(១) បច្ចុប្បន្នវារោ

(ក) អនុលោមបុគ្គលោ

១៩៩. (ក) យស្ស ចក្ខាយតនំ ឧប្បជ្ជតិ តស្ស សោតាយតនំ និរុជ្ឈតីតិ? នោ.

(ខ) យស្ស វា បន សោតាយតនំ និរុជ្ឈតិ តស្ស ចក្ខាយតនំ ឧប្បជ្ជតីតិ? នោ.

យស្ស ចក្ខាយតនំ ឧប្បជ្ជតិ តស្ស ឃានាយតនំ…បេ… រូបាយតនំ… មនាយតនំ… ធម្មាយតនំ និរុជ្ឈតីតិ? នោ.

យស្ស វា បន ធម្មាយតនំ និរុជ្ឈតិ តស្ស ចក្ខាយតនំ ឧប្បជ្ជតីតិ? នោ …បេ….

២០០. (ក) យស្ស មនាយតនំ ឧប្បជ្ជតិ តស្ស ធម្មាយតនំ និរុជ្ឈតីតិ? នោ.

(ខ) យស្ស វា បន ធម្មាយតនំ និរុជ្ឈតិ តស្ស មនាយតនំ ឧប្បជ្ជតីតិ? នោ.

(ខ) អនុលោមឱកាសោ

២០១. យត្ថ ចក្ខាយតនំ ឧប្បជ្ជតិ…បេ… (យត្ថកំ នោតិ ន កាតព្ពំ, យត្ថកំ ឥតរេសំ យត្ថកានំ សទិសំ កាតព្ពំ, យត្ថកំ តីសុបិ វារេសុ សទិសំ).

(គ) អនុលោមបុគ្គលោកាសា

២០២. យស្ស យត្ថ ចក្ខាយតនំ ឧប្បជ្ជតិ តស្ស តត្ថ សោតាយតនំ និរុជ្ឈតីតិ? នោ.

យស្ស វា បន យត្ថ សោតាយតនំ និរុជ្ឈតិ តស្ស តត្ថ ចក្ខាយតនំ ឧប្បជ្ជតីតិ? នោ …បេ….

២០៣. (ក) យស្ស យត្ថ មនាយតនំ ឧប្បជ្ជតិ តស្ស តត្ថ ធម្មាយតនំ និរុជ្ឈតីតិ? នោ.

(ខ) យស្ស វា បន យត្ថ ធម្មាយតនំ និរុជ្ឈតិ តស្ស តត្ថ មនាយតនំ ឧប្បជ្ជតីតិ? នោ.

(ឃ) បច្ចនីកបុគ្គលោ

២០៤. (ក) យស្ស ចក្ខាយតនំ នុប្បជ្ជតិ តស្ស សោតាយតនំ ន និរុជ្ឈតីតិ?

សសោតកានំ ចវន្តានំ តេសំ ចក្ខាយតនំ នុប្បជ្ជតិ, នោ ច តេសំ សោតាយតនំ ន និរុជ្ឈតិ. អចក្ខុកានំ ឧបបជ្ជន្តានំ អសោតកានំ ចវន្តានំ តេសំ ចក្ខាយតនញ្ច នុប្បជ្ជតិ សោតាយតនញ្ច ន និរុជ្ឈតិ.

(ខ) យស្ស វា បន សោតាយតនំ ន និរុជ្ឈតិ តស្ស ចក្ខាយតនំ នុប្បជ្ជតីតិ?

សចក្ខុកានំ ឧបបជ្ជន្តានំ តេសំ សោតាយតនំ ន និរុជ្ឈតិ, នោ ច តេសំ ចក្ខាយតនំ នុប្បជ្ជតិ. អសោតកានំ ចវន្តានំ អចក្ខុកានំ ឧបបជ្ជន្តានំ តេសំ សោតាយតនញ្ច ន និរុជ្ឈតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស ឃានាយតនំ ន និរុជ្ឈតីតិ?

សឃានកានំ ចវន្តានំ តេសំ ចក្ខាយតនំ នុប្បជ្ជតិ, នោ ច តេសំ ឃានាយតនំ ន និរុជ្ឈតិ. អចក្ខុកានំ ឧបបជ្ជន្តានំ អឃានកានំ ចវន្តានំ តេសំ ចក្ខាយតនញ្ច នុប្បជ្ជតិ ឃានាយតនញ្ច ន និរុជ្ឈតិ.

(ខ) យស្ស វា បន ឃានាយតនំ ន និរុជ្ឈតិ តស្ស ចក្ខាយតនំ នុប្បជ្ជតីតិ?

សចក្ខុកានំ ឧបបជ្ជន្តានំ តេសំ ឃានាយតនំ ន និរុជ្ឈតិ, នោ ច តេសំ ចក្ខាយតនំ នុប្បជ្ជតិ. អឃានកានំ ចវន្តានំ អចក្ខុកានំ ឧបបជ្ជន្តានំ តេសំ ឃានាយតនញ្ច ន និរុជ្ឈតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស រូបាយតនំ ន និរុជ្ឈតីតិ?

