៦. អតីតានាគតវារោ

២១១. (ក) យោ រូបក្ខន្ធំ បរិជានិត្ថ សោ វេទនាក្ខន្ធំ បរិជានិស្សតីតិ? នោ.

(ខ) យោ វា បន វេទនាក្ខន្ធំ បរិជានិស្សតិ សោ រូបក្ខន្ធំ បរិជានិត្ថាតិ? នោ.

(ក) យោ រូបក្ខន្ធំ ន បរិជានិត្ថ សោ វេទនាក្ខន្ធំ ន បរិជានិស្សតីតិ?

យេ មគ្គំ បដិលភិស្សន្តិ តេ រូបក្ខន្ធំ ន បរិជានិត្ថ, នោ ច វេទនាក្ខន្ធំ ន បរិជានិស្សន្តិ. អគ្គមគ្គសមង្គី យេ ច បុថុជ្ជនា មគ្គំ ន បដិលភិស្សន្តិ តេ រូបក្ខន្ធញ្ច ន បរិជានិត្ថ វេទនាក្ខន្ធញ្ច ន បរិជានិស្សន្តិ.

(ខ) យោ វា បន វេទនាក្ខន្ធំ ន បរិជានិស្សតិ សោ រូបក្ខន្ធំ ន បរិជានិត្ថាតិ?

អរហា វេទនាក្ខន្ធំ ន បរិជានិស្សតិ, នោ ច រូបក្ខន្ធំ ន បរិជានិត្ថ. អគ្គមគ្គសមង្គី យេ ច បុថុជ្ជនា មគ្គំ ន បដិលភិស្សន្តិ តេ វេទនាក្ខន្ធញ្ច ន បរិជានិស្សន្តិ រូបក្ខន្ធញ្ច ន បរិជានិត្ថ.

បរិញ្ញាវារោ.

ខន្ធយមកបាឡិ និដ្ឋិតា.

នមោ តស្ស ភគវតោ អរហតោ សម្មាសម្ពុទ្ធស្ស