(៦) អតីតានាគតវារោ

(ក) អនុលោមបុគ្គលោ

១០៤. (ក) យស្ស ចក្ខាយតនំ ឧប្បជ្ជិត្ថ តស្ស សោតាយតនំ ឧប្បជ្ជិស្សតីតិ?

បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ចក្ខាយតនំ ឧប្បជ្ជិត្ថ, នោ ច តេសំ សោតាយតនំ ឧប្បជ្ជិស្សតិ. ឥតរេសំ តេសំ ចក្ខាយតនញ្ច ឧប្បជ្ជិត្ថ សោតាយតនញ្ច ឧប្បជ្ជិស្សតិ.

(ខ) យស្ស វា បន សោតាយតនំ ឧប្បជ្ជិស្សតិ តស្ស ចក្ខាយតនំ ឧប្បជ្ជិត្ថាតិ? អាមន្តា.

(ក) យស្ស ចក្ខាយតនំ ឧប្បជ្ជិត្ថ តស្ស ឃានាយតនំ ឧប្បជ្ជិស្សតីតិ?

បច្ឆិមភវិកានំ យេ ច រូបាវចរំ អរូបាវចរំ ឧបបជ្ជិត្វា បរិនិព្ពាយិស្សន្តិ តេសំ ចក្ខាយតនំ ឧប្បជ្ជិត្ថ, នោ ច តេសំ ឃានាយតនំ ឧប្បជ្ជិស្សតិ. ឥតរេសំ តេសំ ចក្ខាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជិស្សតិ.

(ខ) យស្ស វា បន…បេ… ឧប្បជ្ជិត្ថាតិ? អាមន្តា.

(ក) យស្ស ចក្ខាយតនំ ឧប្បជ្ជិត្ថ តស្ស រូបាយតនំ ឧប្បជ្ជិស្សតីតិ?

បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ចក្ខាយតនំ ឧប្បជ្ជិត្ថ, នោ ច តេសំ រូបាយតនំ ឧប្បជ្ជិស្សតិ. ឥតរេសំ តេសំ ចក្ខាយតនញ្ច ឧប្បជ្ជិត្ថ រូបាយតនញ្ច ឧប្បជ្ជិស្សតិ.

(ខ) យស្ស វា បន…បេ… ឧប្បជ្ជិត្ថាតិ? អាមន្តា.

យស្ស ចក្ខាយតនំ ឧប្បជ្ជិត្ថ តស្ស មនាយតនំ…បេ… ធម្មាយតនំ ឧប្បជ្ជិស្សតីតិ?

បច្ឆិមភវិកានំ តេសំ ចក្ខាយតនំ ឧប្បជ្ជិត្ថ, នោ ច តេសំ ធម្មាយតនំ ឧប្បជ្ជិស្សតិ. ឥតរេសំ តេសំ ចក្ខាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ. យស្ស វា បន…បេ… ឧប្បជ្ជិត្ថាតិ? អាមន្តា. (ចក្ខាយតនមូលកំ)

១០៥. (ក) យស្ស ឃានាយតនំ ឧប្បជ្ជិត្ថ តស្ស រូបាយតនំ ឧប្បជ្ជិស្សតីតិ?

បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ឃានាយតនំ ឧប្បជ្ជិត្ថ, នោ ច តេសំ រូបាយតនំ ឧប្បជ្ជិស្សតិ. ឥតរេសំ តេសំ ឃានាយតនញ្ច ឧប្បជ្ជិត្ថ រូបាយតនញ្ច ឧប្បជ្ជិស្សតិ.

(ខ) យស្ស វា បន…បេ… ឧប្បជ្ជិត្ថាតិ? អាមន្តា.

យស្ស ឃានាយតនំ ឧប្បជ្ជិត្ថ តស្ស មនាយតនំ…បេ… ធម្មាយតនំ ឧប្បជ្ជិស្សតីតិ?

បច្ឆិមភវិកានំ តេសំ ឃានាយតនំ ឧប្បជ្ជិត្ថ, នោ ច តេសំ ធម្មាយតនំ ឧប្បជ្ជិស្សតិ. ឥតរេសំ តេសំ ឃានាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

យស្ស វា បន ធម្មាយតនំ…បេ… ឧប្បជ្ជិត្ថាតិ? អាមន្តា.

