(៥) បច្ចុប្បន្នានាគតវារោ

(ក) អនុលោមបុគ្គលោ

១០៨. (ក) យស្ស កាយសង្ខារោ និរុជ្ឈតិ តស្ស វចីសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន វចីសង្ខារោ និរុជ្ឈិស្សតិ តស្ស កាយសង្ខារោ និរុជ្ឈតីតិ?

សព្ពេសំ ចិត្តស្ស ឧប្បាទក្ខណេ វិនា អស្សាសបស្សាសេហិ ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ វចីសង្ខារោ និរុជ្ឈិស្សតិ, នោ ច តេសំ កាយសង្ខារោ និរុជ្ឈតិ. អស្សាសបស្សាសានំ ភង្គក្ខណេ តេសំ វចីសង្ខារោ ច និរុជ្ឈិស្សតិ កាយសង្ខារោ ច និរុជ្ឈតិ.

(ក) យស្ស កាយសង្ខារោ និរុជ្ឈតិ តស្ស ចិត្តសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន ចិត្តសង្ខារោ និរុជ្ឈិស្សតិ តស្ស កាយសង្ខារោ និរុជ្ឈតីតិ?

សព្ពេសំ ចិត្តស្ស ឧប្បាទក្ខណេ វិនា អស្សាសបស្សាសេហិ ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តសង្ខារោ និរុជ្ឈិស្សតិ, នោ ច តេសំ កាយសង្ខារោ និរុជ្ឈតិ. អស្សាសបស្សាសានំ ភង្គក្ខណេ តេសំ ចិត្តសង្ខារោ ច និរុជ្ឈិស្សតិ កាយសង្ខារោ ច និរុជ្ឈតិ.

១០៩. (ក) យស្ស វចីសង្ខារោ និរុជ្ឈតិ តស្ស ចិត្តសង្ខារោ និរុជ្ឈិស្សតីតិ?

សវិតក្កសវិចារបច្ឆិមចិត្តស្ស ភង្គក្ខណេ តេសំ វចីសង្ខារោ និរុជ្ឈតិ, នោ ច តេសំ ចិត្តសង្ខារោ និរុជ្ឈិស្សតិ. ឥតរេសំ វិតក្កវិចារានំ ភង្គក្ខណេ តេសំ វចីសង្ខារោ ច និរុជ្ឈតិ ចិត្តសង្ខារោ ច និរុជ្ឈិស្សតិ.

(ខ) យស្ស វា បន ចិត្តសង្ខារោ និរុជ្ឈិស្សតិ តស្ស វចីសង្ខារោ និរុជ្ឈតីតិ?

សព្ពេសំ ចិត្តស្ស ឧប្បាទក្ខណេ វិនា វិតក្កវិចារេហិ ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តសង្ខារោ និរុជ្ឈិស្សតិ, នោ ច តេសំ វចីសង្ខារោ និរុជ្ឈតិ. វិតក្កវិចារានំ ភង្គក្ខណេ តេសំ ចិត្តសង្ខារោ ច និរុជ្ឈិស្សតិ វចីសង្ខារោ ច និរុជ្ឈតិ.

(ខ) អនុលោមឱកាសោ

១១០. យត្ថ កាយសង្ខារោ និរុជ្ឈតិ…បេ….

(គ) អនុលោមបុគ្គលោកាសា

១១១. (ក) យស្ស យត្ថ កាយសង្ខារោ និរុជ្ឈតិ តស្ស តត្ថ វចីសង្ខារោ និរុជ្ឈិស្សតីតិ?

ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ភង្គក្ខណេ តេសំ តត្ថ កាយសង្ខារោ និរុជ្ឈតិ, នោ ច តេសំ តត្ថ វចីសង្ខារោ និរុជ្ឈិស្សតិ. បឋមជ្ឈានំ សមាបន្នានំ កាមាវចរានំ អស្សាសបស្សាសានំ ភង្គក្ខណេ តេសំ តត្ថ កាយសង្ខារោ ច និរុជ្ឈតិ វចីសង្ខារោ ច និរុជ្ឈិស្សតិ.

