(១) បច្ចុប្បន្នវារោ

(ក) អនុលោមបុគ្គលោ

១២០. (ក) យស្ស ចក្ខាយតនំ និរុជ្ឈតិ តស្ស សោតាយតនំ និរុជ្ឈតីតិ?

សចក្ខុកានំ អសោតកានំ ចវន្តានំ តេសំ ចក្ខាយតនំ និរុជ្ឈតិ, នោ ច តេសំ សោតាយតនំ និរុជ្ឈតិ. សចក្ខុកានំ សសោតកានំ ចវន្តានំ តេសំ ចក្ខាយតនញ្ច និរុជ្ឈតិ សោតាយតនញ្ច និរុជ្ឈតិ.

(ខ) យស្ស វា បន សោតាយតនំ និរុជ្ឈតិ តស្ស ចក្ខាយតនំ និរុជ្ឈតីតិ?

សសោតកានំ អចក្ខុកានំ ចវន្តានំ តេសំ សោតាយតនំ និរុជ្ឈតិ, នោ ច តេសំ ចក្ខាយតនំ និរុជ្ឈតិ. សសោតកានំ សចក្ខុកានំ ចវន្តានំ តេសំ សោតាយតនញ្ច និរុជ្ឈតិ ចក្ខាយតនញ្ច និរុជ្ឈតិ.

(ក) យស្ស ចក្ខាយតនំ និរុជ្ឈតិ តស្ស ឃានាយតនំ និរុជ្ឈតីតិ?

សចក្ខុកានំ អឃានកានំ ចវន្តានំ តេសំ ចក្ខាយតនំ និរុជ្ឈតិ, នោ ច តេសំ ឃានាយតនំ និរុជ្ឈតិ. សចក្ខុកានំ សឃានកានំ ចវន្តានំ តេសំ ចក្ខាយតនញ្ច និរុជ្ឈតិ ឃានាយតនញ្ច និរុជ្ឈតិ.

(ខ) យស្ស វា បន ឃានាយតនំ និរុជ្ឈតិ តស្ស ចក្ខាយតនំ និរុជ្ឈតីតិ?

សឃានកានំ អចក្ខុកានំ ចវន្តានំ តេសំ ឃានាយតនំ និរុជ្ឈតិ, នោ ច តេសំ ចក្ខាយតនំ និរុជ្ឈតិ. សឃានកានំ សចក្ខុកានំ ចវន្តានំ តេសំ ឃានាយតនញ្ច និរុជ្ឈតិ ចក្ខាយតនញ្ច និរុជ្ឈតិ.

(ក) យស្ស ចក្ខាយតនំ និរុជ្ឈតិ តស្ស រូបាយតនំ និរុជ្ឈតីតិ? អាមន្តា.

(ខ) យស្ស វា បន រូបាយតនំ និរុជ្ឈតិ តស្ស ចក្ខាយតនំ និរុជ្ឈតីតិ?

សរូបកានំ អចក្ខុកានំ ចវន្តានំ តេសំ រូបាយតនំ និរុជ្ឈតិ, នោ ច តេសំ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ រូបាយតនញ្ច និរុជ្ឈតិ ចក្ខាយតនញ្ច និរុជ្ឈតិ.

(ក) យស្ស ចក្ខាយតនំ និរុជ្ឈតិ តស្ស មនាយតនំ និរុជ្ឈតីតិ? អាមន្តា.

(ខ) យស្ស វា បន មនាយតនំ និរុជ្ឈតិ តស្ស ចក្ខាយតនំ និរុជ្ឈតីតិ?

សចិត្តកានំ អចក្ខុកានំ ចវន្តានំ តេសំ មនាយតនំ និរុជ្ឈតិ, នោ ច តេសំ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ មនាយតនញ្ច និរុជ្ឈតិ ចក្ខាយតនញ្ច និរុជ្ឈតិ.

(ក) យស្ស ចក្ខាយតនំ និរុជ្ឈតិ តស្ស ធម្មាយតនំ និរុជ្ឈតីតិ? អាមន្តា.

(ខ) យស្ស វា បន ធម្មាយតនំ និរុជ្ឈតិ តស្ស ចក្ខាយតនំ និរុជ្ឈតីតិ?