១០៦. យស្ស រូបាយតនំ ឧប្បជ្ជិត្ថ តស្ស មនាយតនំ…បេ… ធម្មាយតនំ ឧប្បជ្ជិស្សតីតិ?

បច្ឆិមភវិកានំ តេសំ រូបាយតនំ ឧប្បជ្ជិត្ថ, នោ ច តេសំ ធម្មាយតនំ ឧប្បជ្ជិស្សតិ. ឥតរេសំ តេសំ រូបាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

យស្ស វា បន…បេ… ឧប្បជ្ជិត្ថាតិ? អាមន្តា.

១០៧. (ក) យស្ស មនាយតនំ ឧប្បជ្ជិត្ថ តស្ស ធម្មាយតនំ ឧប្បជ្ជិស្សតីតិ?

បច្ឆិមភវិកានំ តេសំ មនាយតនំ ឧប្បជ្ជិត្ថ, នោ ច តេសំ ធម្មាយតនំ ឧប្បជ្ជិស្សតិ. ឥតរេសំ តេសំ មនាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

(ខ) យស្ស វា បន ធម្មាយតនំ ឧប្បជ្ជិស្សតិ តស្ស មនាយតនំ ឧប្បជ្ជិត្ថាតិ? អាមន្តា.

(ខ) អនុលោមឱកាសោ

១០៨. យត្ថ ចក្ខាយតនំ ឧប្បជ្ជិត្ថ…បេ….

(គ) អនុលោមបុគ្គលោកាសា

១០៩. (ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ សោតាយតនំ ឧប្បជ្ជិស្សតីតិ?

បញ្ចវោការេ បច្ឆិមភវិកានំ តេសំ តត្ថ ចក្ខាយតនំ ឧប្បជ្ជិត្ថ, នោ ច តេសំ តត្ថ សោតាយតនំ ឧប្បជ្ជិស្សតិ. ឥតរេសំ បញ្ចវោការានំ តេសំ តត្ថ ចក្ខាយតនញ្ច ឧប្បជ្ជិត្ថ សោតាយតនញ្ច ឧប្បជ្ជិស្សតិ.

(ខ) យស្ស វា បន យត្ថ សោតាយតនំ ឧប្បជ្ជិស្សតិ តស្ស តត្ថ ចក្ខាយតនំ ឧប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជិស្សតីតិ?

កាមាវចរេ បច្ឆិមភវិកានំ រូបាវចរានំ តេសំ តត្ថ ចក្ខាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជិស្សតិ. ឥតរេសំ កាមាវចរានំ តេសំ តត្ថ ចក្ខាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជិស្សតិ.

(ខ) យស្ស វា បន យត្ថ…បេ… ឧប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជិស្សតីតិ?

បញ្ចវោការេ បច្ឆិមភវិកានំ តេសំ តត្ថ ចក្ខាយតនំ ឧប្បជ្ជិត្ថ, នោ ច តេសំ តត្ថ រូបាយតនំ ឧប្បជ្ជិស្សតិ. ឥតរេសំ បញ្ចវោការានំ តេសំ តត្ថ ចក្ខាយតនញ្ច ឧប្បជ្ជិត្ថ រូបាយតនញ្ច ឧប្បជ្ជិស្សតិ.

(ខ) យស្ស វា បន យត្ថ រូបាយតនំ ឧប្បជ្ជិស្សតិ តស្ស តត្ថ ចក្ខាយតនំ ឧប្បជ្ជិត្ថាតិ?

អសញ្ញសត្តានំ តេសំ តត្ថ រូបាយតនំ ឧប្បជ្ជិស្សតិ, នោ ច តេសំ តត្ថ ចក្ខាយតនំ ឧប្បជ្ជិត្ថ. បញ្ចវោការានំ តេសំ តត្ថ រូបាយតនញ្ច ឧប្បជ្ជិស្សតិ ចក្ខាយតនញ្ច ឧប្បជ្ជិត្ថ.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជិស្សតីតិ?

បញ្ចវោការេ បច្ឆិមភវិកានំ តេសំ តត្ថ ចក្ខាយតនំ ឧប្បជ្ជិត្ថ, នោ ច តេសំ តត្ថ មនាយតនំ ឧប្បជ្ជិស្សតិ. ឥតរេសំ បញ្ចវោការានំ តេសំ តត្ថ ចក្ខាយតនញ្ច ឧប្បជ្ជិត្ថ មនាយតនញ្ច ឧប្បជ្ជិស្សតិ.

