(៥) បច្ចុប្បន្នានាគតវារោ

(ក) អនុលោមបុគ្គលោ

១៤៨. (ក) យស្ស កាយសង្ខារោ ឧប្បជ្ជតិ តស្ស វចីសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន វចីសង្ខារោ និរុជ្ឈិស្សតិ តស្ស កាយសង្ខារោ ឧប្បជ្ជតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ វចីសង្ខារោ និរុជ្ឈិស្សតិ, នោ ច តេសំ កាយសង្ខារោ ឧប្បជ្ជតិ. អស្សាសបស្សាសានំ ឧប្បាទក្ខណេ តេសំ វចីសង្ខារោ ច និរុជ្ឈិស្សតិ កាយសង្ខារោ ច ឧប្បជ្ជតិ.

(ក) យស្ស កាយសង្ខារោ ឧប្បជ្ជតិ តស្ស ចិត្តសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន ចិត្តសង្ខារោ និរុជ្ឈិស្សតិ តស្ស កាយសង្ខារោ ឧប្បជ្ជតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ ចិត្តសង្ខារោ និរុជ្ឈិស្សតិ, នោ ច តេសំ កាយសង្ខារោ ឧប្បជ្ជតិ. អស្សាសបស្សាសានំ ឧប្បាទក្ខណេ តេសំ ចិត្តសង្ខារោ ច និរុជ្ឈិស្សតិ កាយសង្ខារោ ច ឧប្បជ្ជតិ.

១៤៩. (ក) យស្ស វចីសង្ខារោ ឧប្បជ្ជតិ តស្ស ចិត្តសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន ចិត្តសង្ខារោ និរុជ្ឈិស្សតិ តស្ស វចីសង្ខារោ ឧប្បជ្ជតីតិ?

សព្ពេសំ ចិត្តស្ស ភង្គក្ខណេ វិនា វិតក្កវិចារេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ ចិត្តសង្ខារោ និរុជ្ឈិស្សតិ, នោ ច តេសំ វចីសង្ខារោ ឧប្បជ្ជតិ. វិតក្កវិចារានំ ឧប្បាទក្ខណេ តេសំ ចិត្តសង្ខារោ ច និរុជ្ឈិស្សតិ វចីសង្ខារោ ច ឧប្បជ្ជតិ.

(ខ) អនុលោមឱកាសោ

១៥០. យត្ថ កាយសង្ខារោ ឧប្បជ្ជតិ…បេ….

(គ) អនុលោមបុគ្គលោកាសា

១៥១. (ក) យស្ស យត្ថ កាយសង្ខារោ ឧប្បជ្ជតិ តស្ស តត្ថ វចីសង្ខារោ និរុជ្ឈិស្សតីតិ?

ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ឧប្បាទក្ខណេ តេសំ តត្ថ កាយសង្ខារោ ឧប្បជ្ជតិ, នោ ច តេសំ តត្ថ វចីសង្ខារោ និរុជ្ឈិស្សតិ. បឋមជ្ឈានំ សមាបន្នានំ កាមាវចរានំ អស្សាសបស្សាសានំ ឧប្បាទក្ខណេ តេសំ តត្ថ កាយសង្ខារោ ច ឧប្បជ្ជតិ វចីសង្ខារោ ច និរុជ្ឈិស្សតិ.

(ខ) យស្ស វា បន យត្ថ វចីសង្ខារោ និរុជ្ឈិស្សតិ តស្ស តត្ថ កាយសង្ខារោ ឧប្បជ្ជតីតិ?

បឋមជ្ឈានំ សមាបន្នានំ កាមាវចរានំ អស្សាសបស្សាសានំ ភង្គក្ខណេ តេសំយេវ វិនា អស្សាសបស្សាសេហិ ចិត្តស្ស ឧប្បាទក្ខណេ រូបាវចរានំ អរូបាវចរានំ តេសំ តត្ថ វចីសង្ខារោ និរុជ្ឈិស្សតិ, នោ ច តេសំ តត្ថ កាយសង្ខារោ ឧប្បជ្ជតិ. បឋមជ្ឈានំ សមាបន្នានំ កាមាវចរានំ អស្សាសបស្សាសានំ ឧប្បាទក្ខណេ តេសំ តត្ថ វចីសង្ខារោ ច និរុជ្ឈិស្សតិ កាយសង្ខារោ ច ឧប្បជ្ជតិ.

