២. អតីតវារោ

(ក) អនុលោមំ

៤៤៣. (ក) យោ ចក្ខុន្ទ្រិយំ បរិជានិត្ថ សោ ទោមនស្សិន្ទ្រិយំ បជហិត្ថាតិ? អាមន្តា.

(ខ) យោ វា បន ទោមនស្សិន្ទ្រិយំ បជហិត្ថ សោ ចក្ខុន្ទ្រិយំ បរិជានិត្ថាតិ?

ទ្វេ បុគ្គលា ទោមនស្សិន្ទ្រិយំ បជហិត្ថ, នោ ច ចក្ខុន្ទ្រិយំ បរិជានិត្ថ. អរហា ទោមនស្សិន្ទ្រិយញ្ច បជហិត្ថ ចក្ខុន្ទ្រិយញ្ច បរិជានិត្ថ.

(ក) យោ ចក្ខុន្ទ្រិយំ បរិជានិត្ថ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ? អាមន្តា.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវិត្ថ សោ ចក្ខុន្ទ្រិយំ បរិជានិត្ថាតិ?

ឆ បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច ចក្ខុន្ទ្រិយំ បរិជានិត្ថ. អរហា អនញ្ញាតញ្ញស្សាមីតិន្ទ្រិយញ្ច ភាវិត្ថ ចក្ខុន្ទ្រិយញ្ច បរិជានិត្ថ.

(ក) យោ ចក្ខុន្ទ្រិយំ បរិជានិត្ថ សោ អញ្ញិន្ទ្រិយំ ភាវិត្ថាតិ? អាមន្តា.

(ខ) យោ វា បន អញ្ញិន្ទ្រិយំ ភាវិត្ថ សោ ចក្ខុន្ទ្រិយំ បរិជានិត្ថាតិ? អាមន្តា.

(ក) យោ ចក្ខុន្ទ្រិយំ បរិជានិត្ថ សោ អញ្ញាតាវិន្ទ្រិយំ សច្ឆិករិត្ថាតិ?

យោ អគ្គផលំ សច្ឆិករោតិ សោ ចក្ខុន្ទ្រិយំ បរិជានិត្ថ, នោ ច អញ្ញាតាវិន្ទ្រិយំ សច្ឆិករិត្ថ. យោ អគ្គផលំ សច្ឆាកាសិ សោ ចក្ខុន្ទ្រិយញ្ច បរិជានិត្ថ អញ្ញាតាវិន្ទ្រិយញ្ច សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ ចក្ខុន្ទ្រិយំ បរិជានិត្ថាតិ? អាមន្តា. (ចក្ខុន្ទ្រិយមូលកំ)

៤៤៤. (ក) យោ ទោមនស្សិន្ទ្រិយំ បជហិត្ថ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ? អាមន្តា.

(ខ) យោ វា បន អនញ្ញាតញ្ញស្សាមីតិន្ទ្រិយំ ភាវិត្ថ សោ ទោមនស្សិន្ទ្រិយំ បជហិត្ថាតិ?

ចត្តារោ បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច ទោមនស្សិន្ទ្រិយំ បជហិត្ថ. តយោ បុគ្គលា អនញ្ញាតញ្ញស្សាមីតិន្ទ្រិយញ្ច ភាវិត្ថ ទោមនស្សិន្ទ្រិយញ្ច បជហិត្ថ.

(ក) យោ ទោមនស្សិន្ទ្រិយំ បជហិត្ថ សោ អញ្ញិន្ទ្រិយំ ភាវិត្ថាតិ?

ទ្វេ បុគ្គលា ទោមនស្សិន្ទ្រិយំ បជហិត្ថ, នោ ច អញ្ញិន្ទ្រិយំ ភាវិត្ថ. អរហា ទោមនស្សិន្ទ្រិយញ្ច បជហិត្ថ អញ្ញិន្ទ្រិយញ្ច ភាវិត្ថ.

(ខ) យោ វា បន អញ្ញិន្ទ្រិយំ ភាវិត្ថ សោ ទោមនស្សិន្ទ្រិយំ បជហិត្ថាតិ? អាមន្តា.

(ក) យោ ទោមនស្សិន្ទ្រិយំ បជហិត្ថ សោ អញ្ញាតាវិន្ទ្រិយំ សច្ឆិករិត្ថាតិ?

តយោ បុគ្គលា ទោមនស្សិន្ទ្រិយំ បជហិត្ថ, នោ ច អញ្ញាតាវិន្ទ្រិយំ សច្ឆិករិត្ថ. អរហា ទោមនស្សិន្ទ្រិយញ្ច បជហិត្ថ អញ្ញាតាវិន្ទ្រិយញ្ច សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ ទោមនស្សិន្ទ្រិយំ បជហិត្ថាតិ? អាមន្តា. (ទោមនស្សិន្ទ្រិយមូលកំ)

៤៤៥. (ក) យោ អនញ្ញាតញ្ញស្សាមីតិន្ទ្រិយំ ភាវិត្ថ សោ អញ្ញិន្ទ្រិយំ ភាវិត្ថាតិ?