(ខ) យស្ស វា បន យត្ថ វចីសង្ខារោ និរុជ្ឈិស្សតិ តស្ស តត្ថ កាយសង្ខារោ និរុជ្ឈតីតិ?

បឋមជ្ឈានំ សមាបន្នានំ កាមាវចរានំ អស្សាសបស្សាសានំ ឧប្បាទក្ខណេ តេសំយេវ វិនា អស្សាសបស្សាសេហិ ចិត្តស្ស ភង្គក្ខណេ រូបាវចរានំ អរូបាវចរានំ តេសំ តត្ថ វចីសង្ខារោ និរុជ្ឈិស្សតិ, នោ ច តេសំ តត្ថ កាយសង្ខារោ និរុជ្ឈតិ. បឋមជ្ឈានំ សមាបន្នានំ កាមាវចរានំ អស្សាសបស្សាសានំ ភង្គក្ខណេ តេសំ តត្ថ វចីសង្ខារោ ច និរុជ្ឈិស្សតិ កាយសង្ខារោ ច និរុជ្ឈតិ.

(ក) យស្ស យត្ថ កាយសង្ខារោ និរុជ្ឈតិ តស្ស តត្ថ ចិត្តសង្ខារោ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ចិត្តសង្ខារោ និរុជ្ឈិស្សតិ តស្ស តត្ថ កាយសង្ខារោ និរុជ្ឈតីតិ?

សព្ពេសំ ចិត្តស្ស ឧប្បាទក្ខណេ វិនា អស្សាសបស្សាសេហិ ចិត្តស្ស ភង្គក្ខណេ តេសំ តត្ថ ចិត្តសង្ខារោ និរុជ្ឈិស្សតិ, នោ ច តេសំ តត្ថ កាយសង្ខារោ និរុជ្ឈតិ. អស្សាសបស្សាសានំ ភង្គក្ខណេ តេសំ តត្ថ ចិត្តសង្ខារោ ច និរុជ្ឈិស្សតិ កាយសង្ខារោ ច និរុជ្ឈតិ.

១១២. (ក) យស្ស យត្ថ វចីសង្ខារោ និរុជ្ឈតិ តស្ស តត្ថ ចិត្តសង្ខារោ និរុជ្ឈិស្សតីតិ?

សវិតក្កសវិចារបច្ឆិមចិត្តស្ស ភង្គក្ខណេ តេសំ តត្ថ វចីសង្ខារោ និរុជ្ឈតិ, នោ ច តេសំ តត្ថ ចិត្តសង្ខារោ និរុជ្ឈិស្សតិ. ឥតរេសំ វិតក្កវិចារានំ ភង្គក្ខណេ តេសំ តត្ថ វចីសង្ខារោ ច និរុជ្ឈតិ ចិត្តសង្ខារោ ច និរុជ្ឈិស្សតិ.

(ខ) យស្ស វា បន យត្ថ ចិត្តសង្ខារោ និរុជ្ឈិស្សតិ តស្ស តត្ថ វចីសង្ខារោ និរុជ្ឈតីតិ?

សព្ពេសំ ចិត្តស្ស ឧប្បាទក្ខណេ វិនា វិតក្កវិចារេហិ ចិត្តស្ស ភង្គក្ខណេ តេសំ តត្ថ ចិត្តសង្ខារោ និរុជ្ឈិស្សតិ, នោ ច តេសំ តត្ថ វចីសង្ខារោ និរុជ្ឈតិ. វិតក្កវិចារានំ ភង្គក្ខណេ តេសំ តត្ថ ចិត្តសង្ខារោ ច និរុជ្ឈិស្សតិ វចីសង្ខារោ ច និរុជ្ឈតិ.

