(២) អតីតវារោ

(ក) អនុលោមបុគ្គលោ

១៧៥. (ក) យស្ស កុសលា ធម្មា ឧប្បជ្ជិត្ថ តស្ស អកុសលា ធម្មា និរុជ្ឈិត្ថាតិ? អាមន្តា.

(ខ) យស្ស វា បន អកុសលា ធម្មា និរុជ្ឈិត្ថ តស្ស កុសលា ធម្មា ឧប្បជ្ជិត្ថាតិ? អាមន្តា.

(ក) យស្ស កុសលា ធម្មា ឧប្បជ្ជិត្ថ តស្ស អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិត្ថ តស្ស កុសលា ធម្មា ឧប្បជ្ជិត្ថាតិ? អាមន្តា.

១៧៦. (ក) យស្ស អកុសលា ធម្មា ឧប្បជ្ជិត្ថ តស្ស អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិត្ថ តស្ស អកុសលា ធម្មា ឧប្បជ្ជិត្ថាតិ? អាមន្តា.

(ខ) អនុលោមឱកាសោ

១៧៧. (ក) យត្ថ កុសលា ធម្មា ឧប្បជ្ជិត្ថ តត្ថ អកុសលា ធម្មា និរុជ្ឈិត្ថាតិ? អាមន្តា.

(ខ) យត្ថ វា បន អកុសលា ធម្មា និរុជ្ឈិត្ថ តត្ថ កុសលា ធម្មា ឧប្បជ្ជិត្ថាតិ? អាមន្តា.

(ក) យត្ថ កុសលា ធម្មា ឧប្បជ្ជិត្ថ តត្ថ អព្យាកតា ធម្មា និរុជ្ឈិត្ថាតិ? អាមន្តា.

(ខ) យត្ថ វា បន អព្យាកតា ធម្មា និរុជ្ឈិត្ថ តត្ថ កុសលា ធម្មា ឧប្បជ្ជិត្ថាតិ?

អសញ្ញសត្តេ តត្ថ អព្យាកតា ធម្មា និរុជ្ឈិត្ថ, នោ ច តត្ថ កុសលា ធម្មា ឧប្បជ្ជិត្ថ. ចតុវោការេ បញ្ចវោការេ តត្ថ អព្យាកតា ច ធម្មា និរុជ្ឈិត្ថ កុសលា ច ធម្មា ឧប្បជ្ជិត្ថ.

១៧៨. (ក) យត្ថ អកុសលា ធម្មា ឧប្បជ្ជិត្ថ តត្ថ អព្យាកតា ធម្មា និរុជ្ឈិត្ថាតិ? អាមន្តា.

(ខ) យត្ថ វា បន អព្យាកតា ធម្មា និរុជ្ឈិត្ថ តត្ថ អកុសលា ធម្មា ឧប្បជ្ជិត្ថាតិ?

អសញ្ញសត្តេ តត្ថ អព្យាកតា ធម្មា និរុជ្ឈិត្ថ, នោ ច តត្ថ អកុសលា ធម្មា ឧប្បជ្ជិត្ថ. ចតុវោការេ បញ្ចវោការេ តត្ថ អព្យាកតា ច ធម្មា និរុជ្ឈិត្ថ អកុសលា ច ធម្មា ឧប្បជ្ជិត្ថ.

(គ) អនុលោមបុគ្គលោកាសា

១៧៩. (ក) យស្ស យត្ថ កុសលា ធម្មា ឧប្បជ្ជិត្ថ តស្ស តត្ថ អកុសលា ធម្មា និរុជ្ឈិត្ថាតិ? អាមន្តា.

(ខ) យស្ស វា បន យត្ថ អកុសលា ធម្មា និរុជ្ឈិត្ថ តស្ស តត្ថ កុសលា ធម្មា ឧប្បជ្ជិត្ថាតិ?

សុទ្ធាវាសានំ ទុតិយេ អកុសលេ ចិត្តេ វត្តមានេ តេសំ តត្ថ អកុសលា ធម្មា និរុជ្ឈិត្ថ, នោ ច តេសំ តត្ថ កុសលា ធម្មា ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អកុសលា ច ធម្មា និរុជ្ឈិត្ថ កុសលា ច ធម្មា ឧប្បជ្ជិត្ថ.

(ក) យស្ស យត្ថ កុសលា ធម្មា ឧប្បជ្ជិត្ថ តស្ស តត្ថ អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិត្ថ តស្ស តត្ថ កុសលា ធម្មា ឧប្បជ្ជិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិត្ថ, នោ ច តេសំ តត្ថ កុសលា ធម្មា ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា និរុជ្ឈិត្ថ កុសលា ច ធម្មា ឧប្បជ្ជិត្ថ.

១៨០. (ក) យស្ស យត្ថ អកុសលា ធម្មា ឧប្បជ្ជិត្ថ តស្ស តត្ថ អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិត្ថ តស្ស តត្ថ អកុសលា ធម្មា ឧប្បជ្ជិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិត្ថ, នោ ច តេសំ តត្ថ អកុសលា ធម្មា ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា និរុជ្ឈិត្ថ អកុសលា ច ធម្មា ឧប្បជ្ជិត្ថ.

(ឃ) បច្ចនីកបុគ្គលោ

១៨១. (ក) យស្ស កុសលា ធម្មា ន ឧប្បជ្ជិត្ថ តស្ស អកុសលា ធម្មា ន និរុជ្ឈិត្ថាតិ? នត្ថិ.

(ខ) យស្ស វា បន អកុសលា ធម្មា ន និរុជ្ឈិត្ថ តស្ស កុសលា ធម្មា ន ឧប្បជ្ជិត្ថាតិ? នត្ថិ.

(ក) យស្ស កុសលា ធម្មា ន ឧប្បជ្ជិត្ថ តស្ស អព្យាកតា ធម្មា ន និរុជ្ឈិត្ថាតិ? នត្ថិ.

(ខ) យស្ស វា បន អព្យាកតា ធម្មា ន និរុជ្ឈិត្ថ តស្ស កុសលា ធម្មា ន ឧប្បជ្ជិត្ថាតិ? នត្ថិ.

១៨២. (ក) យស្ស អកុសលា ធម្មា ន ឧប្បជ្ជិត្ថ តស្ស អព្យាកតា ធម្មា ន និរុជ្ឈិត្ថាតិ? នត្ថិ.

(ខ) យស្ស វា បន អព្យាកតា ធម្មា ន និរុជ្ឈិត្ថ តស្ស អកុសលា ធម្មា ន ឧប្បជ្ជិត្ថាតិ? នត្ថិ.

(ង) បច្ចនីកឱកាសោ

១៨៣. (ក) យត្ថ កុសលា ធម្មា ន ឧប្បជ្ជិត្ថ តត្ថ អកុសលា ធម្មា ន និរុជ្ឈិត្ថាតិ? អាមន្តា.

(ខ) យត្ថ វា បន អកុសលា ធម្មា ន និរុជ្ឈិត្ថ តត្ថ កុសលា ធម្មា ន ឧប្បជ្ជិត្ថាតិ? អាមន្តា.

(ក) យត្ថ កុសលា ធម្មា ន ឧប្បជ្ជិត្ថ តត្ថ អព្យាកតា ធម្មា ន និរុជ្ឈិត្ថាតិ? និរុជ្ឈិត្ថ.

(ខ) យត្ថ វា បន អព្យាកតា ធម្មា ន និរុជ្ឈិត្ថ តត្ថ កុសលា ធម្មា ន ឧប្បជ្ជិត្ថាតិ? នត្ថិ.

១៨៤. (ក) យត្ថ អកុសលា ធម្មា ន ឧប្បជ្ជិត្ថ តត្ថ អព្យាកតា ធម្មា ន និរុជ្ឈិត្ថាតិ? និរុជ្ឈិត្ថ.

(ខ) យត្ថ វា បន អព្យាកតា ធម្មា ន និរុជ្ឈិត្ថ តត្ថ អកុសលា ធម្មា ន ឧប្បជ្ជិត្ថាតិ? នត្ថិ.

(ច) បច្ចនីកបុគ្គលោកាសា

១៨៥. (ក) យស្ស យត្ថ កុសលា ធម្មា ន ឧប្បជ្ជិត្ថ តស្ស តត្ថ អកុសលា ធម្មា ន និរុជ្ឈិត្ថាតិ?

សុទ្ធាវាសានំ ទុតិយេ អកុសលេ ចិត្តេ វត្តមានេ តេសំ តត្ថ កុសលា ធម្មា ន ឧប្បជ្ជិត្ថ, នោ ច តេសំ តត្ថ អកុសលា ធម្មា ន និរុជ្ឈិត្ថ. សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ កុសលា ច ធម្មា ន ឧប្បជ្ជិត្ថ អកុសលា ច ធម្មា ន និរុជ្ឈិត្ថ.

(ខ) យស្ស វា បន យត្ថ អកុសលា ធម្មា ន និរុជ្ឈិត្ថ តស្ស តត្ថ កុសលា ធម្មា ន ឧប្បជ្ជិត្ថាតិ? អាមន្តា.

(ក) យស្ស យត្ថ កុសលា ធម្មា ន ឧប្បជ្ជិត្ថ តស្ស តត្ថ អព្យាកតា ធម្មា ន និរុជ្ឈិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ កុសលា ធម្មា ន ឧប្បជ្ជិត្ថ, នោ ច តេសំ តត្ថ អព្យាកតា ធម្មា ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ កុសលា ច ធម្មា ន ឧប្បជ្ជិត្ថ អព្យាកតា ច ធម្មា ន និរុជ្ឈិត្ថ.

(ខ) យស្ស វា បន យត្ថ អព្យាកតា ធម្មា ន និរុជ្ឈិត្ថ តស្ស តត្ថ កុសលា ធម្មា ន ឧប្បជ្ជិត្ថាតិ? អាមន្តា.

១៨៦. (ក) យស្ស យត្ថ អកុសលា ធម្មា ន ឧប្បជ្ជិត្ថ តស្ស តត្ថ អព្យាកតា ធម្មា ន និរុជ្ឈិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អកុសលា ធម្មា ន ឧប្បជ្ជិត្ថ, នោ ច តេសំ តត្ថ អព្យាកតា ធម្មា ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ អកុសលា ច ធម្មា ន ឧប្បជ្ជិត្ថ អព្យាកតា ច ធម្មា ន និរុជ្ឈិត្ថ.

(ខ) យស្ស វា បន យត្ថ អព្យាកតា ធម្មា ន និរុជ្ឈិត្ថ តស្ស តត្ថ អកុសលា ធម្មា ន ឧប្បជ្ជិត្ថាតិ? អាមន្តា.