(៤) បច្ចុប្បន្នាតីតវារោ

(ក) អនុលោមបុគ្គលោ

៧០. (ក) យស្ស ចក្ខាយតនំ ឧប្បជ្ជតិ តស្ស សោតាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន សោតាយតនំ ឧប្បជ្ជិត្ថ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ សោតាយតនំ ឧប្បជ្ជិត្ថ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ សោតាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជតិ.

យស្ស ចក្ខាយតនំ ឧប្បជ្ជតិ តស្ស ឃានាយតនំ…បេ… រូបាយតនំ… មនាយតនំ… ធម្មាយតនំ ឧប្បជ្ជិត្ថាតិ? អាមន្តា.

យស្ស វា បន ធម្មាយតនំ ឧប្បជ្ជិត្ថ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ ធម្មាយតនំ ឧប្បជ្ជិត្ថ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជតិ. (ចក្ខាយតនមូលកំ)

៧១. យស្ស ឃានាយតនំ ឧប្បជ្ជតិ តស្ស រូបាយតនំ…បេ… មនាយតនំ… ធម្មាយតនំ ឧប្បជ្ជិត្ថាតិ? អាមន្តា.

យស្ស វា បន ធម្មាយតនំ ឧប្បជ្ជិត្ថ តស្ស ឃានាយតនំ ឧប្បជ្ជតីតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ ធម្មាយតនំ ឧប្បជ្ជិត្ថ, នោ ច តេសំ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជតិ. (ឃានាយតនមូលកំ)

៧២. យស្ស រូបាយតនំ ឧប្បជ្ជតិ តស្ស មនាយតនំ…បេ… ធម្មាយតនំ ឧប្បជ្ជិត្ថាតិ? អាមន្តា.

យស្ស វា បន ធម្មាយតនំ ឧប្បជ្ជិត្ថ តស្ស រូបាយតនំ ឧប្បជ្ជតីតិ?

សព្ពេសំ ចវន្តានំ អរូបកានំ ឧបបជ្ជន្តានំ តេសំ ធម្មាយតនំ ឧប្បជ្ជិត្ថ, នោ ច តេសំ រូបាយតនំ ឧប្បជ្ជតិ. សរូបកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជិត្ថ រូបាយតនញ្ច ឧប្បជ្ជតិ. (រូបាយតនមូលកំ)

៧៣. (ក) យស្ស មនាយតនំ ឧប្បជ្ជតិ តស្ស ធម្មាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន ធម្មាយតនំ ឧប្បជ្ជិត្ថ តស្ស មនាយតនំ ឧប្បជ្ជតីតិ?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ ធម្មាយតនំ ឧប្បជ្ជិត្ថ, នោ ច តេសំ មនាយតនំ ឧប្បជ្ជតិ. សចិត្តកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជិត្ថ មនាយតនញ្ច ឧប្បជ្ជតិ. (មនាយតនមូលកំ)

(ខ) អនុលោមឱកាសោ

៧៤. យត្ថ ចក្ខាយតនំ ឧប្បជ្ជតិ តត្ថ សោតាយតនំ ឧប្បជ្ជិត្ថាតិ? អាមន្តា.…បេ….

(គ) អនុលោមបុគ្គលោកាសា

៧៥. (ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ សោតាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ សោតាយតនំ ឧប្បជ្ជិត្ថ. ឥតរេសំ សចក្ខុកានំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ សោតាយតនញ្ច ឧប្បជ្ជិត្ថ.

(ខ) យស្ស វា បន យត្ថ សោតាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ សោតាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ សោតាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ ឃានាយតនំ ឧប្បជ្ជិត្ថ. សចក្ខុកានំ កាមាវចរំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ ឃានាយតនញ្ច ឧប្បជ្ជិត្ថ.

(ខ) យស្ស វា បន យត្ថ ឃានាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជតីតិ?

កាមាវចរា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ ឃានាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ កាមាវចរំ ឧបបជ្ជន្តានំ តេសំ តត្ថ ឃានាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ រូបាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ រូបាយតនំ ឧប្បជ្ជិត្ថ. ឥតរេសំ សចក្ខុកានំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ រូបាយតនញ្ច ឧប្បជ្ជិត្ថ.

(ខ) យស្ស វា បន យត្ថ រូបាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អសញ្ញសត្តានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ រូបាយតនញ្ច ច ឧប្បជ្ជិត្ថ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ មនាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ មនាយតនំ ឧប្បជ្ជិត្ថ. ឥតរេសំ សចក្ខុកានំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ មនាយតនញ្ច ឧប្បជ្ជិត្ថ.

