(៣) អនាគតវារោ

(ក) អនុលោមបុគ្គលោ

១៨៧. (ក) យស្ស កុសលា ធម្មា ឧប្បជ្ជិស្សន្តិ តស្ស អកុសលា ធម្មា និរុជ្ឈិស្សន្តីតិ?

យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ កុសលា ធម្មា ឧប្បជ្ជិស្សន្តិ, នោ ច តេសំ អកុសលា ធម្មា និរុជ្ឈិស្សន្តិ. ឥតរេសំ តេសំ កុសលា ច ធម្មា ឧប្បជ្ជិស្សន្តិ អកុសលា ច ធម្មា និរុជ្ឈិស្សន្តិ.

(ខ) យស្ស វា បន អកុសលា ធម្មា និរុជ្ឈិស្សន្តិ តស្ស កុសលា ធម្មា ឧប្បជ្ជិស្សន្តីតិ? អាមន្តា.

(ក) យស្ស កុសលា ធម្មា ឧប្បជ្ជិស្សន្តិ តស្ស អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិស្សន្តិ តស្ស កុសលា ធម្មា ឧប្បជ្ជិស្សន្តីតិ?

អគ្គមគ្គសមង្គីនំ អរហន្តានំ តេសំ អព្យាកតា ធម្មា និរុជ្ឈិស្សន្តិ, នោ ច តេសំ កុសលា ធម្មា ឧប្បជ្ជិស្សន្តិ. ឥតរេសំ តេសំ អព្យាកតា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជិស្សន្តិ.

១៨៨. (ក) យស្ស អកុសលា ធម្មា ឧប្បជ្ជិស្សន្តិ តស្ស អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិស្សន្តិ តស្ស អកុសលា ធម្មា ឧប្បជ្ជិស្សន្តីតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ អព្យាកតា ធម្មា និរុជ្ឈិស្សន្តិ, នោ ច តេសំ អកុសលា ធម្មា ឧប្បជ្ជិស្សន្តិ. ឥតរេសំ តេសំ អព្យាកតា ច ធម្មា និរុជ្ឈិស្សន្តិ អកុសលា ច ធម្មា ឧប្បជ្ជិស្សន្តិ.

(ខ) អនុលោមឱកាសោ

១៨៩. (ក) យត្ថ កុសលា ធម្មា ឧប្បជ្ជិស្សន្តិ តត្ថ អកុសលា ធម្មា និរុជ្ឈិស្សន្តីតិ? អាមន្តា.

(ខ) យត្ថ វា បន អកុសលា ធម្មា និរុជ្ឈិស្សន្តិ តត្ថ កុសលា ធម្មា ឧប្បជ្ជិស្សន្តីតិ? អាមន្តា.

(ក) យត្ថ កុសលា ធម្មា ឧប្បជ្ជិស្សន្តិ តត្ថ អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យត្ថ វា បន អព្យាកតា ធម្មា និរុជ្ឈិស្សន្តិ តត្ថ កុសលា ធម្មា ឧប្បជ្ជិស្សន្តីតិ?

អសញ្ញសត្តេ តត្ថ អព្យាកតា ធម្មា និរុជ្ឈិស្សន្តិ, នោ ច តត្ថ កុសលា ធម្មា ឧប្បជ្ជិស្សន្តិ. ចតុវោការេ បញ្ចវោការេ តត្ថ អព្យាកតា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជិស្សន្តិ.

១៩០. (ក) យត្ថ អកុសលា ធម្មា ឧប្បជ្ជិស្សន្តិ តត្ថ អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យត្ថ វា បន អព្យាកតា ធម្មា និរុជ្ឈិស្សន្តិ តត្ថ អកុសលា ធម្មា ឧប្បជ្ជិស្សន្តីតិ?

អសញ្ញសត្តេ តត្ថ អព្យាកតា ធម្មា និរុជ្ឈិស្សន្តិ, នោ ច តត្ថ អកុសលា ធម្មា ឧប្បជ្ជិស្សន្តិ. ចតុវោការេ បញ្ចវោការេ តត្ថ អព្យាកតា ច ធម្មា និរុជ្ឈិស្សន្តិ អកុសលា ច ធម្មា ឧប្បជ្ជិស្សន្តិ.

