(៧) ឧប្បជ្ជមាន-ននិរោធវារោ

៩៦. (ក) យំ ចិត្តំ ឧប្បជ្ជតិ តំ ចិត្តំ ន និរុជ្ឈតីតិ? អាមន្តា.

(ខ) យំ វា បន ចិត្តំ ន និរុជ្ឈតិ តំ ចិត្តំ ឧប្បជ្ជតីតិ?

អតីតានាគតំ ចិត្តំ ន និរុជ្ឈតិ, នោ ច តំ ចិត្តំ ឧប្បជ្ជតិ. ឧប្បាទក្ខណេ ចិត្តំ ន និរុជ្ឈតិ ចេវ ឧប្បជ្ជតិ ច.

(ក) យំ ចិត្តំ ន ឧប្បជ្ជតិ តំ ចិត្តំ និរុជ្ឈតីតិ?

អតីតានាគតំ ចិត្តំ ន ឧប្បជ្ជតិ, នោ ច តំ ចិត្តំ និរុជ្ឈតិ. ភង្គក្ខណេ ចិត្តំ ន ឧប្បជ្ជតិ ចេវ និរុជ្ឈតិ ច.

(ខ) យំ វា បន ចិត្តំ និរុជ្ឈតិ តំ ចិត្តំ ន ឧប្បជ្ជតីតិ? អាមន្តា.