៤. បច្ចុប្បន្នាតីតវារោ

(ក) អនុលោមំ

៤៥៩. (ក) យោ ចក្ខុន្ទ្រិយំ បរិជានាតិ សោ ទោមនស្សិន្ទ្រិយំ បជហិត្ថាតិ? អាមន្តា.

(ខ) យោ វា បន ទោមនស្សិន្ទ្រិយំ បជហិត្ថ សោ ចក្ខុន្ទ្រិយំ បរិជានាតីតិ?

ទ្វេ បុគ្គលា ទោមនស្សិន្ទ្រិយំ បជហិត្ថ, នោ ច ចក្ខុន្ទ្រិយំ បរិជានន្តិ. អគ្គមគ្គសមង្គី ទោមនស្សិន្ទ្រិយញ្ច បជហិត្ថ ចក្ខុន្ទ្រិយញ្ច បរិជានន្តិ.

(ក) យោ ចក្ខុន្ទ្រិយំ បរិជានាតិ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ? អាមន្តា.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវិត្ថ សោ ចក្ខុន្ទ្រិយំ បរិជានាតីតិ?

ឆ បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច ចក្ខុន្ទ្រិយំ បរិជានន្តិ. អគ្គមគ្គសមង្គី អនញ្ញាតញ្ញស្សាមីតិន្ទ្រិយញ្ច ភាវិត្ថ ចក្ខុន្ទ្រិយញ្ច បរិជានាតិ.

(ក) យោ ចក្ខុន្ទ្រិយំ បរិជានាតិ សោ អញ្ញិន្ទ្រិយំ ភាវិត្ថាតិ? នោ.

(ខ) យោ វា បន អញ្ញិន្ទ្រិយំ ភាវិត្ថ សោ ចក្ខុន្ទ្រិយំ បរិជានាតីតិ? នោ.

(ក) យោ ចក្ខុន្ទ្រិយំ បរិជានាតិ សោ អញ្ញាតាវិន្ទ្រិយំ សច្ឆិករិត្ថាតិ? នោ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ ចក្ខុន្ទ្រិយំ បរិជានាតីតិ? នោ. (ចក្ខុន្ទ្រិយមូលកំ)

៤៦០. (ក) យោ ទោមនស្សិន្ទ្រិយំ បជហតិ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ? អាមន្តា.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវិត្ថ សោ ទោមនស្សិន្ទ្រិយំ បជហតីតិ?

ឆ បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច ទោមនស្សិន្ទ្រិយំ បជហន្តិ. អនាគាមិមគ្គសមង្គី អនញ្ញាតញ្ញស្សាមីតិន្ទ្រិយញ្ច ភាវិត្ថ ទោមនស្សិន្ទ្រិយញ្ច បជហតិ.

(ក) យោ ទោមនស្សិន្ទ្រិយំ បជហតិ សោ អញ្ញិន្ទ្រិយំ ភាវិត្ថាតិ? នោ.

(ខ) យោ វា បន អញ្ញិន្ទ្រិយំ ភាវិត្ថ សោ ទោមនស្សិន្ទ្រិយំ បជហតីតិ? នោ.

(ក) យោ ទោមនស្សិន្ទ្រិយំ បជហតិ សោ អញ្ញាតាវិន្ទ្រិយំ សច្ឆិករិត្ថាតិ? នោ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ ទោមនស្សិន្ទ្រិយំ បជហតីតិ? នោ. (ទោមនស្សិន្ទ្រិយមូលកំ)

៤៦១. (ក) យោ អនញ្ញាតញ្ញស្សាមីតិន្ទ្រិយំ ភាវេតិ សោ អញ្ញិន្ទ្រិយំ ភាវិត្ថាតិ? នោ.

(ខ) យោ វា បន អញ្ញិន្ទ្រិយំ ភាវិត្ថ សោ អនញ្ញាតញ្ញស្សាមីតិន្ទ្រិយំ ភាវេតីតិ? នោ.

(ក) យោ អនញ្ញាតញ្ញស្សាមីតិន្ទ្រិយំ ភាវេតិ សោ អញ្ញាតាវិន្ទ្រិយំ សច្ឆិករិត្ថាតិ? នោ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ អនញ្ញាតញ្ញស្សាមីតិន្ទ្រិយំ ភាវេតីតិ? នោ. (អនញ្ញាតញ្ញស្សាមីតិន្ទ្រិយមូលកំ)

៤៦២. (ក) យោ អញ្ញិន្ទ្រិយំ ភាវេតិ សោ អញ្ញាតាវិន្ទ្រិយំ សច្ឆិករិត្ថាតិ? នោ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ អញ្ញិន្ទ្រិយំ ភាវេតីតិ? នោ. (អញ្ញិន្ទ្រិយមូលកំ)

(ខ) បច្ចនីកំ

៤៦៣. (ក) យោ ចក្ខុន្ទ្រិយំ ន បរិជានាតិ សោ ទោមនស្សិន្ទ្រិយំ នប្បជហិត្ថាតិ?

