(២) អតីតវារោ

(ក) អនុលោមបុគ្គលោ

៤៥. (ក) យស្ស កុសលា ធម្មា ឧប្បជ្ជិត្ថ តស្ស អកុសលា ធម្មា ឧប្បជ្ជិត្ថាតិ? អាមន្តា.

(ខ) យស្ស វា បន អកុសលា ធម្មា ឧប្បជ្ជិត្ថ តស្ស កុសលា ធម្មា ឧប្បជ្ជិត្ថាតិ? អាមន្តា.

(ក) យស្ស កុសលា ធម្មា ឧប្បជ្ជិត្ថ តស្ស អព្យាកតា ធម្មា ឧប្បជ្ជិត្ថាតិ? អាមន្តា.

(ខ) យស្ស វា បន អព្យាកតា ធម្មា ឧប្បជ្ជិត្ថ តស្ស កុសលា ធម្មា ឧប្បជ្ជិត្ថាតិ? អាមន្តា.

៤៦. (ក) យស្ស អកុសលា ធម្មា ឧប្បជ្ជិត្ថ តស្ស អព្យាកតា ធម្មា ឧប្បជ្ជិត្ថាតិ? អាមន្តា.

(ខ) យស្ស វា បន អព្យាកតា ធម្មា ឧប្បជ្ជិត្ថ តស្ស អកុសលា ធម្មា ឧប្បជ្ជិត្ថាតិ? អាមន្តា.

(ខ) អនុលោមឱកាសោ

៤៧. (ក) យត្ថ កុសលា ធម្មា ឧប្បជ្ជិត្ថ តត្ថ អកុសលា ធម្មា ឧប្បជ្ជិត្ថាតិ? អាមន្តា.

(ខ) យត្ថ វា បន អកុសលា ធម្មា ឧប្បជ្ជិត្ថ តត្ថ កុសលា ធម្មា ឧប្បជ្ជិត្ថាតិ? អាមន្តា.

(ក) យត្ថ កុសលា ធម្មា ឧប្បជ្ជិត្ថ តត្ថ អព្យាកតា ធម្មា ឧប្បជ្ជិត្ថាតិ? អាមន្តា.

(ខ) យត្ថ វា បន អព្យាកតា ធម្មា ឧប្បជ្ជិត្ថ តត្ថ កុសលា ធម្មា ឧប្បជ្ជិត្ថាតិ?

អសញ្ញសត្តេ តត្ថ អព្យាកតា ធម្មា ឧប្បជ្ជិត្ថ, នោ ច តត្ថ កុសលា ធម្មា ឧប្បជ្ជិត្ថ. ចតុវោការេ បញ្ចវោការេ តត្ថ អព្យាកតា ច ធម្មា ឧប្បជ្ជិត្ថ កុសលា ច ធម្មា ឧប្បជ្ជិត្ថ.

៤៨. (ក) យត្ថ អកុសលា ធម្មា ឧប្បជ្ជិត្ថ តត្ថ អព្យាកតា ធម្មា ឧប្បជ្ជិត្ថាតិ? អាមន្តា.

(ខ) យត្ថ វា បន អព្យាកតា ធម្មា ឧប្បជ្ជិត្ថ តត្ថ អកុសលា ធម្មា ឧប្បជ្ជិត្ថាតិ?

អសញ្ញសត្តេ តត្ថ អព្យាកតា ធម្មា ឧប្បជ្ជិត្ថ, នោ ច តត្ថ អកុសលា ធម្មា ឧប្បជ្ជិត្ថ. ចតុវោការេ បញ្ចវោការេ តត្ថ អព្យាកតា ច ធម្មា ឧប្បជ្ជិត្ថ អកុសលា ច ធម្មា ឧប្បជ្ជិត្ថ.

(គ) អនុលោមបុគ្គលោកាសា

៤៩. (ក) យស្ស យត្ថ កុសលា ធម្មា ឧប្បជ្ជិត្ថ តស្ស តត្ថ អកុសលា ធម្មា ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ អកុសលា ធម្មា ឧប្បជ្ជិត្ថ តស្ស តត្ថ កុសលា ធម្មា ឧប្បជ្ជិត្ថាតិ?