អចក្ខុកានំ ចវន្តានំ តេសំ ធម្មាយតនំ និរុជ្ឈតិ, នោ ច តេសំ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ ធម្មាយតនញ្ច និរុជ្ឈតិ ចក្ខាយតនញ្ច និរុជ្ឈតិ. (ចក្ខាយតនមូលកំ)

១២១. (ក) យស្ស ឃានាយតនំ និរុជ្ឈតិ តស្ស រូបាយតនំ និរុជ្ឈតីតិ? អាមន្តា.

(ខ) យស្ស វា បន រូបាយតនំ និរុជ្ឈតិ តស្ស ឃានាយតនំ និរុជ្ឈតីតិ?

សរូបកានំ អឃានកានំ ចវន្តានំ តេសំ រូបាយតនំ និរុជ្ឈតិ, នោ ច តេសំ ឃានាយតនំ និរុជ្ឈតិ. សឃានកានំ ចវន្តានំ តេសំ រូបាយតនញ្ច និរុជ្ឈតិ ឃានាយតនញ្ច និរុជ្ឈតិ.

(ក) យស្ស ឃានាយតនំ និរុជ្ឈតិ តស្ស មនាយតនំ និរុជ្ឈតីតិ? អាមន្តា.

(ខ) យស្ស វា បន មនាយតនំ និរុជ្ឈតិ តស្ស ឃានាយតនំ និរុជ្ឈតីតិ?

សចិត្តកានំ អឃានកានំ ចវន្តានំ តេសំ មនាយតនំ និរុជ្ឈតិ, នោ ច តេសំ ឃានាយតនំ និរុជ្ឈតិ. សឃានកានំ ចវន្តានំ តេសំ មនាយតនញ្ច និរុជ្ឈតិ ឃានាយតនញ្ច និរុជ្ឈតិ.

(ក) យស្ស ឃានាយតនំ និរុជ្ឈតិ តស្ស ធម្មាយតនំ និរុជ្ឈតីតិ? អាមន្តា.

(ខ) យស្ស វា បន ធម្មាយតនំ និរុជ្ឈតិ តស្ស ឃានាយតនំ និរុជ្ឈតីតិ?

អឃានកានំ ចវន្តានំ តេសំ ធម្មាយតនំ និរុជ្ឈតិ, នោ ច តេសំ ឃានាយតនំ និរុជ្ឈតិ. សឃានកានំ ចវន្តានំ តេសំ ធម្មាយតនញ្ច និរុជ្ឈតិ ឃានាយតនញ្ច និរុជ្ឈតិ. (ឃានាយតនមូលកំ)

១២២. (ក) យស្ស រូបាយតនំ និរុជ្ឈតិ តស្ស មនាយតនំ និរុជ្ឈតីតិ?

អចិត្តកានំ ចវន្តានំ តេសំ រូបាយតនំ និរុជ្ឈតិ, នោ ច តេសំ មនាយតនំ និរុជ្ឈតិ. សរូបកានំ សចិត្តកានំ ចវន្តានំ តេសំ រូបាយតនញ្ច និរុជ្ឈតិ មនាយតនញ្ច និរុជ្ឈតិ.

(ខ) យស្ស វា បន មនាយតនំ និរុជ្ឈតិ តស្ស រូបាយតនំ និរុជ្ឈតីតិ?

អរូបកានំ ចវន្តានំ តេសំ មនាយតនំ និរុជ្ឈតិ, នោ ច តេសំ រូបាយតនំ និរុជ្ឈតិ. សរូបកានំ សចិត្តកានំ ចវន្តានំ តេសំ មនាយតនញ្ច និរុជ្ឈតិ រូបាយតនញ្ច និរុជ្ឈតិ.

(ក) យស្ស រូបាយតនំ និរុជ្ឈតិ តស្ស ធម្មាយតនំ និរុជ្ឈតីតិ? អាមន្តា.

(ខ) យស្ស វា បន ធម្មាយតនំ និរុជ្ឈតិ តស្ស រូបាយតនំ និរុជ្ឈតីតិ?