(ខ) យស្ស វា បន យត្ថ មនាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អរូបានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ មនាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ ធម្មាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ ធម្មាយតនំ ឧប្បជ្ជិត្ថ. ឥតរេសំ សចក្ខុកានំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ ធម្មាយតនញ្ច ឧប្បជ្ជិត្ថ.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ ធម្មាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជតិ. (ចក្ខាយតនមូលកំ)

៧៦. (ក) យស្ស យត្ថ ឃានាយតនំ ឧប្បជ្ជតិ តស្ស តត្ថ រូបាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ រូបាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជតីតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ តត្ថ រូបាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជតិ.

(ក) យស្ស យត្ថ ឃានាយតនំ ឧប្បជ្ជតិ តស្ស តត្ថ មនាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ មនាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជតីតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ អរូបាវចរានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ តត្ថ មនាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជតិ.

(ក) យស្ស យត្ថ ឃានាយតនំ ឧប្បជ្ជតិ តស្ស តត្ថ ធម្មាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជតីតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ តត្ថ ធម្មាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជតិ. (ឃានាយតនមូលកំ)

៧៧. (ក) យស្ស យត្ថ រូបាយតនំ ឧប្បជ្ជតិ តស្ស តត្ថ មនាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ អសញ្ញសត្តំ ឧបបជ្ជន្តានំ តេសំ តត្ថ រូបាយតនំ ឧប្បជ្ជតិ, នោ ច តេសំ តត្ថ មនាយតនំ ឧប្បជ្ជិត្ថ. ឥតរេសំ បញ្ចវោការំ ឧបបជ្ជន្តានំ តេសំ តត្ថ រូបាយតនញ្ច ឧប្បជ្ជតិ មនាយតនញ្ច ឧប្បជ្ជិត្ថ.

(ខ) យស្ស វា បន យត្ថ មនាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជតីតិ?

បញ្ចវោការា ចវន្តានំ អរូបានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ រូបាយតនំ ឧប្បជ្ជតិ. បញ្ចវោការំ ឧបបជ្ជន្តានំ តេសំ តត្ថ មនាយតនញ្ច ឧប្បជ្ជិត្ថ រូបាយតនញ្ច ឧប្បជ្ជតិ.

(ក) យស្ស យត្ថ រូបាយតនំ ឧប្បជ្ជតិ តស្ស តត្ថ ធម្មាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ រូបាយតនំ ឧប្បជ្ជតិ, នោ ច តេសំ តត្ថ ធម្មាយតនំ ឧប្បជ្ជិត្ថ. ឥតរេសំ សរូបកានំ ឧបបជ្ជន្តានំ តេសំ តត្ថ រូបាយតនញ្ច ឧប្បជ្ជតិ ធម្មាយតនញ្ច ឧប្បជ្ជិត្ថ.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជតីតិ?

សព្ពេសំ ចវន្តានំ អរូបកានំ ឧបបជ្ជន្តានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ រូបាយតនំ ឧប្បជ្ជតិ. សរូបកានំ ឧបបជ្ជន្តានំ តេសំ តត្ថ ធម្មាយតនញ្ច ឧប្បជ្ជិត្ថ រូបាយតនញ្ច ឧប្បជ្ជតិ. (រូបាយតនមូលកំ)

៧៨. (ក) យស្ស យត្ថ មនាយតនំ ឧប្បជ្ជតិ តស្ស តត្ថ ធម្មាយតនំ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ មនាយតនំ ឧប្បជ្ជតិ, នោ ច តេសំ តត្ថ ធម្មាយតនំ ឧប្បជ្ជិត្ថ. ឥតរេសំ សចិត្តកានំ ឧបបជ្ជន្តានំ តេសំ តត្ថ មនាយតនញ្ច ឧប្បជ្ជតិ ធម្មាយតនញ្ច ឧប្បជ្ជិត្ថ.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជតីតិ?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ មនាយតនំ ឧប្បជ្ជតិ. សចិត្តកានំ ឧបបជ្ជន្តានំ តេសំ តត្ថ ធម្មាយតនញ្ច ឧប្បជ្ជិត្ថ មនាយតនញ្ច ឧប្បជ្ជតិ. (មនាយតនមូលកំ)

(ឃ) បច្ចនីកបុគ្គលោ

៧៩. (ក) យស្ស ចក្ខាយតនំ នុប្បជ្ជតិ តស្ស សោតាយតនំ នុប្បជ្ជិត្ថាតិ? ឧប្បជ្ជិត្ថ.

(ខ) យស្ស វា បន សោតាយតនំ នុប្បជ្ជិត្ថ តស្ស ចក្ខាយតនំ នុប្បជ្ជតីតិ? នត្ថិ.

យស្ស ចក្ខាយតនំ នុប្បជ្ជតិ តស្ស ឃានាយតនំ…បេ… រូបាយតនំ… មនាយតនំ… ធម្មាយតនំ នុប្បជ្ជិត្ថាតិ? ឧប្បជ្ជិត្ថ.