សរូបកានំ ចវន្តានំ តេសំ ចក្ខាយតនំ នុប្បជ្ជតិ, នោ ច តេសំ រូបាយតនំ ន និរុជ្ឈតិ. អចក្ខុកានំ ឧបបជ្ជន្តានំ អរូបកានំ ចវន្តានំ តេសំ ចក្ខាយតនញ្ច នុប្បជ្ជតិ រូបាយតនញ្ច ន និរុជ្ឈតិ.

(ខ) យស្ស វា បន រូបាយតនំ ន និរុជ្ឈតិ តស្ស ចក្ខាយតនំ នុប្បជ្ជតីតិ?

សចក្ខុកានំ ឧបបជ្ជន្តានំ តេសំ រូបាយតនំ ន និរុជ្ឈតិ, នោ ច តេសំ ចក្ខាយតនំ នុប្បជ្ជតិ. អរូបកានំ ចវន្តានំ អចក្ខុកានំ ឧបបជ្ជន្តានំ តេសំ រូបាយតនញ្ច ន និរុជ្ឈតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស មនាយតនំ ន និរុជ្ឈតីតិ?

សចិត្តកានំ ចវន្តានំ តេសំ ចក្ខាយតនំ នុប្បជ្ជតិ, នោ ច តេសំ មនាយតនំ ន និរុជ្ឈតិ. អចក្ខុកានំ ឧបបជ្ជន្តានំ អចិត្តកានំ ចវន្តានំ តេសំ ចក្ខាយតនញ្ច នុប្បជ្ជតិ មនាយតនញ្ច ន និរុជ្ឈតិ.

(ខ) យស្ស វា បន មនាយតនំ ន និរុជ្ឈតិ តស្ស ចក្ខាយតនំ នុប្បជ្ជតីតិ?

សចក្ខុកានំ ឧបបជ្ជន្តានំ តេសំ មនាយតនំ ន និរុជ្ឈតិ, នោ ច តេសំ ចក្ខាយតនំ នុប្បជ្ជតិ. អចិត្តកានំ ចវន្តានំ អចក្ខុកានំ ឧបបជ្ជន្តានំ តេសំ មនាយតនញ្ច ន និរុជ្ឈតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស ធម្មាយតនំ ន និរុជ្ឈតីតិ?

សព្ពេសំ ចវន្តានំ តេសំ ចក្ខាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈតិ. អចក្ខុកានំ ឧបបជ្ជន្តានំ តេសំ ចក្ខាយតនញ្ច នុប្បជ្ជតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស ចក្ខាយតនំ នុប្បជ្ជតីតិ?

សចក្ខុកានំ ឧបបជ្ជន្តានំ តេសំ ធម្មាយតនំ ន និរុជ្ឈតិ, នោ ច តេសំ ចក្ខាយតនំ នុប្បជ្ជតិ. អចក្ខុកានំ ឧបបជ្ជន្តានំ តេសំ ធម្មាយតនញ្ច ន និរុជ្ឈតិ ចក្ខាយតនញ្ច នុប្បជ្ជតិ. (ចក្ខាយតនមូលកំ)

២០៥. (ក) យស្ស ឃានាយតនំ នុប្បជ្ជតិ តស្ស រូបាយតនំ ន និរុជ្ឈតីតិ?

សរូបកានំ ចវន្តានំ តេសំ ឃានាយតនំ នុប្បជ្ជតិ, នោ ច តេសំ រូបាយតនំ ន និរុជ្ឈតិ. អឃានកានំ ឧបបជ្ជន្តានំ អរូបកានំ ចវន្តានំ តេសំ ឃានាយតនញ្ច នុប្បជ្ជតិ រូបាយតនញ្ច ន និរុជ្ឈតិ.

(ខ) យស្ស វា បន រូបាយតនំ ន និរុជ្ឈតិ តស្ស ឃានាយតនំ នុប្បជ្ជតីតិ?

សឃានកានំ ឧបបជ្ជន្តានំ តេសំ រូបាយតនំ ន និរុជ្ឈតិ, នោ ច តេសំ ឃានាយតនំ នុប្បជ្ជតិ. អរូបកានំ ចវន្តានំ អឃានកានំ ឧបបជ្ជន្តានំ តេសំ រូបាយតនញ្ច ន និរុជ្ឈតិ ឃានាយតនញ្ច នុប្បជ្ជតិ.

(ក) យស្ស ឃានាយតនំ នុប្បជ្ជតិ តស្ស មនាយតនំ ន និរុជ្ឈតីតិ?

សចិត្តកានំ ចវន្តានំ តេសំ ឃានាយតនំ នុប្បជ្ជតិ, នោ ច តេសំ មនាយតនំ ន និរុជ្ឈតិ. អឃានកានំ ឧបបជ្ជន្តានំ អចិត្តកានំ ចវន្តានំ តេសំ ឃានាយតនញ្ច នុប្បជ្ជតិ មនាយតនញ្ច ន និរុជ្ឈតិ.