(គ) អនុលោមបុគ្គលោកាសា

១៩១. (ក) យស្ស យត្ថ កុសលា ធម្មា ឧប្បជ្ជិស្សន្តិ តស្ស តត្ថ អកុសលា ធម្មា និរុជ្ឈិស្សន្តីតិ?

យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ តត្ថ កុសលា ធម្មា ឧប្បជ្ជិស្សន្តិ, នោ ច តេសំ តត្ថ អកុសលា ធម្មា និរុជ្ឈិស្សន្តិ. ឥតរេសំ ចតុវោការានំ បញ្ចវោការានំ តេសំ តត្ថ កុសលា ច ធម្មា ឧប្បជ្ជិស្សន្តិ អកុសលា ច ធម្មា និរុជ្ឈិស្សន្តិ.

(ខ) យស្ស វា បន យត្ថ អកុសលា ធម្មា និរុជ្ឈិស្សន្តិ តស្ស តត្ថ កុសលា ធម្មា ឧប្បជ្ជិស្សន្តីតិ? អាមន្តា.

(ក) យស្ស យត្ថ កុសលា ធម្មា ឧប្បជ្ជិស្សន្តិ តស្ស តត្ថ អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិស្សន្តិ តស្ស តត្ថ កុសលា ធម្មា ឧប្បជ្ជិស្សន្តីតិ?

អគ្គមគ្គសមង្គីនំ អរហន្តានំ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិស្សន្តិ, នោ ច តេសំ តត្ថ កុសលា ធម្មា ឧប្បជ្ជិស្សន្តិ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជិស្សន្តិ.

១៩២. (ក) យស្ស យត្ថ អកុសលា ធម្មា ឧប្បជ្ជិស្សន្តិ តស្ស តត្ថ អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិស្សន្តិ តស្ស តត្ថ អកុសលា ធម្មា ឧប្បជ្ជិស្សន្តីតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ, អសញ្ញសត្តានំ តេសំ តត្ថ អព្យាកតា ធម្មា និរុជ្ឈិស្សន្តិ, នោ ច តេសំ តត្ថ កុសលា ធម្មា ឧប្បជ្ជិស្សន្តិ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា និរុជ្ឈិស្សន្តិ អកុសលា ច ធម្មា ឧប្បជ្ជិស្សន្តិ.

(ឃ) បច្ចនីកបុគ្គលោ

១៩៣. (ក) យស្ស កុសលា ធម្មា ន ឧប្បជ្ជិស្សន្តិ តស្ស អកុសលា ធម្មា ន និរុជ្ឈិស្សន្តីតិ? អាមន្តា.

(ខ) យស្ស វា បន អកុសលា ធម្មា ន និរុជ្ឈិស្សន្តិ តស្ស កុសលា ធម្មា ន ឧប្បជ្ជិស្សន្តីតិ?

យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ អកុសលា ធម្មា ន និរុជ្ឈិស្សន្តិ, នោ ច តេសំ កុសលា ធម្មា ន ឧប្បជ្ជិស្សន្តិ. អគ្គមគ្គសមង្គីនំ អរហន្តានំ តេសំ អកុសលា ច ធម្មា ន និរុជ្ឈិស្សន្តិ កុសលា ច ធម្មា ន ឧប្បជ្ជិស្សន្តិ.

(ក) យស្ស កុសលា ធម្មា ន ឧប្បជ្ជិស្សន្តិ តស្ស អព្យាកតា ធម្មា ន និរុជ្ឈិស្សន្តីតិ?

អគ្គមគ្គសមង្គីនំ អរហន្តានំ តេសំ កុសលា ធម្មា ន ឧប្បជ្ជិស្សន្តិ, នោ ច តេសំ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ កុសលា ច ធម្មា ន ឧប្បជ្ជិស្សន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន អព្យាកតា ធម្មា ន និរុជ្ឈិស្សន្តិ តស្ស កុសលា ធម្មា ន ឧប្បជ្ជិស្សន្តីតិ? អាមន្តា.

១៩៤. (ក) យស្ស អកុសលា ធម្មា ន ឧប្បជ្ជិស្សន្តិ តស្ស អព្យាកតា ធម្មា ន និរុជ្ឈិស្សន្តីតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ អកុសលា ធម្មា ន ឧប្បជ្ជិស្សន្តិ, នោ ច តេសំ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ អកុសលា ច ធម្មា ន ឧប្បជ្ជិស្សន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន អព្យាកតា ធម្មា ន និរុជ្ឈិស្សន្តិ តស្ស អកុសលា ធម្មា ន ឧប្បជ្ជិស្សន្តីតិ? អាមន្តា.