ឆ បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច អញ្ញិន្ទ្រិយំ ភាវិត្ថ. អរហា អនញ្ញាតញ្ញស្សាមីតិន្ទ្រិយញ្ច ភាវិត្ថ អញ្ញិន្ទ្រិយញ្ច ភាវិត្ថ.

(ខ) យោ វា បន អញ្ញិន្ទ្រិយំ ភាវិត្ថ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ? អាមន្តា.

(ក) យោ អនញ្ញាតញ្ញស្សាមីតិន្ទ្រិយំ ភាវិត្ថ សោ អញ្ញាតាវិន្ទ្រិយំ សច្ឆិករិត្ថាតិ?

សត្ត បុគ្គលា អនញ្ញាតញ្ញស្សាមីតិន្ទ្រិយំ ភាវិត្ថ, នោ ច អញ្ញាតាវិន្ទ្រិយំ សច្ឆិករិត្ថ. អរហា អនញ្ញាតញ្ញស្សាមីតិន្ទ្រិយញ្ច ភាវិត្ថ អញ្ញាតាវិន្ទ្រិយញ្ច សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ អនញ្ញាតញ្ញស្សាមីតិន្ទ្រិយំ ភាវិត្ថាតិ? អាមន្តា. (អនញ្ញាតញ្ញស្សាមីតិន្ទ្រិយមូលកំ)

៤៤៦. (ក) យោ អញ្ញិន្ទ្រិយំ ភាវិត្ថ សោ អញ្ញាតាវិន្ទ្រិយំ សច្ឆិករិត្ថាតិ?

យោ អគ្គផលំ សច្ឆិករោតិ សោ អញ្ញិន្ទ្រិយំ ភាវិត្ថ, នោ ច អញ្ញាតាវិន្ទ្រិយំ សច្ឆិករិត្ថ. យោ អគ្គផលំ សច្ឆាកាសិ សោ អញ្ញិន្ទ្រិយញ្ច ភាវិត្ថ អញ្ញាតាវិន្ទ្រិយញ្ច សច្ឆិករិត្ថ.

(ខ) យោ វា បន អញ្ញាតាវិន្ទ្រិយំ សច្ឆិករិត្ថ សោ អញ្ញិន្ទ្រិយំ ភាវិត្ថាតិ? អាមន្តា. (អញ្ញិន្ទ្រិយមូលកំ)

(ខ) បច្ចនីកំ

៤៤៧. (ក) យោ ចក្ខុន្ទ្រិយំ ន បរិជានិត្ថ សោ ទោមនស្សិន្ទ្រិយំ នប្បជហិត្ថាតិ?

ទ្វេ បុគ្គលា ចក្ខុន្ទ្រិយំ ន បរិជានិត្ថ, នោ ច ទោមនស្សិន្ទ្រិយំ នប្បជហិត្ថ. ឆ បុគ្គលា ចក្ខុន្ទ្រិយញ្ច ន បរិជានិត្ថ ទោមនស្សិន្ទ្រិយញ្ច នប្បជហិត្ថ.

(ខ) យោ វា បន ទោមនស្សិន្ទ្រិយំ នប្បជហិត្ថ សោ ចក្ខុន្ទ្រិយំ ន បរិជានិត្ថាតិ? អាមន្តា.

(ក) យោ ចក្ខុន្ទ្រិយំ ន បរិជានិត្ថ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

ឆ បុគ្គលា ចក្ខុន្ទ្រិយំ ន បរិជានិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. ទ្វេ បុគ្គលា ចក្ខុន្ទ្រិយញ្ច ន បរិជានិត្ថ អនញ្ញាតញ្ញស្សាមីតិន្ទ្រិយញ្ច ន ភាវិត្ថ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវិត្ថ សោ ចក្ខុន្ទ្រិយំ ន បរិជានិត្ថាតិ? អាមន្តា.

(ក) យោ ចក្ខុន្ទ្រិយំ ន បរិជានិត្ថ សោ អញ្ញិន្ទ្រិយំ ន ភាវិត្ថាតិ? អាមន្តា.

(ខ) យោ វា បន អញ្ញិន្ទ្រិយំ ន ភាវិត្ថ សោ ចក្ខុន្ទ្រិយំ ន បរិជានិត្ថាតិ? អាមន្តា.

(ក) យោ ចក្ខុន្ទ្រិយំ ន បរិជានិត្ថ សោ អញ្ញាតាវិន្ទ្រិយំ ន សច្ឆិករិត្ថាតិ? អាមន្តា.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ ចក្ខុន្ទ្រិយំ ន បរិជានិត្ថាតិ?