(ឃ) បច្ចនីកបុគ្គលោ

១១៣. (ក) យស្ស កាយសង្ខារោ ន និរុជ្ឈតិ តស្ស វចីសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ឧប្បាទក្ខណេ វិនា អស្សាសបស្សាសេហិ ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ កាយសង្ខារោ ន និរុជ្ឈតិ, នោ ច តេសំ វចីសង្ខារោ ន និរុជ្ឈិស្សតិ. សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ តេសំ កាយសង្ខារោ ច ន និរុជ្ឈតិ វចីសង្ខារោ ច ន និរុជ្ឈិស្សតិ.

(ខ) យស្ស វា បន វចីសង្ខារោ ន និរុជ្ឈិស្សតិ តស្ស កាយសង្ខារោ ន និរុជ្ឈតីតិ? អាមន្តា.

(ក) យស្ស កាយសង្ខារោ ន និរុជ្ឈតិ តស្ស ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ឧប្បាទក្ខណេ វិនា អស្សាសបស្សាសេហិ ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ កាយសង្ខារោ ន និរុជ្ឈតិ, នោ ច តេសំ ចិត្តសង្ខារោ ន និរុជ្ឈិស្សតិ. បច្ឆិមចិត្តស្ស ភង្គក្ខណេ តេសំ កាយសង្ខារោ ច ន និរុជ្ឈតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន…បេ…? អាមន្តា.

១១៤. (ក) យស្ស វចីសង្ខារោ ន និរុជ្ឈតិ តស្ស ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ឧប្បាទក្ខណេ វិនា វិតក្កវិចារេហិ ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ វចីសង្ខារោ ន និរុជ្ឈតិ, នោ ច តេសំ ចិត្តសង្ខារោ ន និរុជ្ឈិស្សតិ. អវិតក្កអវិចារបច្ឆិមចិត្តស្ស ភង្គក្ខណេ តេសំ វចីសង្ខារោ ច ន និរុជ្ឈតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន ចិត្តសង្ខារោ ន និរុជ្ឈិស្សតិ តស្ស វចីសង្ខារោ ន និរុជ្ឈតីតិ?

សវិតក្កសវិចារបច្ឆិមចិត្តស្ស ភង្គក្ខណេ តេសំ ចិត្តសង្ខារោ ន និរុជ្ឈិស្សតិ, នោ ច តេសំ វចីសង្ខារោ ន និរុជ្ឈតិ. អវិតក្កអវិចារបច្ឆិមចិត្តស្ស ភង្គក្ខណេ តេសំ ចិត្តសង្ខារោ ច ន និរុជ្ឈិស្សតិ វចីសង្ខារោ ច ន និរុជ្ឈតិ.

(ង) បច្ចនីកឱកាសោ

១១៥. យត្ថ កាយសង្ខារោ ន និរុជ្ឈតិ…បេ….

(ច) បច្ចនីកបុគ្គលោកាសា

១១៦. (ក) យស្ស យត្ថ កាយសង្ខារោ ន និរុជ្ឈតិ តស្ស តត្ថ វចីសង្ខារោ ន និរុជ្ឈិស្សតីតិ?

បឋមជ្ឈានំ សមាបន្នានំ កាមាវចរានំ អស្សាសបស្សាសានំ ឧប្បាទក្ខណេ តេសំយេវ វិនា អស្សាសបស្សាសេហិ ចិត្តស្ស ភង្គក្ខណេ រូបាវចរានំ អរូបាវចរានំ តេសំ តត្ថ កាយសង្ខារោ ន និរុជ្ឈតិ, នោ ច តេសំ តត្ថ វចីសង្ខារោ ន និរុជ្ឈិស្សតិ. សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ឧប្បាទក្ខណេ តេសំយេវ វិនា អស្សាសបស្សាសេហិ ចិត្តស្ស ភង្គក្ខណេ ចតុត្ថជ្ឈានំ សមាបន្នានំ អសញ្ញសត្តានំ តេសំ តត្ថ កាយសង្ខារោ ច ន និរុជ្ឈតិ វចីសង្ខារោ ច ន និរុជ្ឈិស្សតិ.