អរូបកានំ ចវន្តានំ តេសំ ធម្មាយតនំ និរុជ្ឈតិ, នោ ច តេសំ រូបាយតនំ និរុជ្ឈតិ. សរូបកានំ ចវន្តានំ តេសំ ធម្មាយតនញ្ច និរុជ្ឈតិ រូបាយតនញ្ច និរុជ្ឈតិ.

១២៣. (ក) យស្ស មនាយតនំ និរុជ្ឈតិ តស្ស ធម្មាយតនំ និរុជ្ឈតីតិ? អាមន្តា.

(ខ) យស្ស វា បន ធម្មាយតនំ និរុជ្ឈតិ តស្ស មនាយតនំ និរុជ្ឈតីតិ?

អចិត្តកានំ ចវន្តានំ តេសំ ធម្មាយតនំ និរុជ្ឈតិ, នោ ច តេសំ មនាយតនំ និរុជ្ឈតិ. សចិត្តកានំ ចវន្តានំ តេសំ ធម្មាយតនញ្ច និរុជ្ឈតិ មនាយតនញ្ច និរុជ្ឈតិ.

(ខ) អនុលោមឱកាសោ

១២៤. យត្ថ ចក្ខាយតនំ និរុជ្ឈតិ…បេ… (ឧប្បាទេបិ និរោធេបិ ឧប្បាទនិរោធេបិ យត្ថកំ សព្ពត្ថ សទិសំ).

(គ) អនុលោមបុគ្គលោកាសា

១២៥. យស្ស យត្ថ ចក្ខាយតនំ និរុជ្ឈតិ តស្ស តត្ថ សោតាយតនំ និរុជ្ឈតីតិ…បេ… ឃានាយតនំ… រូបាយតនំ… មនាយតនំ… ធម្មាយតនំ និរុជ្ឈតីតិ? (យស្ស យត្ថកម្បិ សទិសំ វិត្ថារេតព្ពំ).

(ឃ) បច្ចនីកបុគ្គលោ

១២៦. (ក) យស្ស ចក្ខាយតនំ ន និរុជ្ឈតិ តស្ស សោតាយតនំ ន និរុជ្ឈតីតិ?

អចក្ខុកានំ សសោតកានំ ចវន្តានំ តេសំ ចក្ខាយតនំ ន និរុជ្ឈតិ, នោ ច តេសំ សោតាយតនំ ន និរុជ្ឈតិ. សព្ពេសំ ឧបបជ្ជន្តានំ អចក្ខុកានំ អសោតកានំ ចវន្តានំ តេសំ ចក្ខាយតនញ្ច ន និរុជ្ឈតិ សោតាយតនញ្ច ន និរុជ្ឈតិ.

(ខ) យស្ស វា បន សោតាយតនំ ន និរុជ្ឈតិ តស្ស ចក្ខាយតនំ ន និរុជ្ឈតីតិ?

អសោតកានំ សចក្ខុកានំ ចវន្តានំ តេសំ សោតាយតនំ ន និរុជ្ឈតិ, នោ ច តេសំ ចក្ខាយតនំ ន និរុជ្ឈតិ. សព្ពេសំ ឧបបជ្ជន្តានំ អសោតកានំ អចក្ខុកានំ ចវន្តានំ តេសំ សោតាយតនញ្ច ន និរុជ្ឈតិ ចក្ខាយតនញ្ច ន និរុជ្ឈតិ.

(ក) យស្ស ចក្ខាយតនំ ន និរុជ្ឈតិ តស្ស ឃានាយតនំ ន និរុជ្ឈតីតិ?

អចក្ខុកានំ សឃានកានំ ចវន្តានំ តេសំ ចក្ខាយតនំ ន និរុជ្ឈតិ, នោ ច តេសំ ឃានាយតនំ ន និរុជ្ឈតិ. សព្ពេសំ ឧបបជ្ជន្តានំ អចក្ខុកានំ អឃានកានំ ចវន្តានំ តេសំ ចក្ខាយតនញ្ច ន និរុជ្ឈតិ ឃានាយតនញ្ច ន និរុជ្ឈតិ.

(ខ) យស្ស វា បន ឃានាយតនំ ន និរុជ្ឈតិ តស្ស ចក្ខាយតនំ ន និរុជ្ឈតីតិ?

