១. បទសោធនវារោ

(ក) អនុលោមំ

១០. (ក) ទុក្ខំ ទុក្ខសច្ចន្តិ? អាមន្តា.

(ខ) ទុក្ខសច្ចំ ទុក្ខន្តិ?

កាយិកំ ទុក្ខំ ចេតសិកំ ទុក្ខំ ឋបេត្វា អវសេសំ ទុក្ខសច្ចំ [អវសេសំ ទុក្ខសច្ចំ ទុក្ខសច្ចំ (ស្យា.) ឯវមុបរិបិ], ន ទុក្ខំ. កាយិកំ ទុក្ខំ ចេតសិកំ ទុក្ខំ ទុក្ខញ្ចេវ ទុក្ខសច្ចញ្ច.

(ក) សមុទយោ សមុទយសច្ចន្តិ?

សមុទយសច្ចំ ឋបេត្វា អវសេសោ សមុទយោ, ន សមុទយសច្ចំ. សមុទយសច្ចំ សមុទយោ ចេវ សមុទយសច្ចញ្ច.

(ខ) សមុទយសច្ចំ សមុទយោតិ? អាមន្តា.

(ក) និរោធោ និរោធសច្ចន្តិ?

និរោធសច្ចំ ឋបេត្វា អវសេសោ និរោធោ, ន និរោធសច្ចំ. និរោធសច្ចំ និរោធោ ចេវ និរោធសច្ចញ្ច.

(ខ) និរោធសច្ចំ និរោធោតិ? អាមន្តា.

(ក) មគ្គោ មគ្គសច្ចន្តិ?

មគ្គសច្ចំ ឋបេត្វា អវសេសោ មគ្គោ, ន មគ្គសច្ចំ. មគ្គសច្ចំ មគ្គោ ចេវ មគ្គសច្ចញ្ច.

(ខ) មគ្គសច្ចំ មគ្គោតិ? អាមន្តា.

(ខ) បច្ចនីកំ

១១. (ក) ន ទុក្ខំ ន ទុក្ខសច្ចន្តិ?

កាយិកំ ទុក្ខំ ចេតសិកំ ទុក្ខំ ឋបេត្វា អវសេសំ ន ទុក្ខំ [អវសេសំ ទុក្ខសច្ចំ ន ទុក្ខំ (សី. ស្យា. ក.) ឯវំ អវសេសេសុ តីសុ សច្ចេសុ] ទុក្ខសច្ចំ. ទុក្ខញ្ច ទុក្ខសច្ចញ្ច ឋបេត្វា អវសេសំ ន ចេវ ទុក្ខំ ន ច ទុក្ខសច្ចំ.

(ខ) ន ទុក្ខសច្ចំ ន ទុក្ខន្តិ? អាមន្តា.

(ក) ន សមុទយោ ន សមុទយសច្ចន្តិ? អាមន្តា.

(ខ) ន សមុទយសច្ចំ ន សមុទយោតិ?

សមុទយសច្ចំ ឋបេត្វា អវសេសោ ន សមុទយសច្ចំ, សមុទយោ. សមុទយញ្ច សមុទយសច្ចញ្ច ឋបេត្វា អវសេសោ ន ចេវ សមុទយោ ន ច សមុទយសច្ចំ.

(ក) ន និរោធោ ន និរោធសច្ចន្តិ? អាមន្តា.

(ខ) ន និរោធសច្ចំ ន និរោធោតិ?

និរោធសច្ចំ ឋបេត្វា អវសេសោ ន និរោធសច្ចំ, និរោធោ. និរោធញ្ច និរោធសច្ចញ្ច ឋបេត្វា អវសេសោ ន ចេវ និរោធោ ន ច និរោធសច្ចំ.

(ក) ន មគ្គោ ន មគ្គសច្ចន្តិ? អាមន្តា.

(ខ) ន មគ្គសច្ចំ ន មគ្គោតិ?

មគ្គសច្ចំ ឋបេត្វា អវសេសោ ន មគ្គសច្ចំ, មគ្គោ. មគ្គញ្ច មគ្គសច្ចញ្ច ឋបេត្វា អវសេសោ ន ចេវ មគ្គោ ន ច មគ្គសច្ចំ.