៣. អនាគតវារោ

(ក) អនុលោមំ

៤៥១. (ក) យោ ចក្ខុន្ទ្រិយំ បរិជានិស្សតិ សោ ទោមនស្សិន្ទ្រិយំ បជហិស្សតីតិ?

ទ្វេ បុគ្គលា ចក្ខុន្ទ្រិយំ បរិជានិស្សន្តិ, នោ ច ទោមនស្សិន្ទ្រិយំ បជហិស្សន្តិ. បញ្ច បុគ្គលា ចក្ខុន្ទ្រិយញ្ច បរិជានិស្សន្តិ ទោមនស្សិន្ទ្រិយញ្ច បជហិស្សន្តិ.

(ខ) យោ វា បន ទោមនស្សិន្ទ្រិយំ បជហិស្សតិ សោ ចក្ខុន្ទ្រិយំ បរិជានិស្សតីតិ? អាមន្តា.

(ក) យោ ចក្ខុន្ទ្រិយំ បរិជានិស្សតិ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ?

ឆ បុគ្គលា ចក្ខុន្ទ្រិយំ បរិជានិស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវេស្សន្តិ. យេ បុថុជ្ជនា មគ្គំ បដិលភិស្សន្តិ តេ ចក្ខុន្ទ្រិយញ្ច បរិជានិស្សន្តិ អនញ្ញាតញ្ញស្សាមីតិន្ទ្រិយញ្ច ភាវេស្សន្តិ.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវេស្សតិ សោ ចក្ខុន្ទ្រិយំ បរិជានិស្សតីតិ? អាមន្តា.

(ក) យោ ចក្ខុន្ទ្រិយំ បរិជានិស្សតិ សោ អញ្ញិន្ទ្រិយំ ភាវេស្សតីតិ? អាមន្តា.

(ខ) យោ វា បន អញ្ញិន្ទ្រិយំ ភាវេស្សតិ សោ ចក្ខុន្ទ្រិយំ បរិជានិស្សតីតិ? អាមន្តា.

(ក) យោ ចក្ខុន្ទ្រិយំ បរិជានិស្សតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ ចក្ខុន្ទ្រិយំ បរិជានិស្សតីតិ?

អគ្គមគ្គសមង្គី អញ្ញាតាវិន្ទ្រិយំ សច្ឆិករិស្សតិ, នោ ច ចក្ខុន្ទ្រិយំ បរិជានិស្សតិ. សត្ត បុគ្គលា អញ្ញាតាវិន្ទ្រិយញ្ច សច្ឆិករិស្សន្តិ ចក្ខុន្ទ្រិយញ្ច បរិជានិស្សន្តិ. (ចក្ខុន្ទ្រិយមូលកំ)

៤៥២. (ក) យោ ទោមនស្សិន្ទ្រិយំ បជហិស្សតិ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ?

ចត្តារោ បុគ្គលា ទោមនស្សិន្ទ្រិយំ បជហិស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវេស្សន្តិ. យេ បុថុជ្ជនា មគ្គំ បដិលភិស្សន្តិ តេ ទោមនស្សិន្ទ្រិយញ្ច បជហិស្សន្តិ អនញ្ញាតញ្ញស្សាមីតិន្ទ្រិយញ្ច ភាវេស្សន្តិ.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវេស្សតិ សោ ទោមនស្សិន្ទ្រិយំ បជហិស្សតីតិ? អាមន្តា.

(ក) យោ ទោមនស្សិន្ទ្រិយំ បជហិស្សតិ សោ អញ្ញិន្ទ្រិយំ ភាវេស្សតីតិ? អាមន្តា.

(ខ) យោ វា បន អញ្ញិន្ទ្រិយំ ភាវេស្សតិ សោ ទោមនស្សិន្ទ្រិយំ បជហិស្សតីតិ?

ទ្វេ បុគ្គលា អញ្ញិន្ទ្រិយំ ភាវេស្សន្តិ នោ ច ទោមនស្សិន្ទ្រិយំ បជហិស្សន្តិ, បញ្ច បុគ្គលា អញ្ញិន្ទ្រិយញ្ច ភវិស្សន្តិ ទោមនស្សិន្ទ្រិយញ្ច បជហិស្សន្តិ.

(ក) យោ ទោមនស្សិន្ទ្រិយំ បជហិស្សតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ ទោមនស្សិន្ទ្រិយំ បជហិស្សតីតិ?

តយោ បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច ទោមនស្សិន្ទ្រិយំ បជហិស្សន្តិ. បញ្ច បុគ្គលា អញ្ញាតាវិន្ទ្រិយញ្ច សច្ឆិករិស្សន្តិ ទោមនស្សិន្ទ្រិយញ្ច បជហិស្សន្តិ. (ទោមនស្សិន្ទ្រិយមូលកំ)

៤៥៣. (ក) យោ អនញ្ញាតញ្ញស្សាមីតិន្ទ្រិយំ ភាវេស្សតិ សោ អញ្ញិន្ទ្រិយំ ភាវេស្សតីតិ? អាមន្តា.