(ខ) យស្ស វា បន យត្ថ មនាយតនំ ឧប្បជ្ជិស្សតិ តស្ស តត្ថ ចក្ខាយតនំ ឧប្បជ្ជិត្ថាតិ?

អរូបានំ តេសំ តត្ថ មនាយតនំ ឧប្បជ្ជិស្សតិ, នោ ច តេសំ តត្ថ ចក្ខាយតនំ ឧប្បជ្ជិត្ថ. បញ្ចវោការានំ តេសំ តត្ថ មនាយតនញ្ច ឧប្បជ្ជិស្សតិ ចក្ខាយតនញ្ច ឧប្បជ្ជិត្ថ.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិស្សតីតិ?

បញ្ចវោការេ បច្ឆិមភវិកានំ តេសំ តត្ថ ចក្ខាយតនំ ឧប្បជ្ជិត្ថ, នោ ច តេសំ តត្ថ ធម្មាយតនំ ឧប្បជ្ជិស្សតិ. ឥតរេសំ បញ្ចវោការានំ តេសំ តត្ថ ចក្ខាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

(ខ) យស្ស វា បន យត្ថ ធម្មាយតនំ ឧប្បជ្ជិស្សតិ តស្ស តត្ថ ចក្ខាយតនំ ឧប្បជ្ជិត្ថាតិ?

អសញ្ញសត្តានំ អរូបានំ តេសំ តត្ថ ធម្មាយតនំ ឧប្បជ្ជិស្សតិ, នោ ច តេសំ តត្ថ ចក្ខាយតនំ ឧប្បជ្ជិត្ថ. បញ្ចវោការានំ តេសំ តត្ថ ធម្មាយតនញ្ច ឧប្បជ្ជិស្សតិ ចក្ខាយតនញ្ច ឧប្បជ្ជិត្ថ. (ចក្ខាយតនមូលកំ)

១១០. (ក) យស្ស យត្ថ ឃានាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជិស្សតីតិ?

កាមាវចរេ បច្ឆិមភវិកានំ តេសំ តត្ថ ឃានាយតនំ ឧប្បជ្ជិត្ថ, នោ ច តេសំ តត្ថ រូបាយតនំ ឧប្បជ្ជិស្សតិ. ឥតរេសំ កាមាវចរានំ តេសំ តត្ថ ឃានាយតនញ្ច ឧប្បជ្ជិត្ថ រូបាយតនញ្ច ឧប្បជ្ជិស្សតិ.

(ខ) យស្ស វា បន យត្ថ រូបាយតនំ ឧប្បជ្ជិស្សតិ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរានំ តេសំ តត្ថ រូបាយតនំ ឧប្បជ្ជិស្សតិ, នោ ច តេសំ តត្ថ ឃានាយតនំ ឧប្បជ្ជិត្ថ. កាមាវចរានំ តេសំ តត្ថ រូបាយតនញ្ច ឧប្បជ្ជិស្សតិ ឃានាយតនញ្ច ឧប្បជ្ជិត្ថ.

យស្ស យត្ថ ឃានាយតនំ ឧប្បជ្ជិត្ថ តស្ស តត្ថ មនាយតនំ…បេ… ធម្មាយតនំ ឧប្បជ្ជិស្សតីតិ?

កាមាវចរេ បច្ឆិមភវិកានំ តេសំ តត្ថ ឃានាយតនំ ឧប្បជ្ជិត្ថ, នោ ច តេសំ តត្ថ ធម្មាយតនំ ឧប្បជ្ជិស្សតិ. ឥតរេសំ កាមាវចរានំ តេសំ តត្ថ ឃានាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

យស្ស វា បន យត្ថ ធម្មាយតនំ ឧប្បជ្ជិស្សតិ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ ធម្មាយតនំ ឧប្បជ្ជិស្សតិ, នោ ច តេសំ តត្ថ ឃានាយតនំ ឧប្បជ្ជិត្ថ. កាមាវចរានំ តេសំ តត្ថ ធម្មាយតនញ្ច ឧប្បជ្ជិស្សតិ ឃានាយតនញ្ច ឧប្បជ្ជិត្ថ. (ឃានាយតនមូលកំ)

១១១. (ក) យស្ស យត្ថ រូបាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជិស្សតីតិ?

