(១) បច្ចុប្បន្នវារោ

(ក) អនុលោមបុគ្គលោ

៣៣. (ក) យស្ស កុសលា ធម្មា ឧប្បជ្ជន្តិ តស្ស អកុសលា ធម្មា ឧប្បជ្ជន្តីតិ? នោ.

(ខ) យស្ស វា បន អកុសលា ធម្មា ឧប្បជ្ជន្តិ តស្ស កុសលា ធម្មា ឧប្បជ្ជន្តីតិ? នោ.

(ក) យស្ស កុសលា ធម្មា ឧប្បជ្ជន្តិ តស្ស អព្យាកតា ធម្មា ឧប្បជ្ជន្តីតិ?

អរូបេ កុសលានំ ឧប្បាទក្ខណេ តេសំ កុសលា ធម្មា ឧប្បជ្ជន្តិ, នោ ច តេសំ អព្យាកតា ធម្មា ឧប្បជ្ជន្តិ. បញ្ចវោការេ កុសលានំ ឧប្បាទក្ខណេ តេសំ កុសលា ច ធម្មា ឧប្បជ្ជន្តិ អព្យាកតា ច ធម្មា ឧប្បជ្ជន្តិ.

(ខ) យស្ស វា បន អព្យាកតា ធម្មា ឧប្បជ្ជន្តិ តស្ស កុសលា ធម្មា ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ កុសលវិប្បយុត្តចិត្តស្ស ឧប្បាទក្ខណេ តេសំ អព្យាកតា ធម្មា ឧប្បជ្ជន្តិ, នោ ច តេសំ កុសលា ធម្មា ឧប្បជ្ជន្តិ. បញ្ចវោការេ កុសលានំ ឧប្បាទក្ខណេ តេសំ អព្យាកតា ច ធម្មា ឧប្បជ្ជន្តិ កុសលា ច ធម្មា ឧប្បជ្ជន្តិ.

៣៤. (ក) យស្ស អកុសលា ធម្មា ឧប្បជ្ជន្តិ តស្ស អព្យាកតា ធម្មា ឧប្បជ្ជន្តីតិ?

អរូបេ អកុសលានំ ឧប្បាទក្ខណេ តេសំ អកុសលា ធម្មា ឧប្បជ្ជន្តិ, នោ ច តេសំ អព្យាកតា ធម្មា ឧប្បជ្ជន្តិ. បញ្ចវោការេ អកុសលានំ ឧប្បាទក្ខណេ តេសំ អកុសលា ច ធម្មា ឧប្បជ្ជន្តិ អព្យាកតា ច ធម្មា ឧប្បជ្ជន្តិ.

(ខ) យស្ស វា បន អព្យាកតា ធម្មា ឧប្បជ្ជន្តិ តស្ស អកុសលា ធម្មា ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ អកុសលវិប្បយុត្តចិត្តស្ស ឧប្បាទក្ខណេ តេសំ អព្យាកតា ធម្មា ឧប្បជ្ជន្តិ, នោ ច តេសំ អកុសលា ធម្មា ឧប្បជ្ជន្តិ. បញ្ចវោការេ អកុសលានំ ឧប្បាទក្ខណេ តេសំ អព្យាកតា ច ធម្មា ឧប្បជ្ជន្តិ អកុសលា ច ធម្មា ឧប្បជ្ជន្តិ.

(ខ) អនុលោមឱកាសោ

៣៥. (ក) យត្ថ កុសលា ធម្មា ឧប្បជ្ជន្តិ តត្ថ អកុសលា ធម្មា ឧប្បជ្ជន្តីតិ? អាមន្តា.

(ខ) យត្ថ វា បន អកុសលា ធម្មា ឧប្បជ្ជន្តិ តត្ថ កុសលា ធម្មា ឧប្បជ្ជន្តីតិ? អាមន្តា.

(ក) យត្ថ កុសលា ធម្មា ឧប្បជ្ជន្តិ តត្ថ អព្យាកតា ធម្មា ឧប្បជ្ជន្តីតិ? អាមន្តា.