(ខ) យោ វា បន អញ្ញិន្ទ្រិយំ ភាវេស្សតិ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ?

ឆ បុគ្គលា អញ្ញិន្ទ្រិយំ ភាវេស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវេស្សន្តិ. យេ បុថុជ្ជនា មគ្គំ បដិលភិស្សន្តិ តេ អញ្ញិន្ទ្រិយញ្ច ភាវេស្សន្តិ អនញ្ញាតញ្ញស្សាមីតិន្ទ្រិយញ្ច ភាវេស្សន្តិ.

(ក) យោ អនញ្ញាតញ្ញស្សាមីតិន្ទ្រិយំ ភាវេស្សតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ អនញ្ញាតញ្ញស្សាមីតិន្ទ្រិយំ ភាវេស្សតីតិ?

សត្ត បុគ្គលា អញ្ញាតាវិន្ទ្រិយំ សច្ឆិករិស្សន្តិ, នោ ច អនញ្ញាតញ្ញស្សាមីតិន្ទ្រិយំ ភាវេស្សន្តិ. យេ បុថុជ្ជនា មគ្គំ បដិលភិស្សន្តិ តេ អញ្ញាតាវិន្ទ្រិយញ្ច សច្ឆិករិស្សន្តិ អនញ្ញាតញ្ញស្សាមីតិន្ទ្រិយញ្ច ភាវេស្សន្តិ. (អនញ្ញាតញ្ញស្សាមីតិន្ទ្រិយមូលកំ)

៤៥៤. (ក) យោ អញ្ញិន្ទ្រិយំ ភាវេស្សតិ សោ អញ្ញាតាវិន្ទ្រិយំ សច្ឆិករិស្សតីតិ? អាមន្តា.

(ខ) យោ វា បន អញ្ញាតាវិន្ទ្រិយំ សច្ឆិករិស្សតិ សោ អញ្ញិន្ទ្រិយំ ភាវេស្សតីតិ?

អគ្គមគ្គសមង្គី អញ្ញាតាវិន្ទ្រិយំ សច្ឆិករិស្សន្តិ, នោ ច អញ្ញិន្ទ្រិយំ ភាវេស្សន្តិ. សត្ត បុគ្គលា អញ្ញាតាវិន្ទ្រិយញ្ច សច្ឆិករិស្សន្តិ អញ្ញិន្ទ្រិយញ្ច ភាវេស្សន្តិ. (អញ្ញិន្ទ្រិយមូលកំ)

(ខ) បច្ចនីកំ

៤៥៥. (ក) យោ ចក្ខុន្ទ្រិយំ ន បរិជានិស្សតិ សោ ទោមនស្សិន្ទ្រិយំ នប្បជហិស្សតីតិ? អាមន្តា.

(ខ) យោ វា បន ទោមនស្សិន្ទ្រិយំ នប្បជហិស្សតិ សោ ចក្ខុន្ទ្រិយំ ន បរិជានិស្សតីតិ?

ទ្វេ បុគ្គលា ទោមនស្សិន្ទ្រិយំ នប្បជហិស្សន្តិ, នោ ច ចក្ខុន្ទ្រិយំ ន បរិជានិស្សន្តិ. តយោ បុគ្គលា ទោមនស្សិន្ទ្រិយញ្ច នប្បជហិស្សន្តិ ចក្ខុន្ទ្រិយញ្ច ន បរិជានិស្សន្តិ.

(ក) យោ ចក្ខុន្ទ្រិយំ ន បរិជានិស្សតិ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ. អាមន្តា.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវេស្សតិ សោ ចក្ខុន្ទ្រិយំ ន បរិជានិស្សតីតិ.

ឆ បុគ្គលា អនញ្ញាតញ្ញស្សាមីតិន្ទ្រិយំ ន ភាវេស្សន្តិ, នោ ច ចក្ខុន្ទ្រិយំ ន បរិជានិស្សន្តិ. តយោ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ ចក្ខុន្ទ្រិយញ្ច ន បរិជានិស្សន្តិ.

(ក) យោ ចក្ខុន្ទ្រិយំ ន បរិជានិស្សតិ សោ អញ្ញិន្ទ្រិយំ ន ភាវេស្សតីតិ? អាមន្តា.

(ខ) យោ វា បន អញ្ញិន្ទ្រិយំ ន ភាវេស្សតិ សោ ចក្ខុន្ទ្រិយំ ន បរិជានិស្សតីតិ? អាមន្តា.

(ក) យោ ចក្ខុន្ទ្រិយំ ន បរិជានិស្សតិ សោ អញ្ញាតាវិន្ទ្រិយំ ន សច្ឆិករិស្សតីតិ?