បញ្ចវោការេ បច្ឆិមភវិកានំ អសញ្ញសត្តានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ មនាយតនំ ឧប្បជ្ជិស្សតិ. ឥតរេសំ បញ្ចវោការានំ តេសំ តត្ថ រូបាយតនញ្ច ឧប្បជ្ជិត្ថ មនាយតនញ្ច ឧប្បជ្ជិស្សតិ.

(ខ) យស្ស វា បន យត្ថ មនាយតនំ ឧប្បជ្ជិស្សតិ តស្ស តត្ថ រូបាយតនំ ឧប្បជ្ជិត្ថាតិ?

អរូបានំ តេសំ តត្ថ មនាយតនំ ឧប្បជ្ជិស្សតិ, នោ ច តេសំ តត្ថ រូបាយតនំ ឧប្បជ្ជិត្ថ. បញ្ចវោការានំ តេសំ តត្ថ មនាយតនញ្ច ឧប្បជ្ជិស្សតិ រូបាយតនញ្ច ឧប្បជ្ជិត្ថ.

(ក) យស្ស យត្ថ រូបាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិស្សតីតិ?

បញ្ចវោការេ បច្ឆិមភវិកានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ ធម្មាយតនំ ឧប្បជ្ជិស្សតិ. ឥតរេសំ បញ្ចវោការានំ អសញ្ញសត្តានំ តេសំ តត្ថ រូបាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

(ខ) យស្ស វា បន យត្ថ ធម្មាយតនំ ឧប្បជ្ជិស្សតិ តស្ស តត្ថ រូបាយតនំ ឧប្បជ្ជិត្ថាតិ?

អរូបានំ តេសំ តត្ថ ធម្មាយតនំ ឧប្បជ្ជិស្សតិ, នោ ច តេសំ តត្ថ រូបាយតនំ ឧប្បជ្ជិត្ថ. បញ្ចវោការានំ អសញ្ញសត្តានំ តេសំ តត្ថ ធម្មាយតនញ្ច ឧប្បជ្ជិស្សតិ រូបាយតនញ្ច ឧប្បជ្ជិត្ថ. (រូបាយតនមូលកំ)

១១២. (ក) យស្ស យត្ថ មនាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិស្សតីតិ?

បច្ឆិមភវិកានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ ធម្មាយតនំ ឧប្បជ្ជិស្សតិ. ឥតរេសំ ចតុវោការានំ បញ្ចវោការានំ តេសំ តត្ថ មនាយតនញ្ច ឧប្បជ្ជិត្ថ ធម្មាយតនញ្ច ឧប្បជ្ជិស្សតិ.

(ខ) យស្ស វា បន យត្ថ ធម្មាយតនំ ឧប្បជ្ជិស្សតិ តស្ស តត្ថ មនាយតនំ ឧប្បជ្ជិត្ថាតិ?

អសញ្ញសត្តានំ តេសំ តត្ថ ធម្មាយតនំ ឧប្បជ្ជិស្សតិ, នោ ច តេសំ តត្ថ មនាយតនំ ឧប្បជ្ជិត្ថ. ចតុវោការានំ បញ្ចវោការានំ តេសំ តត្ថ ធម្មាយតនញ្ច ឧប្បជ្ជិស្សតិ មនាយតនញ្ច ឧប្បជ្ជិត្ថ. (មនាយតនមូលកំ)

(ឃ) បច្ចនីកបុគ្គលោ

១១៣. (ក) យស្ស ចក្ខាយតនំ នុប្បជ្ជិត្ថ តស្ស សោតាយតនំ នុប្បជ្ជិស្សតីតិ? នត្ថិ.

(ខ) យស្ស វា បន សោតាយតនំ នុប្បជ្ជិស្សតិ តស្ស ចក្ខាយតនំ នុប្បជ្ជិត្ថាតិ? ឧប្បជ្ជិត្ថ.

យស្ស ចក្ខាយតនំ នុប្បជ្ជិត្ថ តស្ស ឃានាយតនំ…បេ… រូបាយតនំ… មនាយតនំ… ធម្មាយតនំ នុប្បជ្ជិស្សតីតិ? នត្ថិ.