ទ្វេ បុគ្គលា ចក្ខុន្ទ្រិយំ ន បរិជានន្តិ, នោ ច ទោមនស្សិន្ទ្រិយំ នប្បជហិត្ថ. ឆ បុគ្គលា ចក្ខុន្ទ្រិយញ្ច ន បរិជានន្តិ ទោមនស្សិន្ទ្រិយញ្ច នប្បជហិត្ថ.

(ខ) យោ វា បន ទោមនស្សិន្ទ្រិយំ នប្បជហិត្ថ សោ ចក្ខុន្ទ្រិយំ ន បរិជានាតីតិ? អាមន្តា.

(ក) យោ ចក្ខុន្ទ្រិយំ ន បរិជានាតិ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

ឆ បុគ្គលា ចក្ខុន្ទ្រិយំ ន បរិជានន្តិ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. ទ្វេ បុគ្គលា ចក្ខុន្ទ្រិយញ្ច ន បរិជានន្តិ អនញ្ញាតញ្ញស្សាមីតិន្ទ្រិយញ្ច ន ភាវិត្ថ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវិត្ថ សោ ចក្ខុន្ទ្រិយំ ន បរិជានាតីតិ? អាមន្តា.

(ក) យោ ចក្ខុន្ទ្រិយំ ន បរិជានាតិ សោ អញ្ញិន្ទ្រិយំ ន ភាវិត្ថាតិ?

អរហា ចក្ខុន្ទ្រិយំ ន បរិជានាតិ, នោ ច អញ្ញិន្ទ្រិយំ ន ភាវិត្ថ. សត្ត បុគ្គលា ចក្ខុន្ទ្រិយញ្ច ន បរិជានន្តិ អញ្ញិន្ទ្រិយញ្ច ន ភាវិត្ថ.

(ខ) យោ វា បន អញ្ញិន្ទ្រិយំ ន ភាវិត្ថ សោ ចក្ខុន្ទ្រិយំ ន បរិជានាតីតិ?

អគ្គមគ្គសមង្គី អញ្ញិន្ទ្រិយំ ន ភាវិត្ថ, នោ ច ចក្ខុន្ទ្រិយំ ន បរិជានាតិ. សត្ត បុគ្គលា អញ្ញិន្ទ្រិយញ្ច ន ភាវិត្ថ ចក្ខុន្ទ្រិយញ្ច ន បរិជានន្តិ.

(ក) យោ ចក្ខុន្ទ្រិយំ ន បរិជានាតិ សោ អញ្ញាតាវិន្ទ្រិយំ ន សច្ឆិករិត្ថាតិ?

អរហា ចក្ខុន្ទ្រិយំ ន បរិជានាតិ, នោ ច អញ្ញាតាវិន្ទ្រិយំ ន សច្ឆិករិត្ថ. អដ្ឋ បុគ្គលា ចក្ខុន្ទ្រិយញ្ច ន បរិជានន្តិ អញ្ញាតាវិន្ទ្រិយញ្ច ន សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ ចក្ខុន្ទ្រិយំ ន បរិជានាតីតិ?

អគ្គមគ្គសមង្គី អញ្ញាតាវិន្ទ្រិយំ ន សច្ឆិករិត្ថ, នោ ច ចក្ខុន្ទ្រិយំ ន បរិជានាតិ. អដ្ឋ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ ចក្ខុន្ទ្រិយញ្ច ន បរិជានន្តិ. (ចក្ខុន្ទ្រិយមូលកំ)

៤៦៤. (ក) យោ ទោមនស្សិន្ទ្រិយំ នប្បជហតិ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

ឆ បុគ្គលា ទោមនស្សិន្ទ្រិយំ នប្បជហន្តិ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. ទ្វេ បុគ្គលា ទោមនស្សិន្ទ្រិយញ្ច នប្បជហន្តិ អនញ្ញាតញ្ញស្សាមីតិន្ទ្រិយញ្ច ន ភាវិត្ថ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវិត្ថ សោ ទោមនស្សិន្ទ្រិយំ នប្បជហតីតិ? អាមន្តា.

(ក) យោ ទោមនស្សិន្ទ្រិយំ នប្បជហតិ សោ អញ្ញិន្ទ្រិយំ ន ភាវិត្ថាតិ?

អរហា ទោមនស្សិន្ទ្រិយំ នប្បជហតិ, នោ ច អញ្ញិន្ទ្រិយំ ន ភាវិត្ថ. សត្ត បុគ្គលា ទោមនស្សិន្ទ្រិយញ្ច នប្បជហន្តិ អញ្ញិន្ទ្រិយញ្ច ន ភាវិត្ថ.

(ខ) យោ វា បន អញ្ញិន្ទ្រិយំ ន ភាវិត្ថ សោ ទោមនស្សិន្ទ្រិយំ នប្បជហតីតិ?

