(៥) បច្ចុប្បន្នានាគតវារោ

(ក) អនុលោមបុគ្គលោ

១៣៣. (ក) យស្ស រូបក្ខន្ធោ និរុជ្ឈតិ តស្ស វេទនាក្ខន្ធោ និរុជ្ឈិស្សតីតិ?

បញ្ចវោការេ បរិនិព្ពន្តានំ តេសំ រូបក្ខន្ធោ និរុជ្ឈតិ, នោ ច តេសំ វេទនាក្ខន្ធោ និរុជ្ឈិស្សតិ. ឥតរេសំ បញ្ចវោការា ចវន្តានំ អសញ្ញសត្តា ចវន្តានំ តេសំ រូបក្ខន្ធោ ច និរុជ្ឈតិ វេទនាក្ខន្ធោ ច និរុជ្ឈិស្សតិ.

(ខ) យស្ស វា បន វេទនាក្ខន្ធោ និរុជ្ឈិស្សតិ តស្ស រូបក្ខន្ធោ និរុជ្ឈតីតិ?

សព្ពេសំ ឧបបជ្ជន្តានំ អរូបា ចវន្តានំ តេសំ វេទនាក្ខន្ធោ និរុជ្ឈិស្សតិ, នោ ច តេសំ រូបក្ខន្ធោ និរុជ្ឈតិ. បញ្ចវោការា ចវន្តានំ អសញ្ញសត្តា ចវន្តានំ តេសំ វេទនាក្ខន្ធោ ច និរុជ្ឈិស្សតិ រូបក្ខន្ធោ ច និរុជ្ឈតិ.

១៣៤. (ក) យស្ស វេទនាក្ខន្ធោ និរុជ្ឈតិ តស្ស សញ្ញាក្ខន្ធោ និរុជ្ឈិស្សតីតិ?

បរិនិព្ពន្តានំ តេសំ វេទនាក្ខន្ធោ និរុជ្ឈតិ, នោ ច តេសំ សញ្ញាក្ខន្ធោ និរុជ្ឈិស្សតិ. ឥតរេសំ ចតុវោការា បញ្ចវោការា ចវន្តានំ តេសំ វេទនាក្ខន្ធោ ច និរុជ្ឈតិ សញ្ញាក្ខន្ធោ ច និរុជ្ឈិស្សតិ.

(ខ) យស្ស វា បន សញ្ញាក្ខន្ធោ និរុជ្ឈិស្សតិ តស្ស វេទនាក្ខន្ធោ និរុជ្ឈតីតិ?

សព្ពេសំ ឧបបជ្ជន្តានំ អសញ្ញសត្តា ចវន្តានំ តេសំ សញ្ញាក្ខន្ធោ និរុជ្ឈិស្សតិ, នោ ច តេសំ វេទនាក្ខន្ធោ និរុជ្ឈតិ. ចតុវោការា បញ្ចវោការា ចវន្តានំ តេសំ សញ្ញាក្ខន្ធោ ច និរុជ្ឈិស្សតិ វេទនាក្ខន្ធោ និរុជ្ឈតិ.

(ខ) អនុលោមឱកាសោ

១៣៥. យត្ថ រូបក្ខន្ធោ និរុជ្ឈតិ…បេ….

(គ) អនុលោមបុគ្គលោកាសា

១៣៦. (ក) យស្ស យត្ថ រូបក្ខន្ធោ និរុជ្ឈតិ តស្ស តត្ថ វេទនាក្ខន្ធោ និរុជ្ឈិស្សតីតិ?

បញ្ចវោការេ បរិនិព្ពន្តានំ អសញ្ញសត្តា ចវន្តានំ តេសំ តត្ថ រូបក្ខន្ធោ និរុជ្ឈតិ, នោ ច តេសំ តត្ថ វេទនាក្ខន្ធោ និរុជ្ឈិស្សតិ. ឥតរេសំ បញ្ចវោការា ចវន្តានំ តេសំ តត្ថ រូបក្ខន្ធោ ច និរុជ្ឈតិ វេទនាក្ខន្ធោ ច និរុជ្ឈិស្សតិ.

