(១) ឧប្បាទនិរោធកាលសម្ភេទវារោ

១០៥. (ក) យស្ស យំ ចិត្តំ ឧប្បជ្ជតិ ន និរុជ្ឈតិ តស្ស តំ ចិត្តំ និរុជ្ឈិស្សតិ ន ឧប្បជ្ជិស្សតីតិ? អាមន្តា.

(ខ) យស្ស វា បន យំ ចិត្តំ និរុជ្ឈិស្សតិ ន ឧប្បជ្ជិស្សតិ តស្ស តំ ចិត្តំ ឧប្បជ្ជតិ ន និរុជ្ឈតីតិ? អាមន្តា.

(ក) យស្ស យំ ចិត្តំ ន ឧប្បជ្ជតិ និរុជ្ឈតិ តស្ស តំ ចិត្តំ ន និរុជ្ឈិស្សតិ ឧប្បជ្ជិស្សតីតិ? នោ.

(ខ) យស្ស វា បន យំ ចិត្តំ ន និរុជ្ឈិស្សតិ ឧប្បជ្ជិស្សតិ តស្ស តំ ចិត្តំ ន ឧប្បជ្ជតិ និរុជ្ឈតីតិ? នត្ថិ.