យស្ស វា បន ធម្មាយតនំ នុប្បជ្ជិស្សតិ តស្ស ចក្ខាយតនំ នុប្បជ្ជិត្ថាតិ? ឧប្បជ្ជិត្ថ.

១១៤. យស្ស ឃានាយតនំ…បេ… រូបាយតនំ… មនាយតនំ នុប្បជ្ជិត្ថ តស្ស ធម្មាយតនំ នុប្បជ្ជិស្សតីតិ? នត្ថិ. យស្ស វា បន ធម្មាយតនំ នុប្បជ្ជិស្សតិ តស្ស មនាយតនំ នុប្បជ្ជិត្ថាតិ? ឧប្បជ្ជិត្ថ.

(ង) បច្ចនីកឱកាសោ

១១៥. យត្ថ ចក្ខាយតនំ នុប្បជ្ជិត្ថ…បេ….

(ច) បច្ចនីកបុគ្គលោកាសា

១១៦. (ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ សោតាយតនំ នុប្បជ្ជិស្សតីតិ? អាមន្តា.

(ខ) យស្ស វា បន យត្ថ សោតាយតនំ នុប្បជ្ជិស្សតិ តស្ស តត្ថ ចក្ខាយតនំ នុប្បជ្ជិត្ថាតិ?

បញ្ចវោការេ បច្ឆិមភវិកានំ តេសំ តត្ថ សោតាយតនំ នុប្បជ្ជិស្សតិ, នោ ច តេសំ តត្ថ ចក្ខាយតនំ នុប្បជ្ជិត្ថ. សុទ្ធាវាសានំ អសញ្ញសត្តានំ អរូបានំ តេសំ តត្ថ សោតាយតនញ្ច នុប្បជ្ជិស្សតិ ចក្ខាយតនញ្ច នុប្បជ្ជិត្ថ.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជិស្សតីតិ? អាមន្តា.

(ខ) យស្ស វា បន យត្ថ ឃានាយតនំ នុប្បជ្ជិស្សតិ តស្ស តត្ថ ចក្ខាយតនំ នុប្បជ្ជិត្ថាតិ?

កាមាវចរេ បច្ឆិមភវិកានំ រូបាវចរានំ តេសំ តត្ថ ឃានាយតនំ នុប្បជ្ជិស្សតិ, នោ ច តេសំ តត្ថ ចក្ខាយតនំ នុប្បជ្ជិត្ថ. សុទ្ធាវាសានំ អសញ្ញសត្តានំ អរូបានំ តេសំ តត្ថ ឃានាយតនញ្ច នុប្បជ្ជិស្សតិ ចក្ខាយតនញ្ច នុប្បជ្ជិត្ថ.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជិស្សតីតិ?

អសញ្ញសត្តានំ តេសំ តត្ថ ចក្ខាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជិស្សតិ. សុទ្ធាវាសានំ អរូបានំ តេសំ តត្ថ ចក្ខាយតនញ្ច នុប្បជ្ជិត្ថ រូបាយតនញ្ច នុប្បជ្ជិស្សតិ.

(ខ) យស្ស វា បន យត្ថ រូបាយតនំ នុប្បជ្ជិស្សតិ តស្ស តត្ថ ចក្ខាយតនំ នុប្បជ្ជិត្ថាតិ?

បញ្ចវោការេ បច្ឆិមភវិកានំ តេសំ តត្ថ រូបាយតនំ នុប្បជ្ជិស្សតិ, នោ ច តេសំ តត្ថ ចក្ខាយតនំ នុប្បជ្ជិត្ថ. សុទ្ធាវាសានំ អរូបានំ តេសំ តត្ថ រូបាយតនញ្ច នុប្បជ្ជិស្សតិ ចក្ខាយតនញ្ច នុប្បជ្ជិត្ថ.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិស្សតីតិ?

អរូបានំ តេសំ តត្ថ ចក្ខាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជិស្សតិ. សុទ្ធាវាសានំ អរូបេ បច្ឆិមភវិកានំ អសញ្ញសត្តានំ តេសំ តត្ថ ចក្ខាយតនញ្ច នុប្បជ្ជិត្ថ មនាយតនញ្ច នុប្បជ្ជិស្សតិ.

