(៤) បច្ចុប្បន្នាតីតវារោ

(ក) អនុលោមបុគ្គលោ

១៤៧. (ក) យស្ស កាយសង្ខារោ ឧប្បជ្ជតិ តស្ស វចីសង្ខារោ និរុជ្ឈិត្ថាតិ? អាមន្តា.

(ខ) យស្ស វា បន វចីសង្ខារោ និរុជ្ឈិត្ថ តស្ស កាយសង្ខារោ ឧប្បជ្ជតីតិ?

សព្ពេសំ ចិត្តស្ស ភង្គក្ខណេ វិនា អស្សាសបស្សាសេហិ ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ វចីសង្ខារោ និរុជ្ឈិត្ថ, នោ ច តេសំ កាយសង្ខារោ ឧប្បជ្ជតិ. អស្សាសបស្សាសានំ ឧប្បាទក្ខណេ តេសំ វចីសង្ខារោ ច និរុជ្ឈិត្ថ កាយសង្ខារោ ច ឧប្បជ្ជតិ.

(យថា ឧប្បាទវារេ បច្ចុប្បន្នាតីតា បុច្ឆា អនុលោមម្បិ បច្ចនីកម្បិ វិភត្តា ឯវំ ឧប្បាទវារនិរោធវារេបិ បច្ចុប្បន្នាតីតា បុច្ឆា អនុលោមម្បិ បច្ចនីកម្បិ វិភជិតព្ពា.)