សុទ្ធាវាសានំ ទុតិយេ អកុសលេ ចិត្តេ វត្តមានេ តេសំ តត្ថ អកុសលា ធម្មា ឧប្បជ្ជិត្ថ, នោ ច តេសំ តត្ថ កុសលា ធម្មា ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អកុសលា ច ធម្មា ឧប្បជ្ជិត្ថ កុសលា ច ធម្មា ឧប្បជ្ជិត្ថ.

(ក) យស្ស យត្ថ កុសលា ធម្មា ឧប្បជ្ជិត្ថ តស្ស តត្ថ អព្យាកតា ធម្មា ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ អព្យាកតា ធម្មា ឧប្បជ្ជិត្ថ តស្ស តត្ថ កុសលា ធម្មា ឧប្បជ្ជិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អព្យាកតា ធម្មា ឧប្បជ្ជិត្ថ, នោ ច តេសំ តត្ថ កុសលា ធម្មា ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា ឧប្បជ្ជិត្ថ កុសលា ច ធម្មា ឧប្បជ្ជិត្ថ.

៥០. (ក) យស្ស យត្ថ អកុសលា ធម្មា ឧប្បជ្ជិត្ថ តស្ស តត្ថ អព្យាកតា ធម្មា ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ អព្យាកតា ធម្មា ឧប្បជ្ជិត្ថ តស្ស តត្ថ អកុសលា ធម្មា ឧប្បជ្ជិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អព្យាកតា ធម្មា ឧប្បជ្ជិត្ថ, នោ ច តេសំ តត្ថ អកុសលា ធម្មា ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា ឧប្បជ្ជិត្ថ អកុសលា ច ធម្មា ឧប្បជ្ជិត្ថ.

(ឃ) បច្ចនីកបុគ្គលោ

៥១. (ក) យស្ស កុសលា ធម្មា ន ឧប្បជ្ជិត្ថ តស្ស អកុសលា ធម្មា ន ឧប្បជ្ជិត្ថាតិ? នត្ថិ.

(ខ) យស្ស វា បន អកុសលា ធម្មា ន ឧប្បជ្ជិត្ថ តស្ស កុសលា ធម្មា ន ឧប្បជ្ជិត្ថាតិ? នត្ថិ.

(ក) យស្ស កុសលា ធម្មា ន ឧប្បជ្ជិត្ថ តស្ស អព្យាកតា ធម្មា ន ឧប្បជ្ជិត្ថាតិ? នត្ថិ.

(ខ) យស្ស វា បន អព្យាកតា ធម្មា ន ឧប្បជ្ជិត្ថ តស្ស កុសលា ធម្មា ន ឧប្បជ្ជិត្ថាតិ? នត្ថិ.

៥២. (ក) យស្ស អកុសលា ធម្មា ន ឧប្បជ្ជិត្ថ តស្ស អព្យាកតា ធម្មា ន ឧប្បជ្ជិត្ថាតិ? នត្ថិ.

(ខ) យស្ស វា បន អព្យាកតា ធម្មា ន ឧប្បជ្ជិត្ថ តស្ស អកុសលា ធម្មា ន ឧប្បជ្ជិត្ថាតិ? នត្ថិ.

(ង) បច្ចនីកឱកាសោ

៥៣. (ក) យត្ថ កុសលា ធម្មា ន ឧប្បជ្ជិត្ថ តត្ថ អកុសលា ធម្មា ន ឧប្បជ្ជិត្ថាតិ? អាមន្តា.

(ខ) យត្ថ វា បន អកុសលា ធម្មា ន ឧប្បជ្ជិត្ថ តត្ថ កុសលា ធម្មា ន ឧប្បជ្ជិត្ថាតិ? អាមន្តា.