(ខ) យត្ថ វា បន អព្យាកតា ធម្មា ឧប្បជ្ជន្តិ តត្ថ កុសលា ធម្មា ឧប្បជ្ជន្តីតិ?

អសញ្ញសត្តេ តត្ថ អព្យាកតា ធម្មា ឧប្បជ្ជន្តិ, នោ ច តត្ថ កុសលា ធម្មា ឧប្បជ្ជន្តិ. ចតុវោការេ បញ្ចវោការេ តត្ថ អព្យាកតា ច ធម្មា ឧប្បជ្ជន្តិ កុសលា ច ធម្មា ឧប្បជ្ជន្តិ.

៣៦. (ក) យត្ថ អកុសលា ធម្មា ឧប្បជ្ជន្តិ តត្ថ អព្យាកតា ធម្មា ឧប្បជ្ជន្តីតិ? អាមន្តា.

(ខ) យត្ថ វា បន អព្យាកតា ធម្មា ឧប្បជ្ជន្តិ តត្ថ អកុសលា ធម្មា ឧប្បជ្ជន្តីតិ?

អសញ្ញសត្តេ តត្ថ អព្យាកតា ធម្មា ឧប្បជ្ជន្តិ, នោ ច តត្ថ អកុសលា ធម្មា ឧប្បជ្ជន្តិ. ចតុវោការេ បញ្ចវោការេ តត្ថ អព្យាកតា ច ធម្មា ឧប្បជ្ជន្តិ អកុសលា ច ធម្មា ឧប្បជ្ជន្តិ.

(គ) អនុលោមបុគ្គលោកាសា

៣៧. (ក) យស្ស យត្ថ កុសលា ធម្មា ឧប្បជ្ជន្តិ តស្ស តត្ថ អកុសលា ធម្មា ឧប្បជ្ជន្តីតិ? នោ.

(ខ) យស្ស វា បន យត្ថ អកុសលា ធម្មា ឧប្បជ្ជន្តិ តស្ស តត្ថ កុសលា ធម្មា ឧប្បជ្ជន្តីតិ? នោ.

(ក) យស្ស យត្ថ កុសលា ធម្មា ឧប្បជ្ជន្តិ តស្ស តត្ថ អព្យាកតា ធម្មា ឧប្បជ្ជន្តីតិ?

អរូបេ កុសលានំ ឧប្បាទក្ខណេ តេសំ តត្ថ កុសលា ធម្មា ឧប្បជ្ជន្តិ, នោ ច តេសំ តត្ថ អព្យាកតា ធម្មា ឧប្បជ្ជន្តិ. បញ្ចវោការេ កុសលានំ ឧប្បាទក្ខណេ តេសំ តត្ថ កុសលា ច ធម្មា ឧប្បជ្ជន្តិ អព្យាកតា ច ធម្មា ឧប្បជ្ជន្តិ.

(ខ) យស្ស វា បន យត្ថ អព្យាកតា ធម្មា ឧប្បជ្ជន្តិ តស្ស តត្ថ កុសលា ធម្មា ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ កុសលវិប្បយុត្តចិត្តស្ស ឧប្បាទក្ខណេ តេសំ តត្ថ អព្យាកតា ធម្មា ឧប្បជ្ជន្តិ, នោ ច តេសំ តត្ថ កុសលា ធម្មា ឧប្បជ្ជន្តិ. បញ្ចវោការេ កុសលានំ ឧប្បាទក្ខណេ តេសំ តត្ថ អព្យាកតា ច ធម្មា ឧប្បជ្ជន្តិ កុសលា ច ធម្មា ឧប្បជ្ជន្តិ.

៣៨. (ក) យស្ស យត្ថ អកុសលា ធម្មា ឧប្បជ្ជន្តិ តស្ស តត្ថ អព្យាកតា ធម្មា ឧប្បជ្ជន្តីតិ?