(ខ) យស្ស វា បន មនាយតនំ ន និរុជ្ឈតិ តស្ស ឃានាយតនំ នុប្បជ្ជតីតិ?

សឃានកានំ ឧបបជ្ជន្តានំ តេសំ មនាយតនំ ន និរុជ្ឈតិ, នោ ច តេសំ ឃានាយតនំ នុប្បជ្ជតិ. អចិត្តកានំ ចវន្តានំ អឃានកានំ ឧបបជ្ជន្តានំ តេសំ មនាយតនញ្ច ន និរុជ្ឈតិ ឃានាយតនញ្ច នុប្បជ្ជតិ.

(ក) យស្ស ឃានាយតនំ នុប្បជ្ជតិ តស្ស ធម្មាយតនំ ន និរុជ្ឈតីតិ?

សព្ពេសំ ចវន្តានំ តេសំ ឃានាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈតិ. អឃានកានំ ឧបបជ្ជន្តានំ តេសំ ឃានាយតនញ្ច នុប្បជ្ជតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស ឃានាយតនំ នុប្បជ្ជតីតិ?

សឃានកានំ ឧបបជ្ជន្តានំ តេសំ ធម្មាយតនំ ន និរុជ្ឈតិ, នោ ច តេសំ ឃានាយតនំ នុប្បជ្ជតិ. អឃានកានំ ឧបបជ្ជន្តានំ តេសំ ធម្មាយតនញ្ច ន និរុជ្ឈតិ ឃានាយតនញ្ច នុប្បជ្ជតិ. (ឃានាយតនមូលកំ)

២០៦. (ក) យស្ស រូបាយតនំ នុប្បជ្ជតិ តស្ស មនាយតនំ ន និរុជ្ឈតីតិ?

សចិត្តកានំ ចវន្តានំ តេសំ រូបាយតនំ នុប្បជ្ជតិ, នោ ច តេសំ មនាយតនំ ន និរុជ្ឈតិ. អរូបកានំ ឧបបជ្ជន្តានំ អចិត្តកានំ ចវន្តានំ តេសំ រូបាយតនញ្ច នុប្បជ្ជតិ មនាយតនញ្ច ន និរុជ្ឈតិ.

(ខ) យស្ស វា បន មនាយតនំ ន និរុជ្ឈតិ តស្ស រូបាយតនំ នុប្បជ្ជតីតិ?

សរូបកានំ ឧបបជ្ជន្តានំ តេសំ មនាយតនំ ន និរុជ្ឈតិ, នោ ច តេសំ រូបាយតនំ នុប្បជ្ជតិ. អចិត្តកានំ ចវន្តានំ អរូបកានំ ឧបបជ្ជន្តានំ តេសំ មនាយតនញ្ច ន និរុជ្ឈតិ រូបាយតនញ្ច នុប្បជ្ជតិ.

(ក) យស្ស រូបាយតនំ នុប្បជ្ជតិ តស្ស ធម្មាយតនំ ន និរុជ្ឈតីតិ?

សព្ពេសំ ចវន្តានំ តេសំ រូបាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈតិ. អរូបកានំ ឧបបជ្ជន្តានំ តេសំ រូបាយតនញ្ច នុប្បជ្ជតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស រូបាយតនំ នុប្បជ្ជតីតិ?

សរូបកានំ ឧបបជ្ជន្តានំ តេសំ ធម្មាយតនំ ន និរុជ្ឈតិ, នោ ច តេសំ រូបាយតនំ នុប្បជ្ជតិ. អរូបកានំ ឧបបជ្ជន្តានំ តេសំ ធម្មាយតនញ្ច ន និរុជ្ឈតិ រូបាយតនញ្ច នុប្បជ្ជតិ. (រូបាយតនមូលកំ)

២០៧. (ក) យស្ស មនាយតនំ នុប្បជ្ជតិ តស្ស ធម្មាយតនំ ន និរុជ្ឈតីតិ?

សព្ពេសំ ចវន្តានំ តេសំ មនាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈតិ. អចិត្តកានំ ឧបបជ្ជន្តានំ តេសំ មនាយតនញ្ច នុប្បជ្ជតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស មនាយតនំ នុប្បជ្ជតីតិ?

សចិត្តកានំ ឧបបជ្ជន្តានំ តេសំ ធម្មាយតនំ ន និរុជ្ឈតិ, នោ ច តេសំ មនាយតនំ នុប្បជ្ជតិ. អចិត្តកានំ ឧបបជ្ជន្តានំ តេសំ ធម្មាយតនញ្ច ន និរុជ្ឈតិ មនាយតនញ្ច នុប្បជ្ជតិ.

(ង) បច្ចនីកឱកាសោ

២០៨. យត្ថ ចក្ខាយតនំ នុប្បជ្ជតិ…បេ….

(ច) បច្ចនីកបុគ្គលោកាសា

២០៩. យស្ស យត្ថ ចក្ខាយតនំ នុប្បជ្ជតិ…បេ….

(យស្សកម្បិ យស្សយត្ថកម្បិ សទិសំ).