យោ អគ្គផលំ សច្ឆិករោតិ សោ អញ្ញាតាវិន្ទ្រិយំ ន សច្ឆិករិត្ថ, នោ ច ចក្ខុន្ទ្រិយំ ន បរិជានិត្ថ. អដ្ឋ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ ចក្ខុន្ទ្រិយញ្ច ន បរិជានិត្ថ. (ចក្ខុន្ទ្រិយមូលកំ)

៤៤៨. (ក) យោ ទោមនស្សិន្ទ្រិយំ នប្បជហិត្ថ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

ចត្តារោ បុគ្គលា ទោមនស្សិន្ទ្រិយំ នប្បជហិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. ទ្វេ បុគ្គលា ទោមនស្សិន្ទ្រិយញ្ច នប្បជហិត្ថ អនញ្ញាតញ្ញស្សាមីតិន្ទ្រិយញ្ច ន ភាវិត្ថ.

(ខ) យោ វា បន អនញ្ញាតញ្ញស្សាមីតិន្ទ្រិយំ ន ភាវិត្ថ សោ ទោមនស្សិន្ទ្រិយំ នប្បជហិត្ថាតិ? អាមន្តា.

(ក) យោ ទោមនស្សិន្ទ្រិយំ នប្បជហិត្ថ សោ អញ្ញិន្ទ្រិយំ ន ភាវិត្ថាតិ? អាមន្តា.

(ខ) យោ វា បន អញ្ញិន្ទ្រិយំ ន ភាវិត្ថ សោ ទោមនស្សិន្ទ្រិយំ នប្បជហិត្ថាតិ?

ទ្វេ បុគ្គលា អញ្ញិន្ទ្រិយំ ន ភាវិត្ថ, នោ ច ទោមនស្សិន្ទ្រិយំ នប្បជហិត្ថ. ឆ បុគ្គលា អញ្ញិន្ទ្រិយញ្ច ន ភាវិត្ថ ទោមនស្សិន្ទ្រិយញ្ច នប្បជហិត្ថ.

(ក) យោ ទោមនស្សិន្ទ្រិយំ នប្បជហិត្ថ សោ អញ្ញាតាវិន្ទ្រិយំ ន សច្ឆិករិត្ថាតិ? អាមន្តា.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ ទោមនស្សិន្ទ្រិយំ នប្បជហិត្ថាតិ?

តយោ បុគ្គលា អញ្ញាតាវិន្ទ្រិយំ ន សច្ឆិករិត្ថ, នោ ច ទោមនស្សិន្ទ្រិយំ នប្បជហិត្ថ. ឆ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ ទោមនស្សិន្ទ្រិយញ្ច នប្បជហិត្ថ. (ទោមនស្សិន្ទ្រិយមូលកំ)

៤៤៩. (ក) យោ អនញ្ញាតញ្ញស្សាមីតិន្ទ្រិយំ ន ភាវិត្ថ សោ អញ្ញិន្ទ្រិយំ ន ភាវិត្ថាតិ? អាមន្តា.

(ខ) យោ វា បន អញ្ញិន្ទ្រិយំ ន ភាវិត្ថ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

ឆ បុគ្គលា អញ្ញិន្ទ្រិយំ ន ភាវិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. ទ្វេ បុគ្គលា អញ្ញិន្ទ្រិយញ្ច ន ភាវិត្ថ អនញ្ញាតញ្ញស្សាមីតិន្ទ្រិយញ្ច ន ភាវិត្ថ.

(ក) យោ អនញ្ញាតញ្ញស្សាមីតិន្ទ្រិយំ ន ភាវិត្ថ សោ អញ្ញាតាវិន្ទ្រិយំ ន សច្ឆិករិត្ថាតិ? អាមន្តា.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ អនញ្ញាតញ្ញស្សាមីតិន្ទ្រិយំ ន ភាវិត្ថាតិ?

សត្ត បុគ្គលា អញ្ញាតាវិន្ទ្រិយំ ន សច្ឆិករិត្ថ, នោ ច អនញ្ញាតញ្ញស្សាមីតិន្ទ្រិយំ ន ភាវិត្ថ. ទ្វេ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ អនញ្ញាតញ្ញស្សាមីតិន្ទ្រិយញ្ច ន ភាវិត្ថ. (អនញ្ញាតញ្ញស្សាមីតិន្ទ្រិយមូលកំ)

៤៥០. (ក) យោ អញ្ញិន្ទ្រិយំ ន ភាវិត្ថ សោ អញ្ញាតាវិន្ទ្រិយំ ន សច្ឆិករិត្ថាតិ? អាមន្តា.

(ខ) យោ វា បន អញ្ញាតាវិន្ទ្រិយំ ន សច្ឆិករិត្ថ សោ អញ្ញិន្ទ្រិយំ ន ភាវិត្ថាតិ?

យោ អគ្គផលំ សច្ឆិករោតិ សោ អញ្ញាតាវិន្ទ្រិយំ ន សច្ឆិករិត្ថ, នោ ច អញ្ញិន្ទ្រិយំ ន ភាវិត្ថ. អដ្ឋ បុគ្គលា អញ្ញាតាវិន្ទ្រិយញ្ច ន សច្ឆិករិត្ថ អញ្ញិន្ទ្រិយញ្ច ន ភាវិត្ថ. (អញ្ញិន្ទ្រិយមូលកំ)