យស្ស វា បន ធម្មាយតនំ នុប្បជ្ជិត្ថ តស្ស ចក្ខាយតនំ នុប្បជ្ជតីតិ? នត្ថិ.

៨០. យស្ស ឃានាយតនំ…បេ… រូបាយតនំ… មនាយតនំ នុប្បជ្ជតិ តស្ស ធម្មាយតនំ នុប្បជ្ជិត្ថាតិ? ឧប្បជ្ជិត្ថ.

យស្ស វា បន ធម្មាយតនំ នុប្បជ្ជិត្ថ តស្ស មនាយតនំ នុប្បជ្ជតីតិ? នត្ថិ.

(ង) បច្ចនីកឱកាសោ

៨១. យត្ថ ចក្ខាយតនំ នុប្បជ្ជតិ…បេ….

(ច) បច្ចនីកបុគ្គលោកាសា

៨២. (ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ សោតាយតនំ នុប្បជ្ជិត្ថាតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ សោតាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ អសញ្ញសត្តានំ អរូបានំ តេសំ តត្ថ ចក្ខាយតនញ្ច នុប្បជ្ជតិ សោតាយតនញ្ច នុប្បជ្ជិត្ថ.

(ខ) យស្ស វា បន យត្ថ សោតាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ តេសំ តត្ថ សោតាយតនំ នុប្បជ្ជិត្ថ, នោ ច តេសំ តត្ថ ចក្ខាយតនំ នុប្បជ្ជតិ. សុទ្ធាវាសេ បរិនិព្ពន្តានំ អសញ្ញសត្តានំ អរូបានំ តេសំ តត្ថ សោតាយតនញ្ច នុប្បជ្ជិត្ថ ចក្ខាយតនញ្ច នុប្បជ្ជតិ.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ ឃានាយតនំ នុប្បជ្ជិត្ថាតិ?

កាមាវចរា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ ឃានាយតនំ នុប្បជ្ជិត្ថ. រូបាវចរា ចវន្តានំ អសញ្ញសត្តានំ អរូបានំ តេសំ តត្ថ ចក្ខាយតនញ្ច នុប្បជ្ជតិ ឃានាយតនញ្ច នុប្បជ្ជិត្ថ.

(ខ) យស្ស វា បន យត្ថ ឃានាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជតីតិ?

រូបាវចរំ ឧបបជ្ជន្តានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ ចក្ខាយតនំ នុប្បជ្ជតិ. រូបាវចរា ចវន្តានំ អសញ្ញសត្តានំ អរូបានំ តេសំ តត្ថ ឃានាយតនញ្ច នុប្បជ្ជិត្ថ ចក្ខាយតនញ្ច នុប្បជ្ជតិ.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ រូបាយតនំ នុប្បជ្ជិត្ថាតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អសញ្ញសត្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ អរូបានំ តេសំ តត្ថ ចក្ខាយតនញ្ច នុប្បជ្ជតិ រូបាយតនញ្ច នុប្បជ្ជិត្ថ.

(ខ) យស្ស វា បន យត្ថ រូបាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ តេសំ តត្ថ រូបាយតនំ នុប្បជ្ជិត្ថ, នោ ច តេសំ តត្ថ ចក្ខាយតនំ នុប្បជ្ជតិ. សុទ្ធាវាសេ បរិនិព្ពន្តានំ អរូបានំ តេសំ តត្ថ រូបាយតនញ្ច នុប្បជ្ជិត្ថ ចក្ខាយតនញ្ច នុប្បជ្ជតិ.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ មនាយតនំ នុប្បជ្ជិត្ថាតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អរូបានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ អសញ្ញសត្តានំ តេសំ តត្ថ ចក្ខាយតនញ្ច នុប្បជ្ជតិ មនាយតនញ្ច នុប្បជ្ជិត្ថ.

(ខ) យស្ស វា បន យត្ថ មនាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ តេសំ តត្ថ មនាយតនំ នុប្បជ្ជិត្ថ, នោ ច តេសំ តត្ថ ចក្ខាយតនំ នុប្បជ្ជតិ. សុទ្ធាវាសេ បរិនិព្ពន្តានំ អសញ្ញសត្តានំ តេសំ តត្ថ មនាយតនញ្ច នុប្បជ្ជិត្ថ ចក្ខាយតនញ្ច នុប្បជ្ជតិ.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ ធម្មាយតនំ នុប្បជ្ជិត្ថាតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ តេសំ តត្ថ ចក្ខាយតនញ្ច នុប្បជ្ជតិ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ តេសំ តត្ថ ធម្មាយតនំ នុប្បជ្ជិត្ថ, នោ ច តេសំ តត្ថ ចក្ខាយតនំ នុប្បជ្ជតិ. សុទ្ធាវាសេ បរិនិព្ពន្តានំ តេសំ តត្ថ ធម្មាយតនញ្ច នុប្បជ្ជិត្ថ ចក្ខាយតនញ្ច នុប្បជ្ជតិ. (ចក្ខាយតនមូលកំ)