អរូបេ អកុសលានំ ឧប្បាទក្ខណេ តេសំ តត្ថ អកុសលា ធម្មា ឧប្បជ្ជន្តិ, នោ ច តេសំ តត្ថ អព្យាកតា ធម្មា ឧប្បជ្ជន្តិ. បញ្ចវោការេ អកុសលានំ ឧប្បាទក្ខណេ តេសំ តត្ថ អកុសលា ច ធម្មា ឧប្បជ្ជន្តិ អព្យាកតា ច ធម្មា ឧប្បជ្ជន្តិ.

(ខ) យស្ស វា បន យត្ថ អព្យាកតា ធម្មា ឧប្បជ្ជន្តិ តស្ស តត្ថ អកុសលា ធម្មា ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ អកុសលវិប្បយុត្តចិត្តស្ស ឧប្បាទក្ខណេ តេសំ តត្ថ អព្យាកតា ធម្មា ឧប្បជ្ជន្តិ, នោ ច តេសំ តត្ថ អកុសលា ធម្មា ឧប្បជ្ជន្តិ. បញ្ចវោការេ អកុសលានំ ឧប្បាទក្ខណេ តេសំ តត្ថ អព្យាកតា ច ធម្មា ឧប្បជ្ជន្តិ អកុសលា ច ធម្មា ឧប្បជ្ជន្តិ.

(ឃ) បច្ចនីកបុគ្គលោ

៣៩. (ក) យស្ស កុសលា ធម្មា ន ឧប្បជ្ជន្តិ តស្ស អកុសលា ធម្មា ន ឧប្បជ្ជន្តីតិ?

អកុសលានំ ឧប្បាទក្ខណេ តេសំ កុសលា ធម្មា ន ឧប្បជ្ជន្តិ, នោ ច តេសំ អកុសលា ធម្មា ន ឧប្បជ្ជន្តិ. សព្ពេសំ ចិត្តស្ស ភង្គក្ខណេ កុសលវិប្បយុត្តអកុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ កុសលា ច ធម្មា ន ឧប្បជ្ជន្តិ អកុសលា ច ធម្មា ន ឧប្បជ្ជន្តិ.

(ខ) យស្ស វា បន អកុសលា ធម្មា ន ឧប្បជ្ជន្តិ តស្ស កុសលា ធម្មា ន ឧប្បជ្ជន្តីតិ?

កុសលានំ ឧប្បាទក្ខណេ តេសំ អកុសលា ធម្មា ន ឧប្បជ្ជន្តិ, នោ ច តេសំ កុសលា ធម្មា ន ឧប្បជ្ជន្តិ. សព្ពេសំ ចិត្តស្ស ភង្គក្ខណេ អកុសលវិប្បយុត្តកុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ អកុសលា ច ធម្មា ន ឧប្បជ្ជន្តិ កុសលា ច ធម្មា ន ឧប្បជ្ជន្តិ.

(ក) យស្ស កុសលា ធម្មា ន ឧប្បជ្ជន្តិ តស្ស អព្យាកតា ធម្មា ន ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ កុសលវិប្បយុត្តចិត្តស្ស ឧប្បាទក្ខណេ តេសំ កុសលា ធម្មា ន ឧប្បជ្ជន្តិ, នោ ច តេសំ អព្យាកតា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ អកុសលានំ ឧប្បាទក្ខណេ តេសំ កុសលា ច ធម្មា ន ឧប្បជ្ជន្តិ អព្យាកតា ច ធម្មា ន ឧប្បជ្ជន្តិ.

(ខ) យស្ស វា បន អព្យាកតា ធម្មា ន ឧប្បជ្ជន្តិ តស្ស កុសលា ធម្មា ន ឧប្បជ្ជន្តីតិ?

អរូបេ កុសលានំ ឧប្បាទក្ខណេ តេសំ អព្យាកតា ធម្មា ន ឧប្បជ្ជន្តិ, នោ ច តេសំ កុសលា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ អកុសលានំ ឧប្បាទក្ខណេ តេសំ អព្យាកតា ច ធម្មា ន ឧប្បជ្ជន្តិ កុសលា ច ធម្មា ន ឧប្បជ្ជន្តិ.