អគ្គមគ្គសមង្គី ចក្ខុន្ទ្រិយំ ន បរិជានិស្សតិ, នោ ច អញ្ញាតាវិន្ទ្រិយំ ន សច្ឆិករិស្សតិ. ទ្វេ បុគ្គលា ចក្ខុន្ទ្រិយញ្ច ន បរិជានិស្សន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ ចក្ខុន្ទ្រិយំ ន បរិជានិស្សតីតិ? អាមន្តា. (ចក្ខុន្ទ្រិយមូលកំ)

៤៥៦. (ក) យោ ទោមនស្សិន្ទ្រិយំ នប្បជហិស្សតិ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ? អាមន្តា.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវេស្សតិ សោ ទោមនស្សិន្ទ្រិយំ នប្បជហិស្សតីតិ?

ចត្តារោ បុគ្គលា អនញ្ញាតញ្ញស្សាមីតិន្ទ្រិយំ ន ភាវេស្សន្តិ, នោ ច ទោមនស្សិន្ទ្រិយំ នប្បជហិស្សន្តិ. បញ្ច បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ ទោមនស្សិន្ទ្រិយញ្ច នប្បជហិស្សន្តិ.

(ក) យោ ទោមនស្សិន្ទ្រិយំ នប្បជហិស្សតិ សោ អញ្ញិន្ទ្រិយំ ន ភាវេស្សតីតិ?

ទ្វេ បុគ្គលា ទោមនស្សិន្ទ្រិយំ នប្បជហិស្សន្តិ, នោ ច អញ្ញិន្ទ្រិយំ ន ភាវេស្សន្តិ. តយោ បុគ្គលា ទោមនស្សិន្ទ្រិយញ្ច នប្បជហិស្សន្តិ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ ទោមនស្សិន្ទ្រិយំ នប្បជហិស្សតីតិ? អាមន្តា.

(ក) យោ ទោមនស្សិន្ទ្រិយំ នប្បជហិស្សតិ សោ អញ្ញាតាវិន្ទ្រិយំ ន សច្ឆិករិស្សតីតិ?

តយោ បុគ្គលា ទោមនស្សិន្ទ្រិយំ នប្បជហិស្សន្តិ, នោ ច អញ្ញាតាវិន្ទ្រិយំ ន សច្ឆិករិស្សន្តិ. ទ្វេ បុគ្គលា ទោមនស្សិន្ទ្រិយញ្ច នប្បជហិស្សន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ ទោមនស្សិន្ទ្រិយំ នប្បជហិស្សតីតិ? អាមន្តា. (ទោមនស្សិន្ទ្រិយមូលកំ)

៤៥៧. (ក) យោ អនញ្ញាតញ្ញស្សាមីតិន្ទ្រិយំ ន ភាវេស្សតិ សោ អញ្ញិន្ទ្រិយំ ន ភាវេស្សតីតិ?

ឆ បុគ្គលា អនញ្ញាតញ្ញស្សាមីតិន្ទ្រិយំ ន ភាវេស្សន្តិ, នោ ច អញ្ញិន្ទ្រិយំ ន ភាវេស្សន្តិ. តយោ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ អញ្ញិន្ទ្រិយញ្ច ន ភាវេស្សន្តិ.

(ខ) យោ វា បន អញ្ញិន្ទ្រិយំ ន ភាវេស្សតិ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ? អាមន្តា.

(ក) យោ អនញ្ញាតញ្ញស្សាមីតិន្ទ្រិយំ ន ភាវេស្សតិ សោ អញ្ញាតាវិន្ទ្រិយំ ន សច្ឆិករិស្សតីតិ?

សត្ត បុគ្គលា អនញ្ញាតញ្ញស្សាមីតិន្ទ្រិយំ ន ភាវេស្សន្តិ, នោ ច អញ្ញាតាវិន្ទ្រិយំ ន សច្ឆិករិស្សន្តិ. ទ្វេ បុគ្គលា អនញ្ញាតញ្ញស្សាមីតិន្ទ្រិយញ្ច ន ភាវេស្សន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ អនញ្ញាតញ្ញស្សាមីតិន្ទ្រិយំ ន ភាវេស្សតីតិ? អាមន្តា. (អនញ្ញាតញ្ញស្សាមីតិន្ទ្រិយមូលកំ)

៤៥៨. (ក) យោ អញ្ញិន្ទ្រិយំ ន ភាវេស្សតិ សោ អញ្ញាតាវិន្ទ្រិយំ ន សច្ឆិករិស្សតីតិ?

អគ្គមគ្គសមង្គី អញ្ញិន្ទ្រិយំ ន ភាវេស្សតិ, នោ ច អញ្ញាតាវិន្ទ្រិយំ ន សច្ឆិករិស្សតិ. ទ្វេ បុគ្គលា អញ្ញិន្ទ្រិយញ្ច ន ភាវេស្សន្តិ អញ្ញាតាវិន្ទ្រិយញ្ច ន សច្ឆិករិស្សន្តិ.

(ខ) យោ វា បន អញ្ញាតាវិន្ទ្រិយំ ន សច្ឆិករិស្សតិ សោ អញ្ញិន្ទ្រិយំ ន ភាវេស្សតីតិ? អាមន្តា. (អញ្ញិន្ទ្រិយមូលកំ)