អឃានកានំ សចក្ខុកានំ ចវន្តានំ តេសំ ឃានាយតនំ ន និរុជ្ឈតិ, នោ ច តេសំ ចក្ខាយតនំ ន និរុជ្ឈតិ. សព្ពេសំ ឧបបជ្ជន្តានំ អឃានកានំ អចក្ខុកានំ ចវន្តានំ តេសំ ឃានាយតនញ្ច ន និរុជ្ឈតិ ចក្ខាយតនញ្ច ន និរុជ្ឈតិ.

(ក) យស្ស ចក្ខាយតនំ ន និរុជ្ឈតិ តស្ស រូបាយតនំ ន និរុជ្ឈតីតិ?

អចក្ខុកានំ សរូបកានំ ចវន្តានំ តេសំ ចក្ខាយតនំ ន និរុជ្ឈតិ, នោ ច តេសំ រូបាយតនំ ន និរុជ្ឈតិ. សព្ពេសំ ឧបបជ្ជន្តានំ អរូបកានំ ចវន្តានំ តេសំ ចក្ខាយតនញ្ច ន និរុជ្ឈតិ រូបាយតនញ្ច ន និរុជ្ឈតិ.

(ខ) យស្ស វា បន រូបាយតនំ ន និរុជ្ឈតិ តស្ស ចក្ខាយតនំ ន និរុជ្ឈតីតិ? អាមន្តា.

(ក) យស្ស ចក្ខាយតនំ ន និរុជ្ឈតិ តស្ស មនាយតនំ ន និរុជ្ឈតីតិ?

អចក្ខុកានំ សចិត្តកានំ ចវន្តានំ តេសំ ចក្ខាយតនំ ន និរុជ្ឈតិ, នោ ច តេសំ មនាយតនំ ន និរុជ្ឈតិ. សព្ពេសំ ឧបបជ្ជន្តានំ អចិត្តកានំ ចវន្តានំ តេសំ ចក្ខាយតនញ្ច ន និរុជ្ឈតិ មនាយតនញ្ច ន និរុជ្ឈតិ.

(ខ) យស្ស វា បន មនាយតនំ ន និរុជ្ឈតិ តស្ស ចក្ខាយតនំ ន និរុជ្ឈតីតិ? អាមន្តា.

(ក) យស្ស ចក្ខាយតនំ ន និរុជ្ឈតិ តស្ស ធម្មាយតនំ ន និរុជ្ឈតីតិ?

អចក្ខុកានំ ចវន្តានំ តេសំ ចក្ខាយតនំ ន និរុជ្ឈតិ, នោ ច តេសំ ធម្មាយតនំ ន និរុជ្ឈតិ. សព្ពេសំ ឧបបជ្ជន្តានំ តេសំ ចក្ខាយតនញ្ច ន និរុជ្ឈតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស ចក្ខាយតនំ ន និរុជ្ឈតីតិ? អាមន្តា. (ចក្ខាយតនមូលកំ)

១២៧. (ក) យស្ស ឃានាយតនំ ន និរុជ្ឈតិ តស្ស រូបាយតនំ ន និរុជ្ឈតីតិ?

អឃានកានំ សរូបកានំ ចវន្តានំ តេសំ ឃានាយតនំ ន និរុជ្ឈតិ, នោ ច តេសំ រូបាយតនំ ន និរុជ្ឈតិ. សព្ពេសំ ឧបបជ្ជន្តានំ អរូបកានំ ចវន្តានំ តេសំ ឃានាយតនញ្ច ន និរុជ្ឈតិ រូបាយតនញ្ច ន និរុជ្ឈតិ.

(ខ) យស្ស វា បន រូបាយតនំ ន និរុជ្ឈតិ តស្ស ឃានាយតនំ ន និរុជ្ឈតីតិ? អាមន្តា.

(ក) យស្ស ឃានាយតនំ ន និរុជ្ឈតិ តស្ស មនាយតនំ ន និរុជ្ឈតីតិ?

អឃានកានំ សចិត្តកានំ ចវន្តានំ តេសំ ឃានាយតនំ ន និរុជ្ឈតិ, នោ ច តេសំ មនាយតនំ ន និរុជ្ឈតិ. សព្ពេសំ ឧបបជ្ជន្តានំ អចិត្តកានំ ចវន្តានំ តេសំ ឃានាយតនញ្ច ន និរុជ្ឈតិ មនាយតនញ្ច ន និរុជ្ឈតិ.