៤០. (ក) យស្ស អកុសលា ធម្មា ន ឧប្បជ្ជន្តិ តស្ស អព្យាកតា ធម្មា ន ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ អកុសលវិប្បយុត្តចិត្តស្ស ឧប្បាទក្ខណេ តេសំ អកុសលា ធម្មា ន ឧប្បជ្ជន្តិ, នោ ច តេសំ អព្យាកតា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ កុសលានំ ឧប្បាទក្ខណេ តេសំ អកុសលា ច ធម្មា ន ឧប្បជ្ជន្តិ អព្យាកតា ច ធម្មា ន ឧប្បជ្ជន្តិ.

(ខ) យស្ស វា បន អព្យាកតា ធម្មា ន ឧប្បជ្ជន្តិ តស្ស អកុសលា ធម្មា ន ឧប្បជ្ជន្តីតិ?

អរូបេ អកុសលានំ ឧប្បាទក្ខណេ តេសំ អព្យាកតា ធម្មា ន ឧប្បជ្ជន្តិ, នោ ច តេសំ អកុសលា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ កុសលានំ ឧប្បាទក្ខណេ តេសំ អព្យាកតា ច ធម្មា ន ឧប្បជ្ជន្តិ អកុសលា ច ធម្មា ន ឧប្បជ្ជន្តិ.

(ង) បច្ចនីកឱកាសោ

៤១. (ក) យត្ថ កុសលា ធម្មា ន ឧប្បជ្ជន្តិ តត្ថ អកុសលា ធម្មា ន ឧប្បជ្ជន្តីតិ? អាមន្តា.

(ខ) យត្ថ វា បន អកុសលា ធម្មា ន ឧប្បជ្ជន្តិ តត្ថ កុសលា ធម្មា ន ឧប្បជ្ជន្តីតិ? អាមន្តា.

(ក) យត្ថ កុសលា ធម្មា ន ឧប្បជ្ជន្តិ តត្ថ អព្យាកតា ធម្មា ន ឧប្បជ្ជន្តីតិ? ឧប្បជ្ជន្តិ.

(ខ) យត្ថ វា បន អព្យាកតា ធម្មា ន ឧប្បជ្ជន្តិ តត្ថ កុសលា ធម្មា ន ឧប្បជ្ជន្តីតិ? នត្ថិ.

៤២. (ក) យត្ថ អកុសលា ធម្មា ន ឧប្បជ្ជន្តិ តត្ថ អព្យាកតា ធម្មា ន ឧប្បជ្ជន្តីតិ? ឧប្បជ្ជន្តិ.

(ខ) យត្ថ វា បន អព្យាកតា ធម្មា ន ឧប្បជ្ជន្តិ តត្ថ អកុសលា ធម្មា ន ឧប្បជ្ជន្តីតិ? នត្ថិ.

(ច) បច្ចនីកបុគ្គលោកាសា

៤៣. (ក) យស្ស យត្ថ កុសលា ធម្មា ន ឧប្បជ្ជន្តិ តស្ស តត្ថ អកុសលា ធម្មា ន ឧប្បជ្ជន្តីតិ?

អកុសលានំ ឧប្បាទក្ខណេ តេសំ តត្ថ កុសលា ធម្មា ន ឧប្បជ្ជន្តិ, នោ ច តេសំ តត្ថ អកុសលា ធម្មា ន ឧប្បជ្ជន្តិ. សព្ពេសំ ចិត្តស្ស ភង្គក្ខណេ កុសលវិប្បយុត្តអកុសលវិប្បយុត្តចិត្តស្ស ឧប្បាទក្ខណេ អសញ្ញសត្តានំ តេសំ តត្ថ កុសលា ច ធម្មា ន ឧប្បជ្ជន្តិ អកុសលា ច ធម្មា ន ឧប្បជ្ជន្តិ.