(ខ) យស្ស វា បន យត្ថ មនាយតនំ នុប្បជ្ជិស្សតិ តស្ស តត្ថ ចក្ខាយតនំ នុប្បជ្ជិត្ថាតិ?

បញ្ចវោការេ បច្ឆិមភវិកានំ តេសំ តត្ថ មនាយតនំ នុប្បជ្ជិស្សតិ, នោ ច តេសំ តត្ថ ចក្ខាយតនំ នុប្បជ្ជិត្ថ. សុទ្ធាវាសានំ អរូបេ បច្ឆិមភវិកានំ អសញ្ញសត្តានំ តេសំ តត្ថ មនាយតនញ្ច នុប្បជ្ជិស្សតិ ចក្ខាយតនញ្ច នុប្បជ្ជិត្ថ.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិស្សតីតិ?

អសញ្ញសត្តានំ អរូបានំ តេសំ តត្ថ ចក្ខាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិស្សតិ. សុទ្ធាវាសានំ អរូបេ បច្ឆិមភវិកានំ តេសំ តត្ថ ចក្ខាយតនញ្ច នុប្បជ្ជិត្ថ ធម្មាយតនំ នុប្បជ្ជិស្សតិ.

(ខ) យស្ស វា បន យត្ថ ធម្មាយតនំ នុប្បជ្ជិស្សតិ តស្ស តត្ថ ចក្ខាយតនំ នុប្បជ្ជិត្ថាតិ?

បញ្ចវោការេ បច្ឆិមភវិកានំ តេសំ តត្ថ ធម្មាយតនំ នុប្បជ្ជិស្សតិ, នោ ច តេសំ តត្ថ ចក្ខាយតនំ នុប្បជ្ជិត្ថ. សុទ្ធាវាសានំ អរូបេ បច្ឆិមភវិកានំ តេសំ តត្ថ ធម្មាយតនញ្ច នុប្បជ្ជិស្សតិ ចក្ខាយតនញ្ច នុប្បជ្ជិត្ថ. (ចក្ខាយតនមូលកំ)

១១៧. (ក) យស្ស យត្ថ ឃានាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជិស្សតីតិ?

រូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជិស្សតិ. រូបាវចរេ បច្ឆិមភវិកានំ អរូបានំ តេសំ តត្ថ ឃានាយតនញ្ច នុប្បជ្ជិត្ថ រូបាយតនញ្ច នុប្បជ្ជិស្សតិ.

(ខ) យស្ស វា បន យត្ថ រូបាយតនំ នុប្បជ្ជិស្សតិ តស្ស តត្ថ ឃានាយតនំ នុប្បជ្ជិត្ថាតិ?

កាមាវចរេ បច្ឆិមភវិកានំ តេសំ តត្ថ រូបាយតនំ នុប្បជ្ជិស្សតិ, នោ ច តេសំ តត្ថ ឃានាយតនំ នុប្បជ្ជិត្ថ. រូបាវចរេ បច្ឆិមភវិកានំ អរូបានំ តេសំ តត្ថ រូបាយតនញ្ច នុប្បជ្ជិស្សតិ ឃានាយតនញ្ច នុប្បជ្ជិត្ថ.

(ក) យស្ស យត្ថ ឃានាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិស្សតីតិ?

រូបាវចរានំ អរូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជិស្សតិ. រូបាវចរេ អរូបាវចរេ បច្ឆិមភវិកានំ អសញ្ញសត្តានំ តេសំ តត្ថ ឃានាយតនញ្ច នុប្បជ្ជិត្ថ មនាយតនញ្ច នុប្បជ្ជិស្សតិ.

(ខ) យស្ស វា បន យត្ថ មនាយតនំ នុប្បជ្ជិស្សតិ តស្ស តត្ថ ឃានាយតនំ នុប្បជ្ជិត្ថាតិ?

កាមាវចរេ បច្ឆិមភវិកានំ តេសំ តត្ថ មនាយតនំ នុប្បជ្ជិស្សតិ, នោ ច តេសំ តត្ថ ឃានាយតនំ នុប្បជ្ជិត្ថ. រូបាវចរេ អរូបាវចរេ បច្ឆិមភវិកានំ អសញ្ញសត្តានំ តេសំ តត្ថ មនាយតនញ្ច នុប្បជ្ជិស្សតិ ឃានាយតនញ្ច នុប្បជ្ជិត្ថ.