(ក) យស្ស យត្ថ កាយសង្ខារោ ឧប្បជ្ជតិ តស្ស តត្ថ ចិត្តសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ចិត្តសង្ខារោ និរុជ្ឈិស្សតិ តស្ស តត្ថ កាយសង្ខារោ ឧប្បជ្ជតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ តេសំ តត្ថ ចិត្តសង្ខារោ និរុជ្ឈិស្សតិ, នោ ច តេសំ តត្ថ កាយសង្ខារោ ឧប្បជ្ជតិ. អស្សាសបស្សាសានំ ឧប្បាទក្ខណេ តេសំ តត្ថ ចិត្តសង្ខារោ ច និរុជ្ឈិស្សតិ កាយសង្ខារោ ច ឧប្បជ្ជតិ.

១៥២. (ក) យស្ស យត្ថ វចីសង្ខារោ ឧប្បជ្ជតិ តស្ស តត្ថ ចិត្តសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ចិត្តសង្ខារោ និរុជ្ឈិស្សតិ តស្ស តត្ថ វចីសង្ខារោ ឧប្បជ្ជតីតិ?

សព្ពេសំ ចិត្តស្ស ភង្គក្ខណេ វិនា វិតក្កវិចារេហិ ចិត្តស្ស ឧប្បាទក្ខណេ តេសំ តត្ថ ចិត្តសង្ខារោ និរុជ្ឈិស្សតិ, នោ ច តេសំ តត្ថ វចីសង្ខារោ ឧប្បជ្ជតិ. វិតក្កវិចារានំ ឧប្បាទក្ខណេ តេសំ តត្ថ ចិត្តសង្ខារោ ច និរុជ្ឈិស្សតិ វចីសង្ខារោ ច ឧប្បជ្ជតិ.

(ឃ) បច្ចនីកបុគ្គលោ

១៥៣. (ក) យស្ស កាយសង្ខារោ នុប្បជ្ជតិ តស្ស វចីសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ កាយសង្ខារោ នុប្បជ្ជតិ, នោ ច តេសំ វចីសង្ខារោ ន និរុជ្ឈិស្សតិ. សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ តេសំ កាយសង្ខារោ ច នុប្បជ្ជតិ វចីសង្ខារោ ច ន និរុជ្ឈិស្សតិ.

(ខ) យស្ស វា បន វចីសង្ខារោ ន និរុជ្ឈិស្សតិ តស្ស កាយសង្ខារោ នុប្បជ្ជតីតិ? អាមន្តា.

(ក) យស្ស កាយសង្ខារោ នុប្បជ្ជតិ តស្ស ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ កាយសង្ខារោ នុប្បជ្ជតិ, នោ ច តេសំ ចិត្តសង្ខារោ ន និរុជ្ឈិស្សតិ. បច្ឆិមចិត្តស្ស ភង្គក្ខណេ តេសំ កាយសង្ខារោ ច នុប្បជ្ជតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន ចិត្តសង្ខារោ ន និរុជ្ឈិស្សតិ តស្ស កាយសង្ខារោ នុប្បជ្ជតីតិ? អាមន្តា.

១៥៤. (ក) យស្ស វចីសង្ខារោ នុប្បជ្ជតិ តស្ស ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ភង្គក្ខណេ វិនា វិតក្កវិចារេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ វចីសង្ខារោ នុប្បជ្ជតិ, នោ ច តេសំ ចិត្តសង្ខារោ ន និរុជ្ឈិស្សតិ. បច្ឆិមចិត្តស្ស ភង្គក្ខណេ តេសំ វចីសង្ខារោ ច នុប្បជ្ជតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន ចិត្តសង្ខារោ ន និរុជ្ឈិស្សតិ តស្ស វចីសង្ខារោ នុប្បជ្ជតីតិ? អាមន្តា.