អនាគាមិមគ្គសមង្គី អញ្ញិន្ទ្រិយំ ន ភាវិត្ថ, នោ ច ទោមនស្សិន្ទ្រិយំ នប្បជហតិ. សត្ត បុគ្គលា អញ្ញិន្ទ្រិយញ្ច ន ភាវិត្ថ ទោមនស្សិន្ទ្រិយញ្ច នប្បជហន្តិ.

(ក) យោ ទោមនស្សិន្ទ្រិយំ នប្បជហតិ សោ អញ្ញាតាវិន្ទ្រិយំ ន សច្ឆិករិត្ថាតិ?

អរហា ទោមនស្សិន្ទ្រិយំ នប្បជហតិ, នោ ច អញ្ញាតាវិន្ទ្រិយំ ន សច្ឆិករិត្ថ. អដ្ឋ បុគ្គលា ទោមនស្សិន្ទ្រិយញ្ច នប្បជហន្តិ អញ្ញាតាវិន្ទ្រិយញ្ច ន សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ ទោមនស្សិន្ទ្រិយំ នប្បជហតីតិ?

អនាគាមិមគ្គសមង្គី អញ្ញាតាវិន្ទ្រិយំ ន សច្ឆិករិត្ថ, នោ ច ទោមនស្សិន្ទ្រិយំ នប្បជហតិ. អដ្ឋ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ ទោមនស្សិន្ទ្រិយញ្ច នប្បជហន្តិ. (ទោមនស្សិន្ទ្រិយមូលកំ)

៤៦៥. (ក) យោ អនញ្ញាតញ្ញស្សាមីតិន្ទ្រិយំ ន ភាវេតិ សោ អញ្ញិន្ទ្រិយំ ន ភាវិត្ថាតិ?

អរហា អនញ្ញាតញ្ញស្សាមីតិន្ទ្រិយំ ន ភាវេតិ, នោ ច អញ្ញិន្ទ្រិយំ ន ភាវិត្ថ. សត្ត បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេន្តិ អញ្ញិន្ទ្រិយញ្ច ន ភាវិត្ថ.

(ខ) យោ វា បន អញ្ញិន្ទ្រិយំ ន ភាវិត្ថ សោ អនញ្ញាតញ្ញស្សាមីតិន្ទ្រិយំ ន ភាវេតីតិ?

អដ្ឋមកោ អញ្ញិន្ទ្រិយំ ន ភាវិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវេតិ. សត្ត បុគ្គលា អញ្ញិន្ទ្រិយញ្ច ន ភាវិត្ថ អនញ្ញាតញ្ញស្សាមីតិន្ទ្រិយញ្ច ន ភាវេន្តិ.

(ក) យោ អនញ្ញាតញ្ញស្សាមីតិន្ទ្រិយំ ន ភាវេតិ សោ អញ្ញាតាវិន្ទ្រិយំ ន សច្ឆិករិត្ថាតិ?

អរហា អនញ្ញាតញ្ញស្សាមីតិន្ទ្រិយំ ន ភាវេតិ, នោ ច អញ្ញាតាវិន្ទ្រិយំ ន សច្ឆិករិត្ថ. អដ្ឋ [សត្ត (សី. ស្យា. ក.)] បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេន្តិ អញ្ញាតាវិន្ទ្រិយញ្ច ន សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ អនញ្ញាតញ្ញស្សាមីតិន្ទ្រិយំ ន ភាវេតីតិ?

អដ្ឋមកោ អញ្ញាតាវិន្ទ្រិយំ ន សច្ឆិករិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវេតិ. អដ្ឋ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ អនញ្ញាតញ្ញស្សាមីតិន្ទ្រិយញ្ច ន ភាវេន្តិ. (អនញ្ញាតញ្ញស្សាមីតិន្ទ្រិយមូលកំ)

៤៦៦. (ក) យោ អញ្ញិន្ទ្រិយំ ន ភាវេតិ សោ អញ្ញាតាវិន្ទ្រិយំ ន សច្ឆិករិត្ថាតិ?

អរហា អញ្ញិន្ទ្រិយំ ន ភាវេតិ, នោ ច អញ្ញាតាវិន្ទ្រិយំ ន សច្ឆិករិត្ថ. ឆ [បញ្ច (សី. ស្យា. ក.)] បុគ្គលា អញ្ញិន្ទ្រិយញ្ច ន ភាវេន្តិ អញ្ញាតាវិន្ទ្រិយញ្ច ន សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ អញ្ញិន្ទ្រិយំ ន ភាវេតីតិ?

តយោ មគ្គសមង្គិនោ អញ្ញាតាវិន្ទ្រិយំ ន សច្ឆិករិត្ថ, នោ ច អញ្ញិន្ទ្រិយំ ន ភាវេន្តិ. ឆ [បញ្ច (សី. ស្យា. ក.)] បុគ្គលា អញ្ញាតាវិន្ទ្រិយញ្ច ន សច្ឆិករិត្ថ អញ្ញិន្ទ្រិយញ្ច ន ភាវេន្តិ. (អញ្ញិន្ទ្រិយមូលកំ)