(ក) យស្ស យត្ថ ឃានាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិស្សតីតិ?

រូបាវចរានំ អរូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិស្សតិ. រូបាវចរេ អរូបាវចរេ បច្ឆិមភវិកានំ តេសំ តត្ថ ឃានាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិស្សតិ.

(ខ) យស្ស វា បន យត្ថ ធម្មាយតនំ នុប្បជ្ជិស្សតិ តស្ស តត្ថ ឃានាយតនំ នុប្បជ្ជិត្ថាតិ?

កាមាវចរេ បច្ឆិមភវិកានំ តេសំ តត្ថ ធម្មាយតនំ នុប្បជ្ជិស្សតិ, នោ ច តេសំ តត្ថ ឃានាយតនំ នុប្បជ្ជិត្ថ. រូបាវចរេ អរូបាវចរេ បច្ឆិមភវិកានំ តេសំ តត្ថ ធម្មាយតនញ្ច នុប្បជ្ជិស្សតិ ឃានាយតនញ្ច នុប្បជ្ជិត្ថ. (ឃានាយតនមូលកំ)

១១៨. (ក) យស្ស យត្ថ រូបាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិស្សតីតិ?

អរូបានំ តេសំ តត្ថ រូបាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជិស្សតិ. សុទ្ធាវាសានំ អរូបេ បច្ឆិមភវិកានំ តេសំ តត្ថ រូបាយតនញ្ច នុប្បជ្ជិត្ថ មនាយតនញ្ច នុប្បជ្ជិស្សតិ.

(ខ) យស្ស វា បន យត្ថ មនាយតនំ នុប្បជ្ជិស្សតិ តស្ស តត្ថ រូបាយតនំ នុប្បជ្ជិត្ថាតិ?

បញ្ចវោការេ បច្ឆិមភវិកានំ អសញ្ញសត្តានំ តេសំ តត្ថ មនាយតនំ នុប្បជ្ជិស្សតិ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសានំ អរូបេ បច្ឆិមភវិកានំ តេសំ តត្ថ មនាយតនញ្ច នុប្បជ្ជិស្សតិ រូបាយតនញ្ច នុប្បជ្ជិត្ថ.

(ក) យស្ស =៩៣ យត្ថ រូបាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិស្សតីតិ?

អរូបានំ តេសំ តត្ថ រូបាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិស្សតិ. សុទ្ធាវាសានំ អរូបេ បច្ឆិមភវិកានំ តេសំ តត្ថ រូបាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិស្សតិ.

(ខ) យស្ស វា បន យត្ថ ធម្មាយតនំ នុប្បជ្ជិស្សតិ តស្ស តត្ថ រូបាយតនំ នុប្បជ្ជិត្ថាតិ?

បញ្ចវោការេ បច្ឆិមភវិកានំ តេសំ តត្ថ ធម្មាយតនំ នុប្បជ្ជិស្សតិ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសានំ អរូបេ បច្ឆិមភវិកានំ តេសំ តត្ថ ធម្មាយតនញ្ច នុប្បជ្ជិស្សតិ រូបាយតនញ្ច នុប្បជ្ជិត្ថ. (រូបាយតនមូលកំ)

១១៩. (ក) យស្ស យត្ថ មនាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិស្សតីតិ?

អសញ្ញសត្តានំ តេសំ តត្ថ មនាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិស្សតិ. សុទ្ធាវាសានំ តេសំ តត្ថ មនាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិស្សតិ.

(ខ) យស្ស វា បន យត្ថ ធម្មាយតនំ នុប្បជ្ជិស្សតិ តស្ស តត្ថ មនាយតនំ នុប្បជ្ជិត្ថាតិ?

បច្ឆិមភវិកានំ តេសំ តត្ថ ធម្មាយតនំ នុប្បជ្ជិស្សតិ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសានំ តេសំ តត្ថ ធម្មាយតនញ្ច នុប្បជ្ជិស្សតិ មនាយតនញ្ច នុប្បជ្ជិត្ថ.

ឧប្បាទវារោ.