(ខ) យស្ស វា បន យត្ថ វចីសង្ខារោ ន និរុជ្ឈិស្សតិ តស្ស តត្ថ កាយសង្ខារោ ន និរុជ្ឈតីតិ?

ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ភង្គក្ខណេ តេសំ តត្ថ វចីសង្ខារោ ន និរុជ្ឈិស្សតិ, នោ ច តេសំ តត្ថ កាយសង្ខារោ ន និរុជ្ឈតិ. សវិតក្កសវិចារបច្ឆិមចិត្តស្ស ភង្គក្ខណេ អវិតក្កអវិចារបច្ឆិមចិត្តសមង្គីនំ យស្ស ចិត្តស្ស អនន្តរា អវិតក្កអវិចារំ បច្ឆិមចិត្តំ ឧប្បជ្ជិស្សតិ ទុតិយជ្ឈានំ តតិយជ្ឈានំ សមាបន្នានំ អស្សាសបស្សាសានំ ឧប្បាទក្ខណេ តេសំយេវ វិនា អស្សាសបស្សាសេហិ ចិត្តស្ស ភង្គក្ខណេ ចតុត្ថជ្ឈានំ សមាបន្នានំ អសញ្ញសត្តានំ តេសំ តត្ថ វចីសង្ខារោ ច ន និរុជ្ឈិស្សតិ កាយសង្ខារោ ច ន និរុជ្ឈតិ.

(ក) យស្ស យត្ថ កាយសង្ខារោ ន និរុជ្ឈតិ តស្ស តត្ថ ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ឧប្បាទក្ខណេ វិនា អស្សាសបស្សាសេហិ ចិត្តស្ស ភង្គក្ខណេ តេសំ តត្ថ កាយសង្ខារោ ន និរុជ្ឈតិ, នោ ច តេសំ តត្ថ ចិត្តសង្ខារោ ន និរុជ្ឈិស្សតិ. បច្ឆិមចិត្តស្ស ភង្គក្ខណេ អសញ្ញសត្តានំ តេសំ តត្ថ កាយសង្ខារោ ច ន និរុជ្ឈតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន…បេ…? អាមន្តា.

១១៧. (ក) យស្ស យត្ថ វចីសង្ខារោ ន និរុជ្ឈតិ តស្ស តត្ថ ចិត្តសង្ខារោ ន និរុជ្ឈិស្សតីតិ?

សព្ពេសំ ចិត្តស្ស ឧប្បាទក្ខណេ វិនា វិតក្កវិចារេហិ ចិត្តស្ស ភង្គក្ខណេ តេសំ តត្ថ វចីសង្ខារោ ន និរុជ្ឈតិ, នោ ច តេសំ តត្ថ ចិត្តសង្ខារោ ន និរុជ្ឈិស្សតិ. អវិតក្កអវិចារបច្ឆិមចិត្តស្ស ភង្គក្ខណេ អសញ្ញសត្តានំ តេសំ តត្ថ វចីសង្ខារោ ច ន និរុជ្ឈតិ ចិត្តសង្ខារោ ច ន និរុជ្ឈិស្សតិ.

(ខ) យស្ស វា បន យត្ថ ចិត្តសង្ខារោ ន និរុជ្ឈិស្សតិ តស្ស តត្ថ វចីសង្ខារោ ន និរុជ្ឈតីតិ?

សវិតក្កសវិចារបច្ឆិមចិត្តស្ស ភង្គក្ខណេ តេសំ តត្ថ ចិត្តសង្ខារោ ន និរុជ្ឈិស្សតិ, នោ ច តេសំ តត្ថ វចីសង្ខារោ ន និរុជ្ឈតិ. អវិតក្កអវិចារបច្ឆិមចិត្តស្ស ភង្គក្ខណេ អសញ្ញសត្តានំ តេសំ តត្ថ ចិត្តសង្ខារោ ច ន និរុជ្ឈិស្សតិ វចីសង្ខារោ ច ន និរុជ្ឈតិ.