៨៣. (ក) យស្ស យត្ថ ឃានាយតនំ នុប្បជ្ជតិ តស្ស តត្ថ រូបាយតនំ នុប្បជ្ជិត្ថាតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ តេសំ តត្ថ ឃានាយតនំ នុប្បជ្ជតិ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសានំ អរូបានំ តេសំ តត្ថ ឃានាយតនញ្ច នុប្បជ្ជតិ រូបាយតនញ្ច នុប្បជ្ជិត្ថ.

(ខ) យស្ស វា បន យត្ថ រូបាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជតីតិ? អាមន្តា.

(ក) យស្ស យត្ថ ឃានាយតនំ នុប្បជ្ជតិ តស្ស តត្ថ មនាយតនំ នុប្បជ្ជិត្ថាតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ អរូបាវចរានំ តេសំ តត្ថ ឃានាយតនំ នុប្បជ្ជតិ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសានំ អសញ្ញសត្តានំ តេសំ តត្ថ ឃានាយតនញ្ច នុប្បជ្ជតិ មនាយតនញ្ច នុប្បជ្ជិត្ថ.

(ខ) យស្ស វា បន យត្ថ មនាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជតីតិ? អាមន្តា.

(ក) យស្ស យត្ថ ឃានាយតនំ នុប្បជ្ជតិ តស្ស តត្ថ ធម្មាយតនំ នុប្បជ្ជិត្ថាតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ តត្ថ ឃានាយតនំ នុប្បជ្ជតិ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសានំ តេសំ តត្ថ ឃានាយតនញ្ច នុប្បជ្ជតិ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជតីតិ? អាមន្តា. (ឃានាយតនមូលកំ)

៨៤. (ក) យស្ស យត្ថ រូបាយតនំ នុប្បជ្ជតិ តស្ស តត្ថ មនាយតនំ នុប្បជ្ជិត្ថាតិ?

បញ្ចវោការា ចវន្តានំ អរូបានំ តេសំ តត្ថ រូបាយតនំ នុប្បជ្ជតិ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ អសញ្ញសត្តា ចវន្តានំ តេសំ តត្ថ រូបាយតនញ្ច នុប្បជ្ជតិ មនាយតនញ្ច នុប្បជ្ជិត្ថ.

(ខ) យស្ស វា បន យត្ថ មនាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ អសញ្ញសត្តំ ឧបបជ្ជន្តានំ តេសំ តត្ថ មនាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជតិ. សុទ្ធាវាសេ បរិនិព្ពន្តានំ អសញ្ញសត្តា ចវន្តានំ តេសំ តត្ថ មនាយតនញ្ច នុប្បជ្ជិត្ថ រូបាយតនញ្ច នុប្បជ្ជតិ.

(ក) យស្ស យត្ថ រូបាយតនំ នុប្បជ្ជតិ តស្ស តត្ថ ធម្មាយតនំ នុប្បជ្ជិត្ថាតិ?

សព្ពេសំ ចវន្តានំ អរូបកានំ ឧបបជ្ជន្តានំ តេសំ តត្ថ រូបាយតនំ នុប្បជ្ជតិ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ តេសំ តត្ថ រូបាយតនញ្ច នុប្បជ្ជតិ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ តេសំ តត្ថ ធម្មាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជតិ. សុទ្ធាវាសេ បរិនិព្ពន្តានំ តេសំ តត្ថ ធម្មាយតនញ្ច នុប្បជ្ជិត្ថ រូបាយតនញ្ច នុប្បជ្ជតិ. (រូបាយតនមូលកំ)

៨៥. (ក) យស្ស យត្ថ មនាយតនំ នុប្បជ្ជតិ តស្ស តត្ថ ធម្មាយតនំ នុប្បជ្ជិត្ថាតិ?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ តត្ថ មនាយតនំ នុប្បជ្ជតិ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសេ បរិនិព្ពន្តានំ តេសំ តត្ថ មនាយតនញ្ច នុប្បជ្ជតិ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជតីតិ?

សុទ្ធាវាសំ ឧបបជ្ជន្តានំ តេសំ តត្ថ ធម្មាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជតិ. សុទ្ធាវាសេ បរិនិព្ពន្តានំ តេសំ តត្ថ ធម្មាយតនញ្ច នុប្បជ្ជិត្ថ មនាយតនញ្ច នុប្បជ្ជតិ. (មនាយតនមូលកំ)