(ខ) យស្ស វា បន យត្ថ អកុសលា ធម្មា ន ឧប្បជ្ជន្តិ តស្ស តត្ថ កុសលា ធម្មា ន ឧប្បជ្ជន្តីតិ?

កុសលានំ ឧប្បាទក្ខណេ តេសំ តត្ថ អកុសលា ធម្មា ន ឧប្បជ្ជន្តិ, នោ ច តេសំ តត្ថ កុសលា ធម្មា ន ឧប្បជ្ជន្តិ. សព្ពេសំ ចិត្តស្ស ភង្គក្ខណេ អកុសលវិប្បយុត្តកុសលវិប្បយុត្តចិត្តស្ស ឧប្បាទក្ខណេ អសញ្ញសត្តានំ តេសំ តត្ថ អកុសលា ច ធម្មា ន ឧប្បជ្ជន្តិ កុសលា ច ធម្មា ន ឧប្បជ្ជន្តិ.

(ក) យស្ស យត្ថ កុសលា ធម្មា ន ឧប្បជ្ជន្តិ តស្ស តត្ថ អព្យាកតា ធម្មា ន ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ កុសលវិប្បយុត្តចិត្តស្ស ឧប្បាទក្ខណេ តេសំ តត្ថ កុសលា ធម្មា ន ឧប្បជ្ជន្តិ, នោ ច តេសំ តត្ថ អព្យាកតា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ អកុសលានំ ឧប្បាទក្ខណេ តេសំ តត្ថ កុសលា ច ធម្មា ន ឧប្បជ្ជន្តិ អព្យាកតា ច ធម្មា ន ឧប្បជ្ជន្តិ.

(ខ) យស្ស វា បន យត្ថ អព្យាកតា ធម្មា ន ឧប្បជ្ជន្តិ តស្ស តត្ថ កុសលា ធម្មា ន ឧប្បជ្ជន្តីតិ?

អរូបេ កុសលានំ ឧប្បាទក្ខណេ តេសំ តត្ថ អព្យាកតា ធម្មា ន ឧប្បជ្ជន្តិ, នោ ច តេសំ តត្ថ កុសលា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ អកុសលានំ ឧប្បាទក្ខណេ តេសំ តត្ថ អព្យាកតា ច ធម្មា ន ឧប្បជ្ជន្តិ កុសលា ច ធម្មា ន ឧប្បជ្ជន្តិ.

៤៤. (ក) យស្ស យត្ថ អកុសលា ធម្មា ន ឧប្បជ្ជន្តិ តស្ស តត្ថ អព្យាកតា ធម្មា ន ឧប្បជ្ជន្តីតិ?

សព្ពេសំ ឧបបជ្ជន្តានំ បវត្តេ អកុសលវិប្បយុត្តចិត្តស្ស ឧប្បាទក្ខណេ តេសំ តត្ថ អកុសលា ធម្មា ន ឧប្បជ្ជន្តិ, នោ ច តេសំ តត្ថ អព្យាកតា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ កុសលានំ ឧប្បាទក្ខណេ តេសំ តត្ថ អកុសលា ច ធម្មា ន ឧប្បជ្ជន្តិ អព្យាកតា ច ធម្មា ន ឧប្បជ្ជន្តិ.

(ខ) យស្ស វា បន យត្ថ អព្យាកតា ធម្មា ន ឧប្បជ្ជន្តិ តស្ស តត្ថ អកុសលា ធម្មា ន ឧប្បជ្ជន្តីតិ?

អរូបេ អកុសលានំ ឧប្បាទក្ខណេ តេសំ តត្ថ អព្យាកតា ធម្មា ន ឧប្បជ្ជន្តិ, នោ ច តេសំ តត្ថ អកុសលា ធម្មា ន ឧប្បជ្ជន្តិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ អរូបេ កុសលានំ ឧប្បាទក្ខណេ តេសំ តត្ថ អព្យាកតា ច ធម្មា ន ឧប្បជ្ជន្តិ អកុសលា ច ធម្មា ន ឧប្បជ្ជន្តិ.