(ង) បច្ចនីកឱកាសោ

១៩៥. (ក) យត្ថ កុសលា ធម្មា ន ឧប្បជ្ជិស្សន្តិ តត្ថ អកុសលា ធម្មា ន និរុជ្ឈិស្សន្តីតិ? អាមន្តា.

(ខ) យត្ថ វា បន អកុសលា ធម្មា ន និរុជ្ឈិស្សន្តិ តត្ថ កុសលា ធម្មា ន ឧប្បជ្ជិស្សន្តីតិ? អាមន្តា.

(ក) យត្ថ កុសលា ធម្មា ន ឧប្បជ្ជិស្សន្តិ តត្ថ អព្យាកតា ធម្មា ន និរុជ្ឈិស្សន្តីតិ? និរុជ្ឈិស្សន្តិ.

(ខ) យត្ថ វា បន អព្យាកតា ធម្មា ន និរុជ្ឈិស្សន្តិ តត្ថ កុសលា ធម្មា ន ឧប្បជ្ជិស្សន្តីតិ? នត្ថិ.

១៩៦. (ក) យត្ថ អកុសលា ធម្មា ន ឧប្បជ្ជិស្សន្តិ តត្ថ អព្យាកតា ធម្មា ន និរុជ្ឈិស្សន្តីតិ? និរុជ្ឈិស្សន្តិ.

(ខ) យត្ថ វា បន អព្យាកតា ធម្មា ន និរុជ្ឈិស្សន្តិ តត្ថ អកុសលា ធម្មា ន ឧប្បជ្ជិស្សន្តីតិ? នត្ថិ.

(ច) បច្ចនីកបុគ្គលោកាសា

១៩៧. (ក) យស្ស យត្ថ កុសលា ធម្មា ន ឧប្បជ្ជិស្សន្តិ តស្ស តត្ថ អកុសលា ធម្មា ន និរុជ្ឈិស្សន្តីតិ? អាមន្តា.

(ខ) យស្ស វា បន យត្ថ អកុសលា ធម្មា ន និរុជ្ឈិស្សន្តិ តស្ស តត្ថ កុសលា ធម្មា ន ឧប្បជ្ជិស្សន្តីតិ?

យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ តត្ថ អកុសលា ធម្មា ន និរុជ្ឈិស្សន្តិ, នោ ច តេសំ តត្ថ កុសលា ធម្មា ន ឧប្បជ្ជិស្សន្តិ. អគ្គមគ្គសមង្គីនំ អរហន្តានំ អសញ្ញសត្តានំ តេសំ តត្ថ អកុសលា ច ធម្មា ន និរុជ្ឈិស្សន្តិ កុសលា ច ធម្មា ន ឧប្បជ្ជិស្សន្តិ.

(ក) យស្ស យត្ថ កុសលា ធម្មា ន ឧប្បជ្ជិស្សន្តិ តស្ស តត្ថ អព្យាកតា ធម្មា ន និរុជ្ឈិស្សន្តីតិ?

អគ្គមគ្គសមង្គីនំ អរហន្តានំ អសញ្ញសត្តានំ តេសំ តត្ថ កុសលា ធម្មា ន ឧប្បជ្ជិស្សន្តិ, នោ ច តេសំ តត្ថ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ តត្ថ កុសលា ច ធម្មា ន ឧប្បជ្ជិស្សន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈិស្សន្តិ តស្ស តត្ថ កុសលា ធម្មា ន ឧប្បជ្ជិស្សន្តីតិ? អាមន្តា.

១៩៨. (ក) យស្ស យត្ថ អកុសលា ធម្មា ន ឧប្បជ្ជិស្សន្តិ តស្ស តត្ថ អព្យាកតា ធម្មា ន និរុជ្ឈិស្សន្តីតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ អសញ្ញសត្តានំ តេសំ តត្ថ អកុសលា ធម្មា ន ឧប្បជ្ជិស្សន្តិ, នោ ច តេសំ តត្ថ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ តត្ថ អកុសលា ច ធម្មា ន ឧប្បជ្ជិស្សន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈិស្សន្តិ តស្ស តត្ថ អកុសលា ធម្មា ន ឧប្បជ្ជិស្សន្តីតិ? អាមន្តា.