(ខ) យស្ស វា បន យត្ថ វេទនាក្ខន្ធោ និរុជ្ឈិស្សតិ តស្ស តត្ថ រូបក្ខន្ធោ និរុជ្ឈតីតិ?

បញ្ចវោការំ ឧបបជ្ជន្តានំ អរូបានំ តេសំ តត្ថ វេទនាក្ខន្ធោ និរុជ្ឈិស្សតិ, នោ ច តេសំ តត្ថ រូបក្ខន្ធោ និរុជ្ឈតិ. បញ្ចវោការា ចវន្តានំ តេសំ តត្ថ វេទនាក្ខន្ធោ ច និរុជ្ឈិស្សតិ រូបក្ខន្ធោ ច និរុជ្ឈតិ.

១៣៧. (ក) យស្ស យត្ថ វេទនាក្ខន្ធោ និរុជ្ឈតិ តស្ស តត្ថ សញ្ញាក្ខន្ធោ និរុជ្ឈិស្សតីតិ?

បរិនិព្ពន្តានំ តេសំ តត្ថ វេទនាក្ខន្ធោ និរុជ្ឈតិ, នោ ច តេសំ តត្ថ សញ្ញាក្ខន្ធោ និរុជ្ឈិស្សតិ. ឥតរេសំ ចតុវោការា បញ្ចវោការា ចវន្តានំ តេសំ តត្ថ វេទនាក្ខន្ធោ ច និរុជ្ឈតិ សញ្ញាក្ខន្ធោ ច និរុជ្ឈិស្សតិ.

(ខ) យស្ស វា បន យត្ថ សញ្ញាក្ខន្ធោ និរុជ្ឈិស្សតិ តស្ស តត្ថ វេទនាក្ខន្ធោ និរុជ្ឈតីតិ?

ចតុវោការំ បញ្ចវោការំ ឧបបជ្ជន្តានំ តេសំ តត្ថ សញ្ញាក្ខន្ធោ និរុជ្ឈិស្សតិ, នោ ច តេសំ តត្ថ វេទនាក្ខន្ធោ និរុជ្ឈតិ. ចតុវោការា បញ្ចវោការា ចវន្តានំ តេសំ តត្ថ សញ្ញាក្ខន្ធោ ច និរុជ្ឈិស្សតិ វេទនាក្ខន្ធោ ច និរុជ្ឈតិ.

(ឃ) បច្ចនីកបុគ្គលោ

១៣៨. (ក) យស្ស រូបក្ខន្ធោ ន និរុជ្ឈតិ តស្ស វេទនាក្ខន្ធោ ន និរុជ្ឈិស្សតីតិ?

សព្ពេសំ ឧបបជ្ជន្តានំ អរូបា ចវន្តានំ តេសំ រូបក្ខន្ធោ ន និរុជ្ឈតិ, នោ ច តេសំ វេទនាក្ខន្ធោ ន និរុជ្ឈិស្សតិ. អរូបេ បរិនិព្ពន្តានំ តេសំ រូបក្ខន្ធោ ច ន និរុជ្ឈតិ វេទនាក្ខន្ធោ ច ន និរុជ្ឈិស្សតិ.

(ខ) យស្ស វា បន វេទនាក្ខន្ធោ ន និរុជ្ឈិស្សតិ តស្ស រូបក្ខន្ធោ ន និរុជ្ឈតីតិ?

បញ្ចវោការេ បរិនិព្ពន្តានំ តេសំ វេទនាក្ខន្ធោ ន និរុជ្ឈិស្សតិ, នោ ច តេសំ រូបក្ខន្ធោ ន និរុជ្ឈតិ. អរូបេ បរិនិព្ពន្តានំ តេសំ វេទនាក្ខន្ធោ ច ន និរុជ្ឈិស្សតិ រូបក្ខន្ធោ ច ន និរុជ្ឈតិ.