(ខ) យស្ស វា បន មនាយតនំ ន និរុជ្ឈតិ តស្ស ឃានាយតនំ ន និរុជ្ឈតីតិ? អាមន្តា.

(ក) យស្ស ឃានាយតនំ ន និរុជ្ឈតិ តស្ស ធម្មាយតនំ ន និរុជ្ឈតីតិ?

អឃានកានំ ចវន្តានំ តេសំ ឃានាយតនំ ន និរុជ្ឈតិ, នោ ច តេសំ ធម្មាយតនំ ន និរុជ្ឈតិ. សព្ពេសំ ឧបបជ្ជន្តានំ តេសំ ឃានាយតនញ្ច ន និរុជ្ឈតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស ឃានាយតនំ ន និរុជ្ឈតីតិ? អាមន្តា. (ឃានាយតនមូលកំ)

១២៨. (ក) យស្ស រូបាយតនំ ន និរុជ្ឈតិ តស្ស មនាយតនំ ន និរុជ្ឈតីតិ?

អរូបកានំ ចវន្តានំ តេសំ រូបាយតនំ ន និរុជ្ឈតិ, នោ ច តេសំ មនាយតនំ ន និរុជ្ឈតិ. សព្ពេសំ ឧបបជ្ជន្តានំ តេសំ រូបាយតនញ្ច ន និរុជ្ឈតិ មនាយតនញ្ច ន និរុជ្ឈតិ.

(ខ) យស្ស វា បន មនាយតនំ ន និរុជ្ឈតិ តស្ស រូបាយតនំ ន និរុជ្ឈតីតិ?

អចិត្តកានំ ចវន្តានំ តេសំ មនាយតនំ ន និរុជ្ឈតិ, នោ ច តេសំ រូបាយតនំ ន និរុជ្ឈតិ. សព្ពេសំ ឧបបជ្ជន្តានំ តេសំ មនាយតនញ្ច ន និរុជ្ឈតិ រូបាយតនញ្ច ន និរុជ្ឈតិ.

(ក) យស្ស រូបាយតនំ ន និរុជ្ឈតិ តស្ស ធម្មាយតនំ ន និរុជ្ឈតីតិ?

អរូបកានំ ចវន្តានំ តេសំ រូបាយតនំ ន និរុជ្ឈតិ, នោ ច តេសំ ធម្មាយតនំ ន និរុជ្ឈតិ. សព្ពេសំ ឧបបជ្ជន្តានំ តេសំ រូបាយតនញ្ច ន និរុជ្ឈតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស រូបាយតនំ ន និរុជ្ឈតីតិ? អាមន្តា. (រូបាយតនមូលកំ)

១២៩. (ក) យស្ស មនាយតនំ ន និរុជ្ឈតិ តស្ស ធម្មាយតនំ ន និរុជ្ឈតីតិ?

អចិត្តកានំ ចវន្តានំ តេសំ មនាយតនំ ន និរុជ្ឈតិ, នោ ច តេសំ ធម្មាយតនំ ន និរុជ្ឈតិ. សព្ពេសំ ឧបបជ្ជន្តានំ តេសំ មនាយតនញ្ច ន និរុជ្ឈតិ ធម្មាយតនញ្ច ន និរុជ្ឈតិ.

(ខ) យស្ស វា បន ធម្មាយតនំ ន និរុជ្ឈតិ តស្ស មនាយតនំ ន និរុជ្ឈតីតិ? អាមន្តា.

(ង) បច្ចនីកឱកាសោ

១៣០. យត្ថ ចក្ខាយតនំ ន និរុជ្ឈតិ…បេ….

(ច) បច្ចនីកបុគ្គលោកាសា

១៣១. យស្ស យត្ថ ចក្ខាយតនំ ន និរុជ្ឈតិ តស្ស តត្ថ សោតាយតនំ ន និរុជ្ឈតី តិ…បេ… (យស្ស យត្ថកម្បិ យស្សកសទិសំ).