(ង) បច្ចនីកឱកាសោ

១៥៥. យត្ថ កាយសង្ខារោ នុប្បជ្ជតិ…បេ….

(ច) បច្ចនីកបុគ្គលោកាសា

១៥៦. (ក) យស្ស យត្ថ កាយសង្ខារោ នុប្បជ្ជតិ តស្ស តត្ថ វចីសង្ខារោ ន និរុជ្ឈិស្សតីតិ?

បឋមជ្ឈានំ សមាបន្នានំ កាមាវចរានំ អស្សាសបស្សាសានំ ភង្គក្ខណេ តេសំយេវ វិនា អស្សាសបស្សាសេហិ ចិត្តស្ស ឧប្បាទក្ខណេ រូបាវចរានំ អរូបាវចរានំ តេសំ តត្ថ កាយសង្ខារោ នុប្បជ្ជតិ, នោ ច តេសំ តត្ថ វចីសង្ខារោ ន និរុជ្ឈិស្សតិ. សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ភង្គក្ខណេ តេសំយេវ វិនា អស្សាសបស្សាសេហិ ចិត្តស្ស ឧប្បាទក្ខណេ ចតុត្ថជ្ឈានំ សមាបន្នានំ អសញ្ញសត្តានំ តេសំ តត្ថ កាយសង្ខារោ ច នុប្បជ្ជតិ វចីសង្ខារោ ច ន និរុជ្ឈិស្សតិ.

(ខ) យស្ស វា បន យត្ថ វចីសង្ខារោ ន និរុជ្ឈិស្សតិ តស្ស តត្ថ កាយសង្ខារោ នុប្បជ្ជតីតិ?

ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ឧប្បាទក្ខណេ តេសំ តត្ថ វចីសង្ខារោ ន និរុជ្ឈិស្សតិ, នោ ច តេសំ តត្ថ កាយសង្ខារោ នុប្បជ្ជតិ. សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ភង្គក្ខណេ តេសំយេវ វិនា អស្សាសបស្សាសេហិ ចិត្តស្ស ឧប្បាទក្ខណេ ចតុត្ថជ្ឈានំ សមាបន្នានំ អសញ្ញសត្តានំ តេសំ តត្ថ វចីសង្ខារោ ច ន និរុជ្ឈិស្សតិ កាយសង្ខារោ ច នុប្បជ្ជតិ.

(ក) យស្ស យត្ថ កាយសង្ខារោ នុប្បជ្ជតិ តស្ស តត្ថ ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ តេសំ តត្ថ កាយសង្ខារោ នុប្បជ្ជតិ, នោ ច តេសំ តត្ថ ចិត្តសង្ខារោ ន និរុជ្ឈិស្សតិ. បច្ឆិមចិត្តស្ស ភង្គក្ខណេ អសញ្ញសត្តានំ តេសំ តត្ថ កាយសង្ខារោ ច នុប្បជ្ជតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន យត្ថ ចិត្តសង្ខារោ ន និរុជ្ឈិស្សតិ តស្ស តត្ថ កាយសង្ខារោ នុប្បជ្ជតីតិ? អាមន្តា.

១៥៧. (ក) យស្ស យត្ថ វចីសង្ខារោ នុប្បជ្ជតិ តស្ស តត្ថ ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ភង្គក្ខណេ វិនា វិតក្កវិចារេហិ ចិត្តស្ស ឧប្បាទក្ខណេ តេសំ តត្ថ វចីសង្ខារោ នុប្បជ្ជតិ, នោ ច តេសំ តត្ថ ចិត្តសង្ខារោ ន និរុជ្ឈិស្សតិ. បច្ឆិមចិត្តស្ស ភង្គក្ខណេ អសញ្ញសត្តានំ តេសំ តត្ថ វចីសង្ខារោ ច នុប្បជ្ជតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន យត្ថ ចិត្តសង្ខារោ ន និរុជ្ឈិស្សតិ តស្ស តត្ថ វចីសង្ខារោ នុប្បជ្ជតីតិ? អាមន្តា.