១៣៩. (ក) យស្ស វេទនាក្ខន្ធោ ន និរុជ្ឈតិ តស្ស សញ្ញាក្ខន្ធោ ន និរុជ្ឈិស្សតីតិ? និរុជ្ឈិស្សតិ.

(ខ) យស្ស វា បន សញ្ញាក្ខន្ធោ ន និរុជ្ឈិស្សតិ តស្ស វេទនាក្ខន្ធោ ន និរុជ្ឈតីតិ? និរុជ្ឈតិ.

(ង) បច្ចនីកឱកាសោ

១៤០. យត្ថ រូបក្ខន្ធោ ន និរុជ្ឈតិ…បេ….

(ច) បច្ចនីកបុគ្គលោកាសា

១៤១. (ក) យស្ស យត្ថ រូបក្ខន្ធោ ន និរុជ្ឈតិ តស្ស តត្ថ វេទនាក្ខន្ធោ ន និរុជ្ឈិស្សតីតិ?

បញ្ចវោការំ ឧបបជ្ជន្តានំ អរូបានំ តេសំ តត្ថ រូបក្ខន្ធោ ន និរុជ្ឈតិ, នោ ច តេសំ តត្ថ វេទនាក្ខន្ធោ ន និរុជ្ឈិស្សតិ. អរូបេ បរិនិព្ពន្តានំ អសញ្ញសត្តំ ឧបបជ្ជន្តានំ តេសំ តត្ថ រូបក្ខន្ធោ ច ន និរុជ្ឈតិ វេទនាក្ខន្ធោ ច ន និរុជ្ឈិស្សតិ.

(ខ) យស្ស វា បន យត្ថ វេទនាក្ខន្ធោ ន និរុជ្ឈិស្សតិ តស្ស តត្ថ រូបក្ខន្ធោ ន និរុជ្ឈតីតិ?

បញ្ចវោការេ បរិនិព្ពន្តានំ អសញ្ញសត្តា ចវន្តានំ តេសំ តត្ថ វេទនាក្ខន្ធោ ន និរុជ្ឈិស្សតិ, នោ ច តេសំ តត្ថ រូបក្ខន្ធោ ន និរុជ្ឈតិ. អរូបេ បរិនិព្ពន្តានំ អសញ្ញសត្តំ ឧបបជ្ជន្តានំ តេសំ តត្ថ វេទនាក្ខន្ធោ ច ន និរុជ្ឈិស្សតិ រូបក្ខន្ធោ ច ន និរុជ្ឈតិ.

១៤២. (ក) យស្ស យត្ថ វេទនាក្ខន្ធោ ន និរុជ្ឈតិ តស្ស តត្ថ សញ្ញាក្ខន្ធោ ន និរុជ្ឈិស្សតីតិ?

ចតុវោការំ បញ្ចវោការំ ឧបបជ្ជន្តានំ តេសំ តត្ថ វេទនាក្ខន្ធោ ន និរុជ្ឈតិ, នោ ច តេសំ តត្ថ សញ្ញាក្ខន្ធោ ន និរុជ្ឈិស្សតិ. អសញ្ញសត្តានំ តេសំ តត្ថ វេទនាក្ខន្ធោ ច ន និរុជ្ឈតិ សញ្ញាក្ខន្ធោ ច ន និរុជ្ឈិស្សតិ.

(ខ) យស្ស វា បន យត្ថ សញ្ញាក្ខន្ធោ ន និរុជ្ឈិស្សតិ តស្ស តត្ថ វេទនាក្ខន្ធោ ន និរុជ្ឈតីតិ?

បរិនិព្ពន្តានំ តេសំ តត្ថ សញ្ញាក្ខន្ធោ ន និរុជ្ឈិស្សតិ, នោ ច តេសំ តត្ថ វេទនាក្ខន្ធោ ន និរុជ្ឈតិ. អសញ្ញសត្តានំ តេសំ តត្ថ សញ្ញាក្ខន្ធោ ច ន និរុជ្ឈិស្សតិ វេទនាក្ខន្ធោ ច ន និរុជ្ឈតិ.