(ក) យត្ថ កុសលា ធម្មា ន ឧប្បជ្ជិត្ថ តត្ថ អព្យាកតា ធម្មា ន ឧប្បជ្ជិត្ថាតិ? ឧប្បជ្ជិត្ថ.

(ខ) យត្ថ វា បន អព្យាកតា ធម្មា ន ឧប្បជ្ជិត្ថ តត្ថ កុសលា ធម្មា ន ឧប្បជ្ជិត្ថាតិ? នត្ថិ.

៥៤. (ក) យត្ថ អកុសលា ធម្មា ន ឧប្បជ្ជិត្ថ តត្ថ អព្យាកតា ធម្មា ន ឧប្បជ្ជិត្ថាតិ? ឧប្បជ្ជិត្ថ.

(ខ) យត្ថ វា បន អព្យាកតា ធម្មា ន ឧប្បជ្ជិត្ថ តត្ថ អកុសលា ធម្មា ន ឧប្បជ្ជិត្ថាតិ? នត្ថិ.

(ច) បច្ចនីកបុគ្គលោកាសា

៥៥. (ក) យស្ស យត្ថ កុសលា ធម្មា ន ឧប្បជ្ជិត្ថ តស្ស តត្ថ អកុសលា ធម្មា ន ឧប្បជ្ជិត្ថាតិ?

សុទ្ធាវាសានំ ទុតិយេ អកុសលេ ចិត្តេ វត្តមានេ តេសំ តត្ថ កុសលា ធម្មា ន ឧប្បជ្ជិត្ថ, នោ ច តេសំ តត្ថ អកុសលា ធម្មា ន ឧប្បជ្ជិត្ថ. សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ កុសលា ច ធម្មា ន ឧប្បជ្ជិត្ថ អកុសលា ច ធម្មា ន ឧប្បជ្ជិត្ថ.

(ខ) យស្ស វា បន យត្ថ អកុសលា ធម្មា ន ឧប្បជ្ជិត្ថ តស្ស តត្ថ កុសលា ធម្មា ន ឧប្បជ្ជិត្ថាតិ? អាមន្តា.

(ក) យស្ស យត្ថ កុសលា ធម្មា ន ឧប្បជ្ជិត្ថ តស្ស តត្ថ អព្យាកតា ធម្មា ន ឧប្បជ្ជិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ កុសលា ធម្មា ន ឧប្បជ្ជិត្ថ, នោ ច តេសំ តត្ថ អព្យាកតា ធម្មា ន ឧប្បជ្ជិត្ថ. សុទ្ធាវាសំ ឧបបជ្ជន្តានំ តេសំ តត្ថ កុសលា ច ធម្មា ន ឧប្បជ្ជិត្ថ អព្យាកតា ច ធម្មា ន ឧប្បជ្ជិត្ថ.

(ខ) យស្ស វា បន យត្ថ អព្យាកតា ធម្មា ន ឧប្បជ្ជិត្ថ តស្ស តត្ថ កុសលា ធម្មា ន ឧប្បជ្ជិត្ថាតិ? អាមន្តា.

៥៦. (ក) យស្ស យត្ថ អកុសលា ធម្មា ន ឧប្បជ្ជិត្ថ តស្ស តត្ថ អព្យាកតា ធម្មា ន ឧប្បជ្ជិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អកុសលា ធម្មា ន ឧប្បជ្ជិត្ថ, នោ ច តេសំ តត្ថ អព្យាកតា ធម្មា ន ឧប្បជ្ជិត្ថ. សុទ្ធាវាសំ ឧបបជ្ជន្តានំ តេសំ តត្ថ អកុសលា ច ធម្មា ន ឧប្បជ្ជិត្ថ អព្យាកតា ច ធម្មា ន ឧប្បជ្ជិត្ថ.

(ខ) យស្ស វា បន យត្ថ អព្យាកតា ធម្មា ន ឧប្បជ្ជិត្ថ តស្ស តត្ថ អកុសលា ធម្មា ន ឧប្បជ្ជិត្ថាតិ? អាមន្តា.