២. បទសោធនមូលចក្កវារោ
(ក) អនុលោមំ
១០. (ក) កាយោ កាយសង្ខារោតិ? នោ.
(ខ) សង្ខារា វចីសង្ខារោតិ?
វចីសង្ខារោ សង្ខារោ ចេវ វចីសង្ខារោ ច. អវសេសា សង្ខារា [អវសេសា សង្ខារា សង្ខារា (សី. ស្យា. កំ.)] ន វចីសង្ខារោ.
(ក) កាយោ កាយសង្ខារោតិ? នោ.
(ខ) សង្ខារា ចិត្តសង្ខារោតិ?
ចិត្តសង្ខារោ សង្ខារោ ចេវ ចិត្តសង្ខារោ ច. អវសេសា សង្ខារា ន ចិត្តសង្ខារោ.
១១. (ក) វចី វចីសង្ខារោតិ? នោ.
(ខ) សង្ខារា កាយសង្ខារោតិ?
កាយសង្ខារោ សង្ខារោ ចេវ កាយសង្ខារោ ច. អវសេសា សង្ខារា ន កាយសង្ខារោ.
(ក) វចី វចីសង្ខារោតិ? នោ.
(ខ) សង្ខារា ចិត្តសង្ខារោតិ?
ចិត្តសង្ខារោ សង្ខារោ ចេវ ចិត្តសង្ខារោ ច. អវសេសា សង្ខារា ន ចិត្តសង្ខារោ.
១២. (ក) ចិត្តំ ចិត្តសង្ខារោតិ? នោ.
(ខ) សង្ខារា កាយសង្ខារោតិ?
កាយសង្ខារោ សង្ខារោ ចេវ កាយសង្ខារោ ច. អវសេសា សង្ខារា ន កាយសង្ខារោ.
(ក) ចិត្តំ ចិត្តសង្ខារោតិ? នោ.
(ខ) សង្ខារា វចីសង្ខារោតិ?
វចីសង្ខារោ សង្ខារោ ចេវ វចីសង្ខារោ ច. អវសេសា សង្ខារា ន វចីសង្ខារោ.
(ខ) បច្ចនីកំ
១៣. (ក) ន កាយោ ន កាយសង្ខារោតិ?
កាយសង្ខារោ ន កាយោ, កាយសង្ខារោ. កាយញ្ច កាយសង្ខារញ្ច ឋបេត្វា អវសេសា ន ចេវ កាយោ ន ច កាយសង្ខារោ.
(ខ) ន សង្ខារា ន វចីសង្ខារោតិ? អាមន្តា.
(ក) ន កាយោ ន កាយសង្ខារោតិ?
កាយសង្ខារោ ន កាយោ, កាយសង្ខារោ. កាយញ្ច កាយសង្ខារញ្ច ឋបេត្វា អវសេសា ន ចេវ កាយោ ន ច កាយសង្ខារោ.
(ខ) ន សង្ខារា ន ចិត្តសង្ខារោតិ? អាមន្តា.
១៤. (ក) ន វចី ន វចីសង្ខារោតិ?
វចីសង្ខារោ ន វចី, វចីសង្ខារោ. វចិញ្ច វចីសង្ខារញ្ច ឋបេត្វា អវសេសា ន ចេវ វចី ន ច វចីសង្ខារោ.
(ខ) ន សង្ខារា ន កាយសង្ខារោតិ? អាមន្តា.
(ក) ន វចី ន វចីសង្ខារោតិ?
វចីសង្ខារោ ន វចី, វចីសង្ខារោ. វចិញ្ច វចីសង្ខារញ្ច ឋបេត្វា អវសេសា ន ចេវ វចី ន ច វចីសង្ខារោ.
(ខ) ន សង្ខារា ន ចិត្តសង្ខារោតិ? អាមន្តា.
១៥. (ក) ន ចិត្តំ ន ចិត្តសង្ខារោតិ?
ចិត្តសង្ខារោ ន ចិត្តំ, ចិត្តសង្ខារោ. ចិត្តញ្ច ចិត្តសង្ខារញ្ច ឋបេត្វា អវសេសា ន ចេវ ចិត្តំ ន ច ចិត្តសង្ខារោ.
(ខ) ន សង្ខារា ន កាយសង្ខារោតិ? អាមន្តា.
(ក) ន ចិត្តំ ន ចិត្តសង្ខារោតិ?
ចិត្តសង្ខារោ ន ចិត្តំ, ចិត្តសង្ខារោ. ចិត្តញ្ច ចិត្តសង្ខារញ្ច ឋបេត្វា អវសេសា ន ចេវ ចិត្តំ ន ច ចិត្តសង្ខារោ.
(ខ) ន សង្ខារា ន វចីសង្ខារោតិ? អាមន្តា.