(១១) អតីតានាគតវារោ

៨០. (ក) យស្ស ចិត្តំ ឧប្បជ្ជិត្ថ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិស្សតីតិ? អាមន្តា.

(ខ) យស្ស វា បន ចិត្តំ ឧប្បជ្ជិស្សតិ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិត្ថាតិ? អាមន្តា.

(ក) យស្ស ចិត្តំ ន ឧប្បជ្ជិត្ថ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិស្សតីតិ? នត្ថិ.

(ខ) យស្ស វា បន ចិត្តំ ន ឧប្បជ្ជិស្សតិ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ.