេស្សន្តិ ទោមនស្សិន្ទ្រិយញ្ច នប្បជហិត្ថ.

(ក) យោ ទោមនស្សិន្ទ្រិយំ នប្បជ្ជហិត្ថ សោ អញ្ញាតាវិន្ទ្រិយំ ន សច្ឆិករិស្សតីតិ?

ឆ បុគ្គលា ទោមនស្សិន្ទ្រិយំ នប្បជហិត្ថ, នោ ច អញ្ញាតាវិន្ទ្រិយំ ន សច្ឆិករិស្សន្តិ. យេ បុថុជ្ជនា មគ្គំ ន បដិលភិស្សន្តិ តេ ទោមនស្សិន្ទ្រិយញ្ច នប្បជហិត្ថ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ ទោមនស្សិន្ទ្រិយំ នប្បជហិត្ថាតិ?

អរហា អញ្ញាតាវិន្ទ្រិយំ ន សច្ឆិករិស្សតិ, នោ ច ទោមនស្សិន្ទ្រិយំ នប្បជហិត្ថ. យេ បុថុជ្ជនា មគ្គំ ន បដិលភិស្សន្តិ តេ អញ្ញាតាវិន្ទ្រិយញ្ច ន សច្ឆិករិស្សន្តិ ទោមនស្សិន្ទ្រិយញ្ច នប្បជហិត្ថ. (ទោមនស្សិន្ទ្រិយមូលកំ)

៤៨១. (ក) យោ អនញ្ញាតញ្ញស្សាមីតិន្ទ្រិយំ ន ភាវិត្ថ សោ អញ្ញិន្ទ្រិយំ ន ភាវេស្សតីតិ?

ទ្វេ បុគ្គលា អនញ្ញាតញ្ញស្សាមីតិន្ទ្រិយំ ន ភាវិត្ថ, នោ ច អញ្ញិន្ទ្រិយំ ន ភាវេស្សន្តិ. យេ បុថុជ្ជនា មគ្គំ ន បដិលភិស្សន្តិ តេ អនញ្ញាតញ្ញស្សាមីតិន្ទ្រិយញ្ច ន ភាវិត្ថ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

ទ្វេ បុគ្គលា អញ្ញិន្ទ្រិយំ ន ភាវេស្សន្តិ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. យេ បុថុជ្ជនា មគ្គំ ន បដិលភិស្សន្តិ តេ អញ្ញិន្ទ្រិយញ្ច ន ភាវេស្សន្តិ អនញ្ញាតញ្ញស្សាមីតិន្ទ្រិយញ្ច ន ភាវិត្ថ.

(ក) យោ អនញ្ញាតញ្ញស្សាមីតិន្ទ្រិយំ ន ភាវិត្ថ សោ អញ្ញាតាវិន្ទ្រិយំ ន សច្ឆិករិស្សតីតិ?

ទ្វេ បុគ្គលា អនញ្ញាតញ្ញស្សាមីតិន្ទ្រិយំ ន ភាវិត្ថ, នោ ច អញ្ញាតាវិន្ទ្រិយំ ន សច្ឆិករិស្សន្តិ. យេ បុថុជ្ជនា មគ្គំ ន បដិលភិស្សន្តិ តេ អនញ្ញាតញ្ញស្សាមីតិន្ទ្រិយញ្ច ន ភាវិត្ថ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

អរហា អញ្ញាតាវិន្ទ្រិយំ ន សច្ឆិករិស្សតិ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. យេ បុថុជ្ជនា មគ្គំ ន បដិលភិស្សន្តិ តេ អញ្ញាតាវិន្ទ្រិយញ្ច ន សច្ឆិករិស្សន្តិ អនញ្ញាតញ្ញស្សាមីតិន្ទ្រិយញ្ច ន ភាវិត្ថ. (អនញ្ញាតញ្ញស្សាមីតិន្ទ្រិយមូលកំ)

៤៨២. (ក) យោ អញ្ញិន្ទ្រិយំ ន ភាវិត្ថ សោ អញ្ញាតាវិន្ទ្រិយំ ន សច្ឆិករិស្សតីតិ?

អដ្ឋ បុគ្គលា អញ្ញិន្ទ្រិយំ ន ភាវិត្ថ, នោ ច អញ្ញាតាវិន្ទ្រិយំ ន សច្ឆិករិស្សន្តិ. យេ បុថុជ្ជនា មគ្គំ ន បដិលភិស្សន្តិ តេ អញ្ញិន្ទ្រិយញ្ច ន ភាវិត្ថ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ អញ្ញិន្ទ្រិយំ ន ភាវិត្ថាតិ?

អរហា អញ្ញាតាវិន្ទ្រិយំ ន សច្ឆិករិស្សតិ, នោ ច អញ្ញិន្ទ្រិយំ ន ភាវិត្ថ. យេ បុថុជ្ជនា មគ្គំ ន បដិលភិស្សន្តិ តេ អញ្ញាតាវិន្ទ្រិយញ្ច ន សច្ឆិករិស្សន្តិ អញ្ញិន្ទ្រិយញ្ច ន ភាវិត្ថ. (អញ្ញិន្ទ្រិយមូលកំ).

បរិញ្ញាវារោ.

ឥន្ទ្រិយយមកំ និដ្ឋិតំ.

យមកបករណំ និដ្ឋិតំ.