(៦) អតីតានាគតវារោ

(ក) អនុលោមបុគ្គលោ

១៥៨. (ក) យស្ស កាយសង្ខារោ ឧប្បជ្ជិត្ថ តស្ស វចីសង្ខារោ និរុជ្ឈិស្សតីតិ?

សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ តេសំ កាយសង្ខារោ ឧប្បជ្ជិត្ថ, នោ ច តេសំ វចីសង្ខារោ និរុជ្ឈិស្សតិ. ឥតរេសំ តេសំ កាយសង្ខារោ ច ឧប្បជ្ជិត្ថ វចីសង្ខារោ ច និរុជ្ឈិស្សតិ.

(ខ) យស្ស វា បន វចីសង្ខារោ និរុជ្ឈិស្សតិ តស្ស កាយសង្ខារោ ឧប្បជ្ជិត្ថាតិ? អាមន្តា.

(ក) យស្ស កាយសង្ខារោ ឧប្បជ្ជិត្ថ តស្ស ចិត្តសង្ខារោ និរុជ្ឈិស្សតីតិ?

បច្ឆិមចិត្តស្ស ភង្គក្ខណេ តេសំ កាយសង្ខារោ ឧប្បជ្ជិត្ថ, នោ ច តេសំ ចិត្តសង្ខារោ និរុជ្ឈិស្សតិ. ឥតរេសំ តេសំ កាយសង្ខារោ ច ឧប្បជ្ជិត្ថ ចិត្តសង្ខារោ ច និរុជ្ឈិស្សតិ.

(ខ) យស្ស វា បន ចិត្តសង្ខារោ និរុជ្ឈិស្សតិ តស្ស កាយសង្ខារោ ឧប្បជ្ជិត្ថាតិ? អាមន្តា.

(យថា និរោធវារេ អតីតានាគតា បុច្ឆា អនុលោមម្បិ បច្ចនីកម្បិ ឯវំ ឧប្បាទនិរោធវារេបិ អតីតានាគតា បុច្ឆា អនុលោមម្បិ បច្ចនីកម្បិ វិភជិតព្ពំ អសម្មោហន្តេន និរោធវារេន សទិសំ, នត្ថិ នានាករណំ.)

ឧប